زوجك ما اهان الا نفسه وما ارتكب الا شي حرام عن عبد الله بن عمرو ، أن رسول الله صلى الله عليه وسلم قال : من الكبائر شتم الرجل والديه . قالوا : يا رسول الله وهل يشتم الرجل والديه ؟ قال : نعم يسب أبا الرجل فيسب أباه ، ويسب أمه فيسب أمه . متفق عليه . ولفظ البخاري : إن من أكبر الكبائر أن يلعن الرجل والديه . قالوا : يا رسول الله كيف يلعن الرجل والديه ؟ قال : يسب أبا الرجل فيسب أباه ، ويسب أمه فيسب أمه . فقد جعل النبي صلى الله عليه وسلم الرجل سابًّا لاعنا لأبويه
شفتي كيف هو سب ابوه وامه ولعنهم طنشيه الذنب عليه وما عليك منه هو يتحمل الوزر الحمد لله الاسلام ماترك لا شارده ولا وارده الا بين الغلطان من يكون
منوه حلوه الذكر مو كالانثى صحيح لكن السب والشتم والتطاول على اعراض الناس حكمها واحد ذكر او انثى في النهاية جهنم هي جهنم مافيه نار للذكور ونار للاناث والجنة هي وحده مافيه جنه للذكور وجنه للاناث اللي يخطب يتحمل الوزر و العقوبه بانتظاره ما راح يدخل الجنه لانه ذكر يا ايت هالطرح نترفع عنه ونتفقه اكثر في الامور اللي يختلف فيها الرجل عن المرأة وراح تشوفين ان الثواب والعقاب واحد مافيه فرق
حبيبتي هو غلطاااااان ذي ما نختلف عليها نهااائي بس يا قلبي خوذيها مني عمر الغلط ما يعالج بغلط مثله !! طيب سبك و سب أهلك بعدها سبيتيه وسبيتي أهله الوضع الأن كيف ؟!! إنحلت مشكلتكم ؟! تحسون براحه ؟!
لكن لو وقت ثورته وزعله وكلامه القوي قلتي له إلا أهلي يا فلان ما أسمح لك هنا بتكون رايتك بيضاء وبيكون الحق معك بدل ما تكونو كلكم غلطانين ! فهمتي يا عيني ... مثل هالأمور ما أقولك إسكتي ولا تنطقينها ولا أقولك طنشيه ولا كأنه قال شي لا لا أقولك ردي بس خلي ردك يكون أرقى من أسلوبه منها تحفظين حق أهلك ومنها تحفظين حقك وبعد ما يهدا بيتفشل من نفسه وبيتمنى إنك قايله شي بطال حتى يقلب عليك ويقول وهي ماقصرت بالغلط بعد !!
معليش يا إختي هالموقف إعتبريه درس وتعلمي الحكمه بمثل هالمواقف خلي ردودك راقيه وخشي بعينه بأدب حتى ما يحصل شي عليك ....
أنا برأيي لو قابلتيه تقولين له إن كان فيه شي بهالموضوع مضايقني فهو كرامة أهلي قولي للأسف طلعتني عن طوري وعن أخلاقي وخليتني أتبع أسلوبك إلي بحياتي ما تعودت عليه و أمشي وخليه مع نفسه ولا تنطقينها عليه حرف لين يجي هو ويتكلم معك الله يفرج همك ويهدي سرك