شاركي في النقاش

سجلي الدخول لإضافة تعليق.

التعليقات

1,810
  1. @algory_179

    مساء الخير 

    سوالفكم حلوه 😍

    انا غير عنكم ظروفي اصعب تاركه زوجي من 3 اسابيع عشان بعد بيتنا ومابيقدر يجلس معي لو اولد ولسى شهر الولاده وبعد شهر الولاده عنده مشروع شهر يعني بجلس 3 شهور ما اشوفه وتكون حياتي خربطططه على اصولها واستحيت من اهلي ولدي ماخلا لهم شي كسر كل المواعين والاثاث ومكياجات اخواتي عايش المغامره صح 😂😢😢

    فاتن تمارين كيجل قصدك اسويها الحين وانا حامل عشان تساعد ع الدفع. ..اخاف تضيق المكان ولا يخرج ولدي😂
  2. @nsaym_khyr

    مساء الخيرااات
    اخباركم جميعاً
    انا عاد عكسكم اهلي هم اللي عندي .. بنفس المنطقة واهل زوجي بمنطقة ثانية قريبة مو بعيد وجو لمي بالمستشفى وبيجون مره ثانية .. وعائلتنا كبيرة وانا اصغر عيال امي .. الدلوعة
    وابوي له زوجه ثانية وله عيال وبنات .. هذا غير القرايب والصديقات وزميلات العمل ... من كثروا احبابه ياعذابه .. خخخخ والله يستر على الجميع
    يالله اسمعوا اكشني المرعب ...
  3. @nsaym_khyr

    اولا بعد ماقالت لي الدكتورة ان المشيمة فيها تكلس اضطريت اني اروح يوم ورا يوم علشان اتطمن على البيبي واسوي تخطيط رحت الثلاثاء بالليل يوم ٢/١٨ وسويت التخطيط وطلبت من الدكتورة تكشف علي قالت مفتوح ٢ الى ٢،٥
    قلت حلوو ... وبعدها على الساعه ١:٣٠ بالليل غليت كف مريم مع ملعقة قرفة .. وشربتها .. لما صحيت الفجر وقمت احوس مع عيالي الا تنزل السدادة وانا اعرفها .. قلت الحمدلله على الفرج .. بالضبط الساعه ٧ بدا معي الطلق على فترات متقاربه تقريبا كل ١٢ دقيقة استغربت .. فتحت المصحف وقريت سورة البقرة كاملة وقريت ورد الولادة بماء وقمت اشرب منه .. على الساعه ١١ زاد الطلق وصار كل ٦ دقايق قال زوجي يالله للمستشفى انتي مفتوح الرحم واخاف يفتح زيادة .. مشينا ودخلت الطوارئ وسويت اجراءات الدخول وكشفت قالت ٣ قلت وش والطلق اللي من الصبح وين راح .. المهم قالو بنسوي لك اشاعه صوتية .. بعد الاشاعه قالت دكتورة الاشاعه ان البيبي وزنه كبير اربعه .. دقيت على زوجي قلت البيبي كبير وماابي اولد طبيعي واخاف على الطفل ..
    قال اصبري تأكدي اكثر .. كانت الدكتورة المناوبة عروب جت لمي وقاست البطن بالطول والعرض قالت لا ماراح يصير ٤ يمكن اقل شوي وانتي والدة قبل وان شاء الله خير بس ترا الطفل مانزل بالحوض والعنق قاسي مره
    رحت التنويم والطلق حامي .. جا العصررر .. طلبت دكتورتي وجت اللي هي سمية وقاست برضه ٣ انا هنا انهرت .. سوت تحريض وفتح الى ٤ من بعد التحريض اشتد الطلق مره .. بس مافتح لي الرحم اكثر من ٤
    قالوا لي احتمال انك قيصري بس مبيك تأخذين وقتك لان فيه اشكال ولازم نتأكد اذا فتح اكثر
    جت سميه وفتحت الماء وحرضت مره ثانية .. ياربي رحمتك .. وفتح ٥ بعدها كشفت بيدها قالت الطفل جاي على طهره ووجهه فوق وكتوفة ماسكة بالحوض.. بس يمكن ان شاء الله يتعدل مع الطلق .. صبرت الى٨ والوضع كما هو .. نزلوني بالكشك وحطو لي الكمام وارتحت شوي .. والطلق متقارب مره والطلقة طويلة .. طبعا بعد عروب جت لمي نجلاء مع سميه قالن لك فرصة اخيره الى الساعة ٩ مافتح زيادة نحولك قيصري لان الوضع تأزم والطفل تعب ١٣ ساعة طلق
    جت الساعه ٩ وكشفت كان عندي امل ان يكون طبيعي بس الشكوا لله قالت برضووا ٥ لان الطفل يدفع على فوق مو لتحت .. انهرت وبكيت وانا ماخبرت احد ابد بس زوجي .. من الصبح اعاني وهو يدق علي يطمن لان رجع للبيت دقيت عليه وانا ابكي قلت حولوني قيصرية وهو عنده خبر من العصر ان الامل ضعيف بالطبيعي بس انا اللي اصريت قلت يمكن الله يسهلها وتنفرج ..
    جا لمي هو واختي بس مادخلوا ..
    والطلق يضرب بكل قواه وانا بغرفة العمليات واصيح واقول ريحوني من الطلق .. بسرعه خدروني .. قالو شوي بس تجي طبيبة التخدير .. واصيح جيبيوها وينها .. ماتخافون الله .. وانتظر نص ساعه وتجي .. واتشهد ويهدوني وكانت الدكتورة مغربية او تونسية وقالت لي منخارك مسكر ايش يكون بنخدرك هالحين .. خلاص اهدي ..والحمدلله سويت العملية ١٠:٣٠ وصحيت على ١٢ بغرفة الافاقة ودخلت اختي وتحمدت لي بالسلامة وقالت ولدك بالحضانة وطيب .. طلعت لغرفتي والحمدلله على كل حال ..
    وشوفة طفلك تنسيك كل شي ..
  4. @aaroob_1

    نسايم
    الله يكتب اجرك
    عانيتي
    والحمدلله ع السلامة
    تضل العملية مخرج الحمدلله
    الله يتمم عليك الصحة والعافية يااارب
  5. @graah_tfaol25

    نسايم خير الله يكتب اجرك معاناة صراحه ..

    آالجوري .. الله يصبرك ع فراق زوجك

    انا ايش اللي مخليني مصرة ع السفر بعد 30 يوم

    ان شاء الله .. حتى لو باقي ما طهرت اكمل نفاسي ببيتي

    لأني بسبب ظرف تركت بيتي ع الثامن و جيت لاهلي

    و جلست للولادة يعني شهرين حمل مع الاربعين

    صارو 3 شهور و زيادة صراحه كثيييير مرة

    ما عاد فيني صبر ما ودي اهمل بيتي اكثر ..

تابعي تجارب أخرى من هذا القسم.