الخطوط السعودية ترفع اسعار تذاكرها

الخطوط السعودية ترفع اسعار تذاكرها

تدرون وش اللي يقهر القلب انه الواحد يكون ناوي على سفر ويجهز اغراضو
وكذا ..يتفاجأ انه الشركة رافعين الاسعار دون سابق انذار المهم لين الحين
ما استوعبت انا كنت ما أسافر الا على الخطوط السعودية لاني من عملائهم القديمين
وما كنت أشوف غيرهم حتى لما طيران ناس يسوي عروض ..وأتفاجأ الآن الخطوط ترفع اسعارها!!! خربو خططي وميزانيتي..

لا ومو بس كذا...أشوف تغريدات بتويتر تقول ان
الخطوط السعودية الشركة الوحيدة اللي تحظى بدعم حكومي ..يعني شافطينها من الجهتين
عن نفسي انا بطلت اسافر معهم رحت غيرت مساري وحجزت عند طيران ناس وانبسطت كثير بصراحة.. تعامل راقي واسعار ماتوقعت انهم كذا اسعارهم حلوة
تدرون رفعت أسعارها الخطوط وإلا مارفعت مالت عليهم لانهم هم الخسرانين بالاخر العميل بيروح عند المنافس وبصراحة بعد التطور اللي شفته في طيران ناس اظن لديهم من الامكانيات ماتفوق الخطوط
المهم بكرة موعد سفري لجدة من ثم اداء مناسك العمرة بمكة ادعو لي بالعودة بسلام

12 تعليق 1,711 مشاهدة

شاركي في النقاش

سجلي الدخول لإضافة تعليق.

التعليقات

12
  1. @am_hesah

    توصلين بالسلامه ياقلبي والله يتقبل منا ومنك صالح الاعمال وعمره مقبوله مقدما
  2. @mgd133

    عاد من حلات الخدمة حقتهم عشان يرفعوا الأسعار !!
    عمره مقبوله أن شاء الله ودعيلي ربي يرزقني بالذريه لاتنسي
  3. @rshkao_anthr

    انا ب النسبه لي طيران ناس اعتبره طائرات ورقيه وكل رحلاتي فيها كان مررررعبه مطبات هوائيه اكثر منها ماشفت الطياره اي كلااااام سافرت اربع مرات وكل مره اسواء من قبلها تووووبه منها كل معارفي لهم تجارب سيئه فيها


    الخطوط السعوديه راحه طيارين متمكنين اغلب الرحلات فيها ماحسيت الاهتزاز والمطابات الي شفتها في ناس صح غاليه لكن الواحد يشتري راحته
  4. @mlk_thaty_1

    المشكله خدماتهم في انحدار , على أي اساس يرفعون الاسعار !!!


    حتى الوجبات اللي كانوا يقدمونها تقلصت لحد ماصارت صمونة جبن بااااارده والعصير آخر رحله حااار وبدون ثلج


    لكن وش السواة ماعندنا الا هم للرحلات الداخليه وناس لو بحسب العفش مع التذكره طلع حول السعر مو ذاك الفرق

تابعي تجارب أخرى من هذا القسم.