تعالو الله يحفظ عيالكم شوفو همي للي صارلي من يوم طعمت ولدي

عادي جدا وسعي صدرك شكله اول مولود وماألومك مريت بنفس الخوف
كان ولدي كذا وخفت من كبر رأسه حتى ان بعض الملابس ماتدخل بسهولة
وعرضته على استشاري وقال طبيعي وقال ممكن وراثة وفعلا طلع في العايله كذا والحمدلله لما كبر تناسب مع جسمه وصار طبيعي جدا
وبالنسبه للنوم غيري للجهه الاصغر لحد مايستوي وحاولي قبل ما يكمل الشهر السادس
الله يحفظه لك

اطمني هذا من النوم لأنه نام على جهه وحده شفت ناس مثل كذا عادي بس حاولي توازني راسه وينام مره على الجنب الأيمن وشوي على الجنب الأيسر والله يحفظه لكي

ابعدي عنك الوساوس ان شاء الله مافيه غير العافيه...

كانت بنتي كذا لدرجة لما أنومها عاليسار ماتثبت وكأنها مايله صرت أنومها عالجهتين بالذات اللي ماكنت انومها عليها والحمدلله تعدل
الله يطمني على بنتي عاجلاً غير آجل و يفرج همي

ياحبيبتي عادي جدا
انا ولدي قعد بالمستشفى عشر ايام وكانوا دايما ينومنه على الجهه اليمين لحد ماصار راسه بارز من وراء مره
وجهة اليسار منتفخه والجهه الثانيه لا
بس لما جبته صارت امي تنومه على اليسار طول الوقت
وبعدين اذا كانت عنده وهو نايم تنومه على ظهره وتحط حوالين راسه شرشف عشان مايلف على جهاته
وكانت تنومه على الارض عشانها صلبه ويتعدل الراس بسرعه
الحين الحمدلله ولدي راسه حلو ابد مافيه شي
بس انتي نومه على جنبه اليسار فتره وبعدين اذا كنتي فاضيه ونام وهو عندك حطيه على راسه وحطي حوالينه شرشف بس خليك عنده عشان مايشرق لاسمح الله
والله يخليه لك يارب