ساعدوني برأيكم واعتبروني وحده منكم واختكم

:44:السلام عليكم ورحمة الله وبركاته...
صباح الخير بنات ..
من زمان عن اللاب توب والمنتديات .
ماابي اطول عليكم واسوي مقدمات .. هي استشارة بسيطة واعتبروها مني لكم ك خوات..
انا تخرجت وخلصت جامعة وصرت احس انه كل اللي قدي تزوجو .. حسيت خلاص لازم اتزوج لاني احب كثير حياة العائلة واحس بالوحدة دائما.. تقدمو لي كثير بس تنتهي السالفة احيانا بس لحد الاتصال.. واحيانا تمتد انه تجي الام والاخت .. لكن ولامرة تطورت ووصلت للشوفة,, الا هالمرة.. انا بطبعي بقوة خجولة وارتبك.. جا يوم الشوفه ودخلت ماقدرت ارفع راسي وشعري كان مغطي علي لكن للامانه حاكاني ابوي ورفعت راسي شوي وطول هالدقيقة والنص وعيونه تبحق فيني ما رف له جفن.. وترني ماعرفت اطالعه مامداني وطلعت.. قال لابوي انه يبغاني ارجع عشان اشوفه انه انا ماشفته كويس.. قال ابوي انت استخير وهي تستخير ويصير خير ان شاءالله .. دق بعد يومين يطلب يشوفني مرة ثانيه يقول ماشفتها زين وماتكلمت معاها.. بنات بقولكم الصدق.. انا كل مايخطبوني ناس تتفركش ويختفون .. وتألمت كثير ماعاد اقدر احتمل خيبات اكثر.. يعني لو اني موحلوة ومواصفاتي موحلوةكان ع الاقل عرفت السبب.. ربي يدري انه ما امدح نفسي لكن قدر الله وماشاء فعل.. صارت الوساو س توديني وتجيبني اني بعنس خلاص.. اول ما قاللي ابوي انه بيجي مرة ثانيه حسيت بقهر وعصبت وقلت لا .. لانه ماابي شخص يقنع نفسه فيني غصب ... ابوي قال انتي شعرك كان مغطي ومافيها شي هذا زواج مو لعبه .. بس يابنات احسها مرة قويه احسها اهدا ر لكرامتي.. يعني بالله كل هالبحلقه وماشافني ! :angry:حايسه ومقهورة ..ماني عارفه ش اسوي .. خايفة ارفض وارجع اعيش مأساة الانتظار.. وخايفة اوافق اكون ذليت نفسي وخسرت كرامتي اكثر وبرضو يرفضي بعد هذا كله.. اهله شافوني قبله وحاكوني يعني يعرفون صوتي وكلامي .. اختي تقوللي عادي هو بيشوف تفكيرك وشخصيتك..بس انا حاسه انه غلط.. ولو بوافق بكون نفس اللي تترجاه يقبل فيها!.. دبروني تكفون والله ماادري ش اسوي موقادرة انام من التفكير...