ابي نصيحه من حكيمه وفاهمه لمشكلتي

السلام عليكم ورحمه الله وبركاته

بنات انا عندي مشكله ويمكن تكون سخيفه لبعضكم بس بالنسبه لي اعتبرها مشكله كبيره ولازم القى لها حل لاني طفشت ومليت وانقهرت لدرجه اني فكرت بالطلاق

مشكلتي مو من زوجي ولله الحمد

المشكله صارت برمضان العام احنا واهل زوجي وعياله وحريمهم نجتمع كل يوم نفطر في بيت ابوه وكل وحده تسوي في بيتها وتجيب معها طبعا ابو زوجي ساكن معه واحد من عياله متزوج ماياخذ منه لافلوس ولاشي مسكنه ببلاش

المشكله كان ولدي عمره سته شهور وتعرفون تطعيمه الست شهور اتتعب وولدي تعب حييل جته حراره ثلاثه ايام في هالايام الثلاثه جانا ضيف من برا الديره قال زوجي سوينا لي فطور سنع ناخذه معنا لبيت ابوي
قلت ابشر وسويت الفطور بس باقي ارتبه بصحون بس تعبت تعب لانه اول ولد لي وتعبان واهلي بمدينه ثانيه غير عن مدينتي

تخيلو يوم جيت لبيت ابو زوجي لقيتهم جالسين ويسولفون وباقي على الاذان نص ساعه ولاسووا ولاشي لافطور ولاشاي ولاقهوه ولاعصير حتى التمر ماطلعوه واستغربت وقلت لمرت اخو زوجي ليه ماسويتي شي وانتي عارفه انوا بيجون رياجيل

وقامت تهاوش وتطالب وتهاوشت معها وهي كانت زعلانه عشان بيجون رياجيل عندها وبيفطرون وهي عارفه اني انا وكنتي الثانيه راح نساعدها بس ليش النذاله الي فيها مدري وهي من النوع الي غير اجتماعي ماتحب الناس وكسووله مررره الله يهديها

قسم بالله انقهررت يابنات بالاخير دخلت غرفتها وسكرت عليها بس انا وحماتي نتساعد عاد حماتي عجوز كبيره ولالها قدره على شي لين جت كنتي الثانيه وتساعدنا

قسم بالله يابنات اليوم الثاني ماجيتهم للفطور وزعل ابو زوجي وانا مااحب ازعله لاني اعتبره مثل ابوي
ماله ذنب

وكل يوم برمضان انا وكنتي نطبخ وهي ماتطبخ ولاتسوي شي قصدي كنتي الثانيه الي ساكنه مع اهل زوجي

عاد قررت برمضان السنه هاذي ماافطر عندهم ولااجيهم حتى لو شنو ماصار
والحمد لله زوجي لابغى يعزم اصحابه يعزمهم ببيتي احسن لي وله

بنات شوورا علي لاتضحكون مني بس والله قهرتني هالبنت ماادري اشلون اتعامل معها عاد انا مااحب المشاكل بس هي كانها تبي المشاكل والسبب لانها هي واهلها كانوا يبون زوجي يتزوج اختهم قسم بالله كرهت حياتي

28 تعليق 3,468 مشاهدة

شاركي في النقاش

سجلي الدخول لإضافة تعليق.

التعليقات

27
  1. @am_alhloh2013

    يابنت الحلال وسعي صدرك شكلها جديده و ماتعرف تطبخ خليها
    رمضان الجاي في بيتك خلاص روحولهم فطرر يومين بالاسبوع وخذي طبق وانتهينا
  2. @ghla_alghamdy_1

    حبيبتي من اولها فكرتي بالطلاق ... !
    طيب مشكلتك مع مرة اخو زوجك ؟
    طيب شو ذنب زوجك وابنك اللي توه صغيره ..!
    قلبي والله ابي لك الخير لا دمري حياتك بسبب اهل زوجك
    مو مشكله تاغضي تاغضي عشان زوجك وابنك

    هالمشكله من رمضان وللحين مقهوره منها .. والله حرام تتعبي نفسك بالتفكير في شي مضى ولا تقدري تغيري شي فيه
    انبسطي في حياتك والدنيا والله ماتسوى
  3. @ord_thblanh_1

    يعني انتم تجون من بيوتكم تفطرون كل يوم بيتها
    وتجيبون فطور معكم
    وبما انها راعية البيت يعني كل شي عليها وكل شي بوجهها
    بصرااحه ولاتزعلين بعذرها تزعل كل يوم عندها حتى لو ساعدتوها
    المفروض كل يوم تفطرون بيت وااحد من العيال بالدور احسن
    مو كل رمضان عندها ..
    افضل شي تحطون كل يوم الفطور بيت واحد يعني الابو يوم والعيال كل يوم واحد كذا يكون فيه شوية عدل
    واذا الابو مارضى يبي كل يوم الفطور بيته خلاص كل وحده ترسل فطور رجالها وتجلس بيتها مو لازم كلكم كل يوم عندها مو لازم حريم رجال بس
    مهما كان صعبه لو انا مكانها وكل يوم الناس عندي بتضايق
  4. ليش تفكرين في الطلاق علشان مشكله عاديه

    تقدرين تقولين لزوجك ابي اسوي الفطور في بيتي

    وأهل زوجك روحي لهم بالإسبوع مره او مرتين واخذي لهم معاكِ طبق او طبقين

    ماشوفها مشكله كبيره تؤدي للطلاق

    الله يهديكِ ويكون في عونك

تابعي تجارب أخرى من هذا القسم.