** التجمع الـ (19) لحوامل أحلا توائم **

دندونه انا استخدمت التحاميل بس وحده بالسادس ومارجع اللالتهاب بس بالثامن مادري

الله يبارك فيكم جميعا ويحفظ لكم اطفالكم من كل شر
الحمدالله ع نعمته وفضله 
اخيرا اللي ببطني طلعو ع الدنيا
فديتهم واحد كربون ابوه هههههه والثاني فيه منه ومني

طبعت رحت الصباح الساعه 6 ونص زي ماقالي الدكتور
وتاخرو هم طبعا في دخولي الا الساعه 7 
والساعه 7 ونص لبسوني اللبس للعمليات 
وركبت لي القسطره بغيت اموت 
قلت لها خليه بعد البنج قالت لا الحين لازم
وساعه ع مراح الالم مني 
اخذو تحليل دم وانسدحت في الانتظار لسى مادخلًني العمليات
مرتً9 و10 مليت وفيني نوم
جا دكتور التخدير سالني كم سوؤال
وقالي عمليتك بتكون نصفي إن شاء الله
قلت تشوف افضل قال ايه عشان مايتخدرون اطفالك سبحان الله كانهم حاسين بيطلعون الحركه زايده مره يعوروني
جات الساعه 11 ونص دخلوني
خلاص بدت الرهبه والخوف 
والدموع تنزل 
الغرفه بارده ثلج قعدت ارجف ركبت ع سرير العمليه وركبو كل شي 
واعطاني ابرة ظهر ماتوجع الدكتور شاطر ويده خفيفه انسدحت وخلاص حراره برجولي قالي رفعي قلت ماقدر ثقيله
وشوي شالو ملابسي لين فوق صدري ًانا لا لاتفسخوني واصيح
قالي دكتور التخدير بس يعقمونك
والدكتور شق وخلص وبعدين حسيت لانه احس بشي ما يتحرك ماخذ وقت الا وطلع البيبي الاول ويبكي ياعمري عليه وروني اياه قالو بنطفه ونجيبه 
واصيح وقالو شنو فيك قلت اولاد 
ويطلع الثاني ونفس الشي بينطفونه واسمعهم يصيحون ياعمري عليهم
قالي الدكتور انتي فيك طلق ولاده اصلا الرحم متيهئ خلاص زين اني ولدتك 
وقعد عاد يشتغل يلم الجرح واقوله كبس او ايش
قالي ليزر 
وجاني صداع فضيع وماقدر خلاص اعطاني مسكن وراح 
واون عليهم لين ماخلصو وطلعت ويبارك لي زوجي ودوني غرفة الملاحظات ع 12 ونص
وانا لسى دايخه ومااقدر افتح عيني 
انا احس شي يصب مني قلت شكلها نفاس هن قالو ينزل كثير وطنشت بس مازلت دايخه
فجأه اشوف 3 دكاتره تخدير وغير الفلبينيات ودكتوره هنديه يشيلون اللي تحتي كله ددم ويصب صب واقوله شتسوي قاعد يضغط ع بطني واتالم
قال حنا حق التخدير خلينا بس نشوف وضعك
وركبو لي مغذي ثاني وغيرو لي 
وصارو اربعة رجال انا هنا خلاص استخفيت 
شافو كل جسمي وتجي الدكتوره تظغط ع بنطي وتدخل يدها تحت واصارخ الم فضيع في رحمي 
ماكان مشدود زين وهم يطغطون عليه بقوه 
ويجي دكتوري ويسوي نفس الشي يظغط ويكشف وانا بس اصيح واتالم اختربت الدعوه
كشفيه اللي مابغيتها صارت 
لين ماتداركو الوضع وخلاصً حمدالله وقف الدم والنزيف قريب العصر خلصو 
بس رايحه وجايه كذا دكتوره يظغطون ويكشفون من تحت لين حمدالله راح مني الدوخه 
وطلعوني ع غرفتي الساعه 5 
الحمدالله عدت بسلام
وهذا اللي صار فديتكم 
النصفي حلو ومو حلو
حلو تشوفين كل شي وتسمعين
والمحلو انه متعب شعور يده داخل فيني 
حسيت بكل شي 
اقول لزوجي 2 نعمه ترا خلاص 
ههههههههه 

الف مبروووك بريد الحمدلله عالسلامه
ربي يحفظ لك اطفالك من كل شرر
هل قالوا لك يحتاجوا حضانه او لا

حاطينهم حاليا لين بكرا
لانه واحد تنفسه سريع شوي
وبكرا يمكن يحطونهم مع العاديين

الف الف مبرووووك والحمدلله ع السلامه
كيف اطفالك بصحه جيده
قره عينك يابريد