الموضوع مغلق
اخو زوجي بيسكن معي .....ساعدووني(( ليس في القسم المناسب))
السلام عليكم
انا ساكنه بالرياض انا وزوجي بشقه وعندها معارف بالرياض بس مو مرة محتكين فيهم
اخو زوجي نزل اسمه بوظيفه حكوميه بالرياض واهل زوجي بالشرقيه وراح يبدا دوامه بعد 3 اسابيع
هو متزوج وعنده ولدين وزوجته حامل بشهرها التاسع
هو اصغر من زوجي
انا ماعندي اطفال وحامل بالشهر السادس وتعبانه وعندي اجهاض من قبل
شرحت وضعي كامل
الان سؤالي
هو راح ينام اكيد عندنا وهو قال لزوجي مايبي زوجته الرياض بيخليها عند اهله لان عنده شقه يعني الوضع مو شهر والا شهرين لا سنوااات
اهل زوجي عندهم شغالتين وزوجته ماتسوي شي ابد
انا كيف راح تكون حياتي؟
زوجي مايطلع من العمل الا بعد العشاء وهو موظف حكومي اكيد الظهر يطلع
لازم اطبخ له غدا؟؟لان زوجي مايتغدا بالبيت يتغدا بالعمل وانا اسوي لنفسي اكل متى ماجعت مو ملتزمه بوقت معين
واذا جا زوجي بعد العشاء يتعشا مع اخوه واصير انا الحالي؟؟انا الوجبه الوحيده المشتركه هي العشا لان زوجي مستحيل يفطر والغدا بالعمل مااكل معه غير العشا وغير كذا طول اليوم لحالي ويطلع الساعه 8 يتعشا مع اخوه وانا ؟؟ زوجي دوامه طول ايام الاسبوع الا الجمعه وعادة الجمعه يروح يخلص اشغاله يعني زوجي ماشوفه كثير وتعبت الحالي هو عادة يتعشا وينام يعني بس وقت العشا اقعد معه
من البدايه ابي نظام امشي عليه لانه راح يسكن سنين ومابي اندم علما ان علاقتي مع اهل زوجي امه وابوه وخواته مو حلوة ابدا وبينا مشاكل