هموم مطلقه !
متابعة النقاش، صفحة 2
شاركي في النقاش
سجلي الدخول لإضافة تعليق.
التعليقات
10- ربي يعووضكي ياقلبي وربي من كلامك واضح عليك الصدق وهو داحين يصرف عليها يبي يكذبكي وتلقي أنه كمان تبيه يعمل هيك عشان تطلعي أنتي الكذابه خيره إن شاء الله وربي يعووضكي الأجمل واﻷحسن يااارب
- السلام عليكم ورحمة الله وبركاته
الله يعوضك حبيبتي ويصبر قلبك
حاسه فيييك حالي مايبعد عن حالك كثير
انا كنت متزوجه ولد عمي وولد خالتي حب الطفوله كبرنا سوى وبحب وهيام والكل عارف وش قد يعشقني وانا بحياتي ماعرفت غيره رجل بــــــــــــس
تزوجنا وكان ماعنده غير راتبه والمهر وابوي اكرمه بكل شي
وعشت على (خذوهم فقراء يغنهم الله من سعته ) او بما معنى الايه
المهم زانت اموره الماديه وزي أي بيت فيه مشاكل بس تدخلات اهله تعبتني
وهو يفزع معهم ضدي المشكله ان امه ماكانت تبيني بس ماعارضت
مع الايام كنت ما احس معاه بالامان من كثر ما اشوفه يوقف ضدي بالحق
خلفت منه 3 بنات ماكنت اتخيل بيوم من الايام اننا ننفصل كنت احسه قدري
احارب عشان اصلح الحال فقط
تفكيرنا مختلف عن بعض كثير كثير نظرتنا للحياه مختلفه اختلاف شاسع
مافي توافق بيننا ابدا
بس ماكنت فلهمه وش اللي يصير بيننا
كنت اشوفه يتعمد يهينني وينتقص من قدري
وهو كان يشوفني اعانده
ماكنت افهم بالانماط الشخصيه ولا كنت مطلعه على فهم النفسيات وهو على انه شباب الا انه تفكيره شايب
هو يبي مره تقوله حاضر وبس وماتناقش
يبيني بعمر العشرين وبعقل الاربعين
يقولي خلاص عندك بنات ماله داعي تلبسين وتطلعين
يغار علي اذا لبست يقول وش تبين بهاللبس دايم يبيني بالجلابيات بكل المناسبات وانا انسانه ابي اعيش وانبسط والبس علما اني الحين عمري 35 بس وقبلها قارفني بالجلابيات
المهم حتى الضرب يضربني والاهانات ياكثرها ما اقول ماله حسنات
هو انسان خير ومحافظ على دينه بس سيئ الخلق معاي كثير ولعان
وانا مهملته صرت ما افكر اريحه ادور اللي يحرق دمه المهم زواجنا دام 12 سنه واخر سنواتنا قررت الانفصال صرت اقوله خلاص ماعاد ينفع نكمل سوى كل مالنا نطلع اسوى ماعندنا
والحمد لله تطلقنا طبعا مو بالسهوله بس حسيته فعلا الفرج
مشاكلنا كبيره وكثيره لدرجة بعد طلاقنا اخوالي واعمامي رفضوا نرجع لبعض طالما اننا تطلقنا لاننا ماننفع بعض
وبعد هذا
طبعا بناتي عنده وهو ماتزوج ولا انا
ولا افكر ارجع له
انا ما اكرهه ابدا هذا حب الطفوله بس مافي توافق بالتفكير ابدا
عكس بعض واحتياجاتنا غير عن بعض
كثير كنت اقول عسى ما اكون ظالمته بس الحمدلله عمري ما اتذكر اني طلبت منه شي غلط الحمد لله كلها اشياء اساسيات حياه
12 سنه مافرش لي بيت ان اثث غرفه خلى باقي البيت بدون اثاث الين تصير مشكله ويتدخل اللي يسوى واللي مايسوى عشان يصلح بيننا على اشياء تافهه
غير المصروف الللي كا ماقلت بشتري تنوره والا بلوزه يقول مو لازم ويفتح الدولاب ويطلع ملابسي ويعدها الله المستعان وربي يستر عليه ويستر علي
والحين عايشه ومريحه راسي ربي يعوضه خير مني تكون على كيفه وكيف امه وربي يعوضني عنه خير طبعا قطعت علاقتي بجميع اللي اعرفهم سابقا من بنات عم وخال وصديقات بس عشان مابي اسمع اخبار عنه ولا يسمع عني قدر المستطاع ومكونه لي علاقات جديده صح مو كثير بس وحده تغنيني بهالفتره وربي يغني كلن من سعته
اسفه طولت بس اعتقد من شاف هم غيره هانت عليه همومه
افرحي وانبسطي واذا جاك نصيبك لا توقفين عند مطبات تعرقل هدفك بالحياه
استفيدي من الماضي حسني سلبياتك وقوي ايجابياتك ثقفي نفسك وطوري ذاتك وبكذا والله بتقوى شخصيتك ونظرتك لنفسك بتتحسن وصدقيني بتلتفتين عالماضي وانتي مبتسمه وفعلا المشاكل اللي مرت عليك والظلم والقهر راح يقويك بس انتي تفائلي وربي يسعدك - كيف تحزنين وانتي مسلمه مو نصرانيه ولا مسيحيه ولا بوذيه الحمدلله ان مصيبتك مو في دينك ولااحد من اهلك او صحتك الحمدلله انك طلعتي من غير اطفال الحمدلله انك تنامين ورصيد الحسنات يزيد عندك يااختي والله والله والله انك في نعمه عظيمه انك خرجتي من هالتجربه بلا اطفال منه وماتدرين ايش مخبي لك الله من نعيم وقرة عين يااختي لاتقارنين وضعك بوضعها ابدا ابدا ابدا مو تقولين معلمه يمكن هي تجيب لنفسها وقالت فلان جاب لي تدرين ايش مشكلتك مشكلتك ماقدرتي تخرجين من الماضي ادعي الله ان يخرجه من قلبك كانه لم يكون يوم والله لاترتاحين ولو عدا من يمك ماحسيتي فيه اهم شي نفسك خرجيه منها تمام وكرري اللهم اجرني بمصيبتي واخلف لي خيرا منها
طفولة أم السلام عليكم ورحمة الله وبركاته الله يعوضك حبيبتي ويصبر قلبك حاسه فيييك حالي مايبعد عن حالك كثير انا كنت متزوجه ولد عمي وولد خالتي حب الطفوله كبرنا سوى وبحب وهيام والكل عارف وش قد يعشقني وانا بحياتي ماعرفت غيره رجل بــــــــــــس تزوج…
اختي صراحة تعاطفت معك ما بتشوفي بناتك يا لبي عليهم ربي يردهم لحضنك يارب
صاحبة الموضوع ربي يسعدك بالي افضل منو يارب- الله يعوضك
مواضيع مشابهة
تابعي تجارب أخرى من هذا القسم.