مشروع طبخ من المنزل...تعالو نتناقش..في كل شي والاسعار بعد؟؟

الاخت samaa seth،،،
اللي تبى تبدأ في مشروع الطبخ تستخير وتقول بسم الله وتبدأ لأن المرأة الله عز وجل معطي في يدها الذوق هذه هدية للمرأة من الله عز وجل أنا من جدة وأنا كنت معلمة وبسبب ظروف عائلية أضطريت أترك عملي بعدها قعدة البيت أكلتني كنت حابة أشتغل فاستخرت وتوكلت على الله وقلت بسم الله وتقريبا من 3 سنين بدأت شغل الطبخ في البداية بدأت مع جاراتي وأهلي وصديقاتي واللحين والحمد لله طلعت شغلي برة لقيت شوية مشاكل بس الحمد لله عديتها وفي هذا يرجع الفضل لعالم حواء أيضا ، واللحين بإذن الله حا أبدأ دورة تعليم الطبخ ، يابنات شغل الطبخ أفضل شغل وصاحبة الموضوع أو أي من أخوات تبى تعرف أي شيء عن هذا المشروع أنا حاضرة بس ابغى دعوة حلوة انه ربي اشفي امي ويعطيها الصحة والعافية وربي يوفق بنتي وزوجي ويرزقني الذرية الصالحة ، وربي يوفق ويرزق الجميع من حيث لا يحتسب .
لاتنسوا أبدا ذكر الله
ذكر الله يرضي ويسعد الإنسان ويذهب الأحزان ويملأ الميزان.
فقولوا جميعا لا إله إلا الله محمد رسول الله .

الله يوفقك ويرزقك ،، لا إله إلا الله محمد رسول الله ،، الله يجزاك خير أنا حابه أعرف البداية ياليت كل وحدة تقول بدايتها ،، انا لدي إهتمام بأكثر من حاجة ودي أبدأ صحيح أفكر بالدراسة و الوظيفة لكن يااختي ها الزمن لازم الواحد مو بس يصير عنده حرفة مهتمه باكثر من شيء بس فكرة التجارة ماني قادرة اشيلها من راسي محتمسه لها بقوة

ايوا حبيبة استخيري ممكن تتفقي مع مدرسة او مؤسسة تسوي لهم أكلات منوعة فكرة احلى من السندوشات.

الله يوفقكم يارب