مساء الخير / صباح الخير ..
كيفكم ياحلى بنات .. 😘🌹
بخش بالموضوع دوغري .. انا يابنات سلمكم الله ..
وحده تبي ترضي زوجها ومهما يابنات سويت مايعجبه شي خاصه ( الطبخ ) ..
بنات والله طفشني كل ما حاولت أتعلم الأشياء الي يحبها واتقنها عشششانه ؟؟
رجع قال لي انا فاقد طباخ امي ولا يازين طباخ خالتي ولا اختي تضبط هالاكله أحسن منك .. ؟؟؟ وربي يابنات طقت روحي من هل لموال ..
هو طبعا يحب الأكلات الشعبيه مرا ورجعت أسوي له مرقوق وجريش وهالاكلات الي يحبهااا .. رجع يقول جريش مرت اخوي يهبل وأختي تضبط المرقوق ويعيب في آكلي .. والله اني أحاول أرضيه واسوي الاكل الي يحبه الا ان كلامه يحطططططططمني !! ولاعنده أسلوب وربي تعبتتتت .. طفشت كرهت المطبخخ .. أخرتها امس مرت اخوه طابخه ومرسله لنا قال يازين هالمكرونه والكبسه فاقد هالاكل الزين !!!!! وربي تحطمت ؟؟؟
وش أسوي مع هالعله الدفش ..
رأيكم اطنشه ولا وش أسوي 😞😔
شاركي في النقاش
سجلي الدخول لإضافة تعليق.
التعليقات
59- طنشييييييييه ولاتدوري رضاه اسعي لرضى الله عنك وهو سبحانه اذا رضى عنك ارضى الخلق والملائكة حتى عنك
- جربي مرة سوي الأكلات اللي يحبها
وإذا جا من الدوام أو من بره قولي فلانة من اللي يمدح طبخهم
أرسلت لنا هذا
وشوفي اذا مدحه فهو يحب يكسر مجاديفك
ويمدح غيرك بس كذا
أما إذا قالك لا بالعادة طبخهم يكون أحلى
فاعرفي ان في مشكلة فعلاا - يوووووووه عندنا وعندك خييييييير
اناا زوجي زي كذا يحب الاكلات الشعبيه واتعلم عشانه واسويها وبس ينتقد
واذا سويتها ببيت اهله يمدحها مايدري ان اناا بس اقوله ترا مو اهلك مسوينها اناا ينصدم ويسكت
باختصار مايحب يمدح طبخي ،،، واغلب الرجال كذا مايحبون يمدحون طباخ حريمهم
المهم لمى شفته كذا وربي بطلت اسويله الاكلات الشعبيه قلت ماعرف ماتزبط معاي خل اختك ولا اللي عاجلك اكلهم يسوونها لك
صار يقول الا مره سويتيها وطلعت تجنن خخخخخخخخخخخ وربي مايجيبهم الا العين الحمرا - جربي فكرة الاخت سوسو
وانتي اذا توك تغلمتي الطبخ فاكيد راح يكون في فرق بين طبخك وطبخ اللي اقدم منك
وقوليها له احمد ربك على النعمة لا يجي لك يوم وماتلاقي عيش يابس
رجال مايستحون ومافيهم شيمه
وزوجي والله ان اخس من زوجك انا والله اللي يشهد علي كل من ذاق طبخي يعجبه ويسالني عنه وكل مافتحت الواتس الاقي حرمه تسالني عن اكله معينه وهي اصلا ماذاقتها لكن سمعت من الناس ان اكلي حلو
اما زوجي العزيز كل ماجلس على السفرة وفيها من كل مالذ وطاب وتفتح النفس بألونها وترتيبها يجلس يتأفف واناىماحسبت خير شر ذوقه خايس بكل شي جات على النعمة وربي سرت اخاف من الله اني اسمعه يسب النعمة ولا اقول له شي
ويوم طقت كبدي منه سرت اقول اه ياقلبي ياسوريا اهلك طقهم الجوع واحتا هنا نتبطر على النعمة يارب لا تؤاخذنا بنا فعل السفهاء منا وابشرك
انطم ولا عاد فك فمه - اشتري فلفل حار وحطي له بالاكل شوي ترى الفلفل يحلي الاكل حتى لو الاكل عادي
مواضيع مشابهة
تابعي تجارب أخرى من هذا القسم.