** تباشير مواليد يناير + فبراير 2014 **
متابعة النقاش، صفحة 90
شاركي في النقاش
سجلي الدخول لإضافة تعليق.
التعليقات
1,810- أهلين ليه ٦ايام بالعاشر والدكتورة امس عطتني موعد تنويم الأحد على اساس يعطوني طلق صناعي بس رفضت قلت سولي عمليه قيصريه مابي اتبهذل نفس بكري طلق صناعي وتعب يومين بالمستشفى وإخر شي تعب الطفل وحول وني قيصري قعدت تحاول فيني بس ما اقتنعت واستخرت ربي والله يسهل علي عمليتي صح ضايق صدري علشان خلاص الباقي بيكون كلهم عمليات بس اهم شي ربي يقوم نئ أنا والبيبي بصحه وعافيه اللي خائفه من العمليه وهو رابع طفل توكلي على الله والحمد لله اهم شي قومتك بالسلامه بنات دعواتكم اقوم بالسلامه وابشركم
- أهلين بنات اليوم زي ماقلت لكم ملكة اخو زوجي طبعا هم كانو بيسوون الحفلة عند أهل العروس كله علشان مايتعبوني يس انا رفضت قلت لزوجي عيب اهلك مايجون بيتك وانا طيبة وماحولي ولادة المهم سويت ضيافة لهم العصر وراحو لاهل العروس المغرب والعشا جوو عندنا وسوينا ضيافة ثانية وانا اللي دفعت تكاليفها وعشاا وجمعه وبزورة وسلفاتي كلهم جايات واخوات زوجي وعيالهم واخوانه كلهم ....المهم ضغطت على روحي وجاملت ... وهم ماقصروا جايبن شغالات ولايبوني اتحرك بس انا غصب اقوم واشرف ... المهم خلصت الحفلة ومشو قبل شوي ... والله مااقدر اقف على رجليني ... وكل شي فيني ينبض ويعلم الله اني انبسطت فيهم ... واهم شي ان زوجي انبسط ... توقعت بعد مايروحون انه بيجي بيشكرني الحبيب والا يسمعني دعوة حلوة والا يحضني حضن محب .... قام يتكلم عن الحفلة بدون ذكر شي ... هو مايجهله شي ليش المكابر ... الى متى انا اشوف الرضا بعيونه وعاجبه ماسويت .... طيب ماتعرف تصف كلمتين بجنب بعض ... بنات زوجي خطيب يصيغ الخطب ... مايعرف يصيغ عبارة لزوجته ... طبعا انا مابينت اني متضايقه ... دخلت غرفتي وهلت دموعي غصب من القهررر ...وهو جلس على التلفزيون . بالله وش السواة معه .... انا ادري انه يحبني ويقدرني بس له يومين متنرفز مدري وش فيه .... مره اقول من البنيان ومره اقول هاذي اخلاقه ... المهم اني تعبت وبس ... ربي يفرجها ... ربي يسخره لي ويهدي قلبه ...
- نسووومه حبيبتي والله كلهم كذا حتى المجامله ما يعرفوها والكلام الحلو اجهل الناس فيه يختي تقولي جدران
وانتي بيض الله وجهك ماسويتها عشان شكر سويتيها عشان اصلك الطيب وشهامتك
خخخخخخ يلا خلاص خلصت الحفله تعالي نفكر بالولادة - تدرين عاد ... يكفيني ان اهله انبسطوا واشوف التقدير بعيونهم وعارفين اني انا اللي مبادره ... واصلا ماحسست زوجي انا ميته على شكرك ولاراح ابين له ... لان ذا واجب علي .. بس اللي حز بخاطري ان وضعي ونفسيتي غير بهالايام .. يعني المراعاة ضرورية ... والله اني جالسه عندهم واخوه الكبير يمدح زوجته قدامنا ويدعي لها ويمازحها ... وزوجي يشوف ويسمع ... وان لاجا طاري دعولي واثنوا علي مع ذلك مايعلق .. بغيت اصكه بالصينية ... والله ماخليته جاهل دايم المح واصرح .. بس ماعندي احد ...
- مبروك لكل الي ولدوا
وعقبال الباقي يارب
انا تعبت ومعاد اقدر اتحمل وشايله هم ان الرحم لس مافتح
بكرة بروح اكشف واتطمن وان شاا الله خير
هذا الاسبوع بيكون اخر شي بالتاسع
في احد هنا مخلص التاسع كثير
وبكريات ولا لا
وفي احد جرب شي يفتح الرحم ويقوي الطلق
مواضيع مشابهة
تابعي تجارب أخرى من هذا القسم.