تعبت نفسيتي وانا نفاس في بيت أهل زوجي

السلام عليكم ورحمه الله وبركاته
طبعا انا نفاس لي اليوم اسبوعين ...انا متنفسه عند أهل زوجي ،،نفسيتي تعابنه يابنات اخت زوجي عندها ولد مشاء الله عليه حرك وبس يضرب عيالي والله العظيم بهذل في ولدي الصغير بس يضربه ويعضه لدرجه ان عضة اسنانه تطبع في نفس المكان تسوي علامه ولا تروح وكذا مره يعض ولدي وأمس صك الباب علي اصابع ولدي ،،،وانتفخت اصابعه غير وديته مستشفى...والمشكله ان اخت زوجي تزعل مع ولدها اذا هوشتيه او ضربتيه،،،وربي طفشت ومليت وفكرت ارجع البيت بس زوجي مو راضي يقول توك،،،اجلسي شوي..وانا مافني اتحمل والله ماحد يرضى علي عياله...وخواته بس يتكلمون ويلمحون...ازعجتونا وطفشتونا،،ماغير جالسين نخدم مانرتاح لصبح ولا ليل...الحين مافيه احد يتحمل احد...أمس رجعت كلمت زوجي اني ارجع للبيت قال يفكر،،،طبعا بعد ماقلتله ان ولد اخته صك الباب علي ولدي تخيلو يبنات حتى البيبي الصغير ماخله بحاله،،،قبل اسبوع رحت لدوره المياه وانتو بكرامه وطلعت علي صيح البيبي كنا يصيح بشكل فضيع والله اني انفجعت طلعت من غير شعور...الا ولد حماتي عض البيبي في خده والبيبي يصح بقوه لدرجه ان العضه صارات معلامه في خد النونو ....وتهوشت انا ويها تقول من قالك تخلينها عنده انا دخلت الحمام وقبل مادخل سكرت الباب لما طلعت لآني عارفه ان ولدها الله يهديها مايجلس حرك مشاء الله عليه...مع هذا زعلات مع ولدها تقول ورع صغير مايعرف شيء ولاهوشته ولا شيء اخذته وراحت الغرفة ولا كأنه صار شيء ولما جاء زوجي وشاف خد البيبي كذا زعل وراح يكلمها تقول مو بس ولدي الي كان عنده حتي اخوانه ولا أنتو كل شيء يصير قلتو ولدي...وربي ان ولدها مبهذل كل الي في البيت ماخلا احد في حاله،،،،حتى أمها زعلات لان ولدها عض البيبي تقول لامها انتي بس تدافعين مع عيال ولدك لأنهم عيالكم: لكن ولدى لا وربي طفشت وتعبت نفسيا حتى كنت مفكره اني اسافر عند أمي بس من الطفش والنفسيه الي انا فيها مابي أسافر ولا اروح احد ابي اروح لبيتي صدق ان الواحد مايرتاح الا في بيته،،،،معليش طولت عليكم بس والله مافيه احد اشتكيله ولا افضفض له الا أنتو أنتو زي خواتي ..لو قلت لامي او خواتي أخاف يسون مشكله وانا مو ناقصه والله

24 تعليق 10,740 مشاهدة

شاركي في النقاش

سجلي الدخول لإضافة تعليق.

التعليقات

24
  1. @shhlaaa_alaayon

    يااختي بغض النظر عن ضرب اولادهم لاولادك اتنفسي ببيتك افضل
    لاتنسي المثل اللي يقول صبري على نفسي ولاصبر الناس علي...
    جيبي خادمه بالشهر بالساعه اي شي لما تخفين
    وربي يكون بعونك نفاس وقلق
  2. @mram_alaafry

    صاحبة الموضوع
    شهلاء العيون
    يااختي بغض النظر عن ضرب اولادهم لاولادك اتنفسي ببيتك افضل لاتنسي المثل اللي يقول صبري على نفسي ولاصبر الناس علي... جيبي خادمه بالشهر بالساعه اي شي لما تخفين وربي يكون بعونك نفاس وقلق
    المشكله زوجي رافض اني اجلس بالبيت....غير اتنفاس عند اهله،،،لان يسافر كثير للعمل ...وبيتي بعيد عن اهله ؟؟؟صعبه اجلس لحالي بالبيت حتى لو جاب لي شغاله
  3. @rhof_2

    الله يعينك صراحة مأسااااة النفاس الحاله يكفي اعوذ بالله الواحد الله يعينه على عياله
    مو ناقص بعد هم عيال غيره
    شوفي نصيحتي كنت بقولك روحي بيتك وارتاحي بس من يقضي لكم وينتبه لكم دام زوجك
    عنده سفرات عمل دائمة ,, الله يعينك روحي كملي نفاسك ببيت اهلك وارتاحي من القلق
    واهتمي بنفاسك ما بقى الا خير الله يعينك
  4. @mram_alaafry

    صاحبة الموضوع
    أهلي مو سكنين بنفس المنطقه الي انا فيها بعيدين عني والسفر مشور ونفسيتي تعبت احس مالي خلق اروح عند احد بس ابي بيتي الواحد راحته بيته مع ان امي المسكينه من اول يوم مولدت وهي بس تتصل متى تجين والله اني كنت متحمسه لروحه عندها بس خلاص نفسيتي تعبت وانا اذا تعبت اعرف نفسي اقلب علي كل احد بس الله يكون بالعون وأمي ان شاء الله ازورها بعد النفاس بيكون أحسن لكن الان مالي خلق لنفسي ولا لأي احد

تابعي تجارب أخرى من هذا القسم.