كيف اقسم وقتي بين دراستي الجامعية وجدتي♡♡ 💗💗

السلام عليكم ورحمة الله وبركاته😆


باااركولي كبرت وصرت جامعيه ^فيس متشقق^ 
يارب لك الحمد وافتكيت من الثانويه وغثاها^فيس مندبلتن تسبده^ 
الزبده يا طويلات العمر اني مع بداية الدراسه السنه ذي أن شاءلله بسكن عند جدتي لأن الجامعه بنفس منطقة بيت جدي وجدتي أهل ابوي االله يحفظهم وأهلي ساكنين بمحافظة جدا جدا جدا بعيده 
بتكون لي غرفه مع حمامها 
ابي مشورتكم كيف اقسم وقتي بين السنه التحضيريه اللي يبي لها دراسه ومثابره شديده وبين جدتي بحيث ابي اونسها وأوسع صدرها و ادلعها وتسذا وجدي بعد ، 
وتعرفون بيت العيله وناس داخله وناس طالعه ^فيس متوتر^ أخاف يشغلوني 






تعالوا بقولكم شي ثاني  بس لحد يدري^فيس خايف^
:
:
:
"
خايفتن من هالانجلش وانا بدخل مسار صحي ^طب أن شاءلله وانا مييييييح حدي الحروف مدري كيف نجحت بذي الماده ^ خنقتن العبره^
بس اني شويطره بباقي المواد ومعدلي يرفع الرأس بالقدرات والتحصيلي والثانوية العامة ما غير هالانجلش مكدرن صفو حياتي^قلب مشقوق^  
خايفه اني اقحص واطعس واخمس^فيس متفقع وجهه^ 
ولا انا حابتن القسسم ومتحمستن له وهو طموحي ^خفي علينا 
ووو هذي سالفتي واسدحوا آرائكم يا بعد حيي انتم^ قلووب^