زجل
يا شااااام أسمك عَلمْ و مطرّز بنيسان
إنت ي العزِّي و انت ي مطر تشريني
يا شام حبك دااااب ب الشريانْ
جوّا عيوني و ضمن أصل تكويني
شو الي جرى و الصّار و الي كاااانْ ؟
يا روح روحي و كلّ العمر و سنيني
حتى نسوكي العرب و تخاذلوا العربان
ومليار مسلم ماظنهم مسلميني
لا تحزني يا شامنا ما هانْ
و لا انضام عزّك يا بعد عيني
فيك ي الرجولة رِبتْ بأشكال و بألوان
و بكل حارة و بيــــــــــــــــت و مديني
و تفجرت زلزال مع بركانْ
ثوار متل الورد عبِّتْ مياديني
يا شام اسمك حلو . و غنوة ع كل لسانْ
فيكي بيحلا الغنى و ألحان تشجيني
يا شام أمي و أبي . و الأهل و الجيرانْ !!
ربيوا ع حبك . و حب الشام من ديني
من صدر أمي العطف و الحب و التحنانْ
رضعت المحبة الك و ازداد بسنيني
فيكي بيحلا الزجل و النثر حرفو لانْ
و فيك القوافي زهر يعرش دواويني
و عطر و خوابي فرح و مخمّرة من زمانْ
بُرقُصْ ع حرفْ الحرفْ . ما بخاف يرميني
بحضنك الدافي سحر. و بلسم شفا الأحزانْ
و هموم كل الدني ترابك بنسّيني
بهبَات نعنع عَبي و ياسمين مع ريحانْ
و رشفات أحلى نهر بردى تترويني
عناقيد كرْمْ و كَرَمْ مع تينها ورمّان
و غفوة سنابل قمح خيرات تعطيني
يا شام تبئي لنا يا بدعة الديّانْ
هو تكفّل بأرضك يا تُئبريني
بجيشك الحر البطل حامي الحمى بفرسانْ
بحب الشهادة ارتوى ما ئال يكفيني
طالب جنان العُلا و مشتاق للرضوانْ
باع النفس لله.... يفديها و يحيني
فَتَّح جناين ورد و شقايق النعمانْ
بأحمر جمالو كرز ..قاني بتلويني
بيموت فيها نخلْ . وصامد كما الصوانْ
م يهاب جيش البغي وحزب الشياطيني
و لا كلاب تعوي عوي من فارس وإيران
و مسعور جاي غدر يطعن بسكينِ
يا شام جاي النصر و العون بالرحمنْ
بدها شوية صبر ريتك تُئبشيني
بعد المعاسر يُسر يمسح دمع تعبانْ
و يطفي بجيتو جرح .. أديش كاويني
و بختم كلامي بدعا للرب مهما كانْ
و ع كل حال و بلا منو بيبليني
و تسليم مع صلوات عالمصطفى العدنانْ
أحمد محمد رسول الله ... يكفيني
و أطييب تحايا لِكم يا معشر الإخوانْ
من شيخ شاب و عجز اسمو بيعنيني
عجوز صار وكبر وهرهر طقم لسنانْ
بيبئى وليد وطفل بترابها طيني
من دارريّا الحبيبة الصامدة العنوان
و بكل سوري وحر برفع جبيني
يا دار عز و فخر. دم وعنب إخوان
و زيتون زيت و شَعل فانوس يضويني
[
جمعة ( إن ينصُركُمُ اللهُ فلا غالبَ لكُم ) دعواتكم لأهل سوريا + آخر المستجدات
متابعة النقاش، صفحة 613