زوجي وسبب تعذيبي

السلام عليكم كيكم بنات انا اول مره اكتب موضوع عشان كذا سامحوني اذ اخطيت بدخل في سالفه ع طول اليوم صار لي موقف بسببه تعبت اعصابي زوجي الله يسامحه له يوم راح يجنني احسه يستخسر ع الوناسه عشان ماعندي عيال ويعلم ربي ان ماعندي اي سبب يمنع الخلفه كل مره نحاول نطلع من البيت احسه يتعب لي اعصابي من اول مادخل شتاء كل مره نطلع بس ندور في سياره وكل ماكلة له خل ننزل وناخذ معنا قهوه واغراض طلعه يقول ليش يكفي بسياره الي ينزلون الي عندهم اطفال عشان يلعبون واذ نسافر ليش بس الي عندهم اطفال وكل شي صار يربطه فيهم يعني الي ماعنده خلاص يموت حاولة ابذل كل جهدي معه بس هو متخيل كل شي في الاطفال وهو مو راضي يتعالج ولا يروح اي مكان طيب وش تبي اجل واذ تكلمة زعل واذ سكت مايتغير ارجو نصيحه وكيف اتعامل معه وخليه يكون انسان فرفوشي لو شوي تعبت من مزاجيته وانا احبه بس طريقته في تعامل تطفش واذ قلت الناس راحت ونبسطة قال خلاص ي الله امشي طيب انا ابي منك من شخصيتك يعني لاازم نقلد خلق الله مع ان سبب الانجاب منه وانا والله مافرقة معي انا او هو مشكله كلانا عنينا منها والحمد الله كل حال والكم كل شكري وتقديري