نبض بيبي
الله يسلمك حبيبتي بخير ونعمه بفضل الله
بس لازم من القلق والخوف الله يتمم لي ولكل خواتي الحوامل
ويرزقك ويرزق الجميع الذرية الصالحة يارب
'
رودينا
الله يخلف عليك بالحمل السليم
ويرزقك من حيث لا تحتسبين
تسابيح الله يعوضك خير ويكتب لنا ولك الأجر
عيديها ولا يدخل اليأس لقلبك انا نفس حالتگ ماعندي انا وزوجي اي مشكله
وما نجحت الا خامس مره مع ان الاجنة دايم تكون درجة اولى ومرات ارجع في اليوم الخامس
بس ربي ما اراد لها النجاح الا المره هذي ..
واتركي عنك كلام الدكاتره مافي يدهم اي شي انا العملية قبل الأخيرة قال لي الدكتور
نسبة النجاح بإذن الله من 80 الى 85 ٪ لاني مرجعه في اليوم الخامس وسبحان الله
تعلقت في كلامه وضمنت نجاحها وكانت صدمه كبيرة لي لما مانجحت وقلت اكيد
ماعاد بتنجح بعد كذا ..
بس في المرة الأخيرة وقبل ما نبدأ في الحقن قابلنا الدكتورة دلال الشمري في التخصصي
قالت كلام خلتني اعلق ثقتي في الله وحده ولا اهتم بأي شي بيسوونه لي
كانت تقول اوقات يجونا ازواج ماعندهم اي مشكله وما تنجح عملياتهم ع الأقل من اول مره
ويجونا ازواج عندهم مشاكل الدنيا وماشاء الله تنجح من اول مره .. يعني نجاحها وفشلها
بيد الله .. فأنتي وكلي أمرك لله وحده وتأكدي ان الأطباء مجرد سبب فقط
وحافظي على الرقية الشرعية انتي وزوجك على طول وربي يرزقك الحمل من غير عمليات
ومن غير تعب قادر على كل شي
بالعكس حبيبتي المفروض تفرحين ع الأقل عرفتي المشكله .. انا طول السنوات
اللي راحت كنت ادور في حلقه مفرغه زي مايقولون مااعرف مشكلتي الحمدلله على كل حال
ومنظار البطن سويته من قبل بسبب تأخر الحمل ما يخوف نهائي
والحمدلله ماسبب لي اي التصاقات
وفتح لي الدكتور فتحتين صغيرة وحده زي حجم الظفر والثانية أصغر
وبنج كامل مارح تحسين بأي شي .. والمنظار بإذن الله مابيسوي لك إلتصاقات
ولو صارت بتكون خفيفة لا تذكر عمليات فتح البطن هي اللي تسوي إلتصاقات
التجمع 80 للمقدمآت عَلى عملية الحقْن المجهري و أطفال الأنابيب و منتظرات النتيجة
متابعة النقاش، صفحة 283