اهل زوجي

السلام عليكم،،

طفشتكم بمشاكلي هذي الفترة

يابنات انا بنت صغيرة كثير تزوجت بدري ومدلعه عند أهلي ولا اعرف اي شي

تزوجت والحمدلله مبسوطة

مشكلتي اني ماتاقلمت مع اهل زوجي

رغم انهم طيبين

لكن بيئته غير عنهم

مثلا كثير اشيا أسويها يشوفونها غلط كبير وقلة أدب

لكن هي عندنا عادي وطبعا مالها علاقة بالحرام والحلال اقصد مجرد عادات لان كلنا محافظين الحمدلله

المهم انا عرفت بطريقتي انهم مستائين كثير مني وثنتين من خواته مايكلموني أبد ولا ادري ليش

بعدين دريت والقضية كلها سوء تفاهم وهم جداً حساسين

ومستحيل يجون يكلموني أبد

والمواقف جداً تافهه لكنها كتير لأنهم مانبهوني وانا أسويها لانها عادي عندنا

المهم هذي مشكلة كبيرة

الحين كلهم يشوفني مااحترمهم وماني بنت مؤدبة وأني أوصل كلام لزوجي وانا والله ماني كذا ولا ادري ايش أسوي معاهم

ابغير نظرتهم لي ابيهم يشوفني بنت سنعه

وكمان اكتشفت انه زوجي الله يهديه يتكلم من وراي يقعد يقول انتوا ماتحبونها اهتموا فيها اذا شافهم سووا حلا قال تقربوا منها طلعوا لها

بالعربي أزعجهم صاروا يحسبون اني اتكلم عليهم واحرشه وانا أبد مو كذا

وانا انقهرت منه وماعاد ابغاه يتكلم كذا تخاصمت معه قبل فترة وماهو راضي يبطل مستمر ايش الحل

مع العلم انه حساس كثير وطيب معاي والقوة أبد ما تنفع معه

هذول مشكلتين

الثالثة زوجي يحبني وأحبه لكنه يبيني أصير بنت سنعه واشيل واحط وبس ابتسم

وانا طيبة وقائمة بواجباتي لكن هو يقول علقيني فيك اكثر والصدق اني مااعرف أصير ملحلحه وسنعة

انا بعد زواجي بسنتين دريت انه اكبر عيب اني اقدم القهوة باليسار


مثلا ماقد عزمت احد اخاف لانه مااعرف أتصرف مع الضيوف

ماقد قدمت لأحد حلا او قهوة مااعرف استحي

مااتازم أهله لانه مااعرف لو هو واجب علي ولا لا

ما أواصل عماته وخالاته لانه ما ادري واجب ولا لا

وانا ماعندي احد بعد الله غيركم

ابي نصايحكم الحين الله يسعدكم:ohplease:

احس أني تايهه بين زوجي واهله

23 تعليق 8,086 مشاهدة

شاركي في النقاش

سجلي الدخول لإضافة تعليق.

التعليقات

20
  1. @abtsaaaam_4

    ياحياتي الله يسعدك دنيا واخرة
    اللي يحبة زوجك سويه
    وعن خالاته وعماته زوريهم بلمناسبات والاعياد
    بلنسبة لاهله حاولي تفهمي عوايدهم واطباعهم اكثر
    وتجنبي اللي يضايقهم



    استغفرالله الذي لااله الاهو الحي القيوم واتوب اليه
    عددخلقه ورضا نفسه ووزنة عرشه ومداد كلماته
  2. @hthyan_6

    لو تشعلين لهم اصابعك شموع
    محد عاجبه شي ..
    ام و ابو زوجك عامليهم زي امك وابوك
    والباقي لاتدورين رضا احد
    والله يوفقك ..

تابعي تجارب أخرى من هذا القسم.