صباح الخير ..صرتو خواتي اللي ماستغني عنهم
انا مثلك بريد أطل من الجوال واقرا كل يوم بس النفسيه الفتره اﻷخيره مو ذاك الزود لدرجة قبل كم يوم من كثر ماكنت متضايقه البيبيات تحجرو بشكل غريب ومؤلم وكله بسبب ناس طفيليه
الله يسعدكم ياللي ذكرتوني حمستوني ارد
وضعي اﻵن ثقل نوم متقطع وكل ما أتقلب أتألم بس أهم شي سلامة وصحة البيبيات الله يأجرنا
صايره مزعجه بالنوم سواء بالحركه او بقومة الحمام اكرمكم الله أو بالون والشخير عطوني حل والله منحرجه من بعلي نومه خفيف
بالنسبه للتعليمي بتركه وبروح أرامكو بلدا معهم اﻷشعه التفصيليه اﻹثنين الجاي وبعدها بكم يوم متابعه
السبب سوء خدمة المرضى وهذا اللي كنت متوقعته عشان ادخل موعدي وأخلص كل شي ممكن اوصل 3 او 4 ساعات والسبب بالتأخير بوسط المواعيد الدكتوره تطلع طوارئ او اجتماع او مدري وشوو وتجي مكانها وحده من طالباتها او دكتوره مقيمه جديده بالتخصص لا وتقولي لاتروحين استني باقي لك الترا ساوند واقعد انتظر سنه وباﻷخير تقولي اوه سوري نسيناك ...لا والله
وتعالي لما تجي تحط لك الجل عشان الاشعه تكبه على بطنك بشكل عشوائي وتحوس ملابسك وليته على سنع لا انا اللي شفت شي ولا هي اللي فاضيه لي اللهم انها سمعتني النبض واخر شي قطت علي مناديل عشان امسح بطني اللي مليان جل وراحت وانا قومتي صعبه وصاير تنفسي صعب اشوا بنت عمي معي وساعدتني ...هذاك اليوم كرهت المستشفى وتصرفهم المستهتر مع المرضى حسيت اني طراره ...اروح ارامكو اصرف لي ودقيقين واللي ربي كاتبه بيصير
اللي سألت عن البلل او الرطوبه اللي هي الافرازات اللي بدون لون او ريحه ترى طبيعيه قالي دكتوري بالخاص عاااادي الحامل كذا تصير وطبيعي
بس لو لون اخضر او فيه دم او ريحه تخافين ..عذرا عالوصف
أم البنات الله ييسر لم ويسهل أمورك كنت حافظه الفيديو اللي للتوأم الثلاثي لعايله أجنبيه ﻷنه ماشتغل عالجوال وامس ياجوب فضيت أشوفه والله من بعد الله غير نفسيتي وقعدت اضحك واصارخ من حركاتهم وزوجي استانس هو يشوف معي
عذرا عالاطاله رد عن الفتره اللي راحت ..وفضفضه بنفس الوقت
** التجمع الـ (19) لحوامل أحلا توائم **
متابعة النقاش، صفحة 129