انا في حياتي اشياء كثيره غريبة
مثلا لو دخلت مكان احس اذا فيه اخواننا الجن واحس اذا هو طيب ولا شرير
بس الغريب يعنى احسه موجود في مكان معين في البيت مو في كل البيت
ولما اسال صاحبته البيت اذا بيحصل شي غريب في المكان المحدد تستغرب وتقولي ايو حصل كده شي مثلا صوت احد يدق الباب او صوت مشي يعنى شي زي كده
وكمان احلم كثير جدا بالموته ودائما يوصونى على اقاربهم او يطلبو شي من اقاربهم او يقولو شي عن اقاربهم ويطلع حقيقي
احس كانى صلة وصل بينهم هههههههه فاستغرب ليش يجو عندى ومايروحو لاقاربهم
والغريب اذا حلمت عن شخص من زمان ما شفته الا بعد فتره اقل من اسبوع يجيني خبر انه توفي او توفي احد من اقاربه
ومن الاشياء المضحكة الي فيا كانت في فتره المراهقة والحمدلله اتخلصت منها الحين
اني كنت احب اكل اي شي زي الارز والشوفان غير المطبوخين والدقيق والجبس كان عشق هههههههه لدرجة لما افتكره فقط احس اني نفسي اكل لدرجه غريبة جدا وكنت مدمنه عليهم وكنت اكل كميه كبيره مثلا اعبي علبه البرطمان واقعد اكل فيها ههههههههههه
والله العظيم الكلام الي كتبته حقيقي واذا اي وحده عندها تفسير تخبرني
فيك شئ خارق للعاده .. تعالي علمينا
متابعة النقاش، صفحة 9