ماذا يتقن زوجك في المطبخ ????????

هههههههههههههههه
ماشاءالله تبارك الله

انا مره زوجي قالي فرمضان بعزم اخواني وارحامي واخوانك وارحامك يعني رجال واصحابه
المهم طبعي مااحب احط بلاستيك وكان يتحداني اني اسوي كل شيء لوحدي قلت له خلاص راح افرش لك سفرتين حريم ورجال ولوحدي بس شرط قال تم قبل تقوليه قلتله انت تغسل الاواني< مجرمه  هههههههههههههه قال خلاص موافق والله بديت من اليل وهو معاي لف لي السمبوسه والباقي كل شيء انا المهم فرشت سفره سفره الكل يثني عليها 
ولما راحو قلت يلا يالحبيب الاواني وراك هههههههههههههههه حزني وهو يغسل وخفت اني اعيدها انا قلت خلاص انا اغسل وانت اشطف والحمدلله يعرف ماشاءالله يطبخ لاكنت تعبانه هو يسوي اشياء خفيفه وبس ربي يحفظه لي 😊

زوجي مايعرف يسوي شي الا قهوة وشاهي ويعرف يقلي بطاطس او أي شي يتقلي طبعا اكون مقطعته وخلاص مايبقى غير القلي اول زواجي كان يساعدني بغسيل المواعين اما دحين مرة بس اهي اهي او يكنس كمان اذا شافني تعبانه
لكن راح اتكلم عن ابويا ربي يخليه لنا ماشاء الله عليه طباخ رقم1 كل شي كل انواع الرز من بخاري لكابلي ل برياني لمندي من سمبوسك يعجنها يسوي رقاق وخلطتها واطعم من حقت المطاعم بف مطبق فطاير بتزا شكشوكه بيض بطاطس مشاوي دجاج لحم كباب سيريه يشويلنا ذرة يسوي ادامات يقلقل لحم يسوي كبدة يقلي سمك يساوي مقادم اكله شعبيه سقط كمان الي ماتعرفو زي النقانق اتوقع فول قلابه تميز ومنتو لحم ومنتو بصل وكمون يسوي شراب حمر الي برمضان شراب قمر الدين يقطع اللحم والدجاج لامي ويقطف الملوخيه معاها ويفرو اللفت ايدام للي مايعرفها يسوي مخلل وبليله واشياء كثير بس مايغسل الصحون ويخلي المطبخ فوق تحت امي ماتبغاة يسوي شي ولا يطبخ ههههههههه

هههههههههههههههههههه
زوجي مره مره يحب يطبخ ومايمر اسبوع الا طابخ واهم شي عنده قدر الظغط

طبخه مره لذيذ وبصراحه جدا مرتب في المطبخ مايحوس ارتب مني لاني فوضويه في الطبخ