السلام عليكم
ااااااه يابنات ابغى افضفض عليكم ممكن وحده تقدر تفيدني
السالفه تهاوشنا انا وزوجي رحت بيت اهلي وجلست سته ايام
رجعت بيتي من نفسي وحتى اهلي مايدرون عن زعلنا المهم نظفت البيت وانا تجهزت ولبست فستان اسود قصير دانتيل يعني قمه في الاغراء وقلت ابغى ارضيه لاني انا زعلته او صار بينا زي العناد
رجع من دوامه وانا في البيت انتظره جلس يناظر فيني بطريقه حسيت ان رضي شوي
جاء قلي بنزور عمتي في المستشفى قلت تمام غيرت ملابسي وديت بنتي عند اهلي ورحنا واحنا في الطريق جالس يكلم صاحبه يتقابلون ويجلسون سوا وبرضوا رجع يكلم واحد ثاني يجي عنده انا كنت على اعصابي واحنا رجعينا من المستشفى قلت له تبي تروح عند اصحابك ودني بيت اهلي قالي من غير ماتقولين
طنشت ولا كأني سمعت ونزلت عندهم لحد الساعه 12في الليل ارسلت له مارد ورجعت ارسلت له برضوا مارد كان مطنش مايبغى يرد وبعدها ارسلت له اوكيه طنش براحتك وانا ابغى انام برضوا مارد
انا قسم بالله انقهرت على نفسي وكيف روحت البيت وانا مشتاقه له والبس وكشخ له وهو اللحين مطنشني ولا يبغى يرد حسيت نفسي غيبه او مهانه اي شي يصف شعوري
ثاني يوم الساعه 3الفجر ارسلي لي البسي واطلعي انا برا فتحتها وقريت ومارديت عليه من القهر الي جواتي .تصرفي هنا غلط او صح ؟
جلس حول الربع الساعه قلي تعالي عند الباب ابغى اعطيك شي رحت واخذت الي في يده وطلع ولا قلي كلمه
بصراحه اللحين ماني عارفه انا الغلطانه او هو
وايش ممكن اتصرف معاه ارجع انا لعندو ولا انتظر بصراحه مو قادره افكر
شاركي في النقاش
سجلي الدخول لإضافة تعليق.
التعليقات
117- مدري يختي الموضوع ملخبط أحسن شي أساليه شوفي اش عنده
- الحين وش دخل الفستان؟ معليش يعني ياحريم رضا الزوج يكزن عندكم بالطريقه هذي؟؟ غلطتك أنك ذليتي نفسك وكرامتك الحين لو صار شي وعرفو أهلك وزعل عليك أبوك حطيتهم بالموقف البايخ هذا! ثاني شي مثل مابدأتي أنتي وتنازلتي برضو بينتظر منك ترضيه مثل اﻷول فكري بعقلك مو بقلبك عمر التفاهم واﻷحترام يجي بالطريقه هذي رضا الفراش
- الله يهديكم ويصلح حالكم يا اختي .. واضح انك لما رجعتي بيتك ماطاح الي براسه بس تصرفك غلط خليتي الرجال عند الباب خلاص ومن عفا واصلح فأجره على الله ،،، الدنيا قصيره ماتسوى زعلك . . لو صار له شيء لا قدر الله وانتو زعلانين بتتحسرين قد شعر راسك .. استهدي بالله وارسلي له انك مشتاقه ويجي ياخذك لا تروحي انتي انتبهي اخااف يزعلك والا يصدك خليه هو يجيك
- حركته تقهر وواضح انه مسوي نفسه راضي بس عشان تروحين معاه للزيارة وهو اصلا بعده زعلان منك وبعد ماخلصتي الزيارة بينت تصرفاته
فاتركيه هو الي يتصل يطلب رجعتك للبيت وان شالله خير - طيب احنا مانعرف حجم الزعل والموضوع اللي بينكم تري الرجال صاروا يفهمو مو مثل اول يجي ويرضى بالاغراء وشكله متعود منك على مراضاته بالاغراء ومل ويبغى تتفاهموا بعقلانية اكثر يعني المفترض انك اتفاهمتوا في الاول وبعدين اذا رضي اكشخي له يعني بدون مجامله هو حاب يأدبك اذا كان الغلط منك وفهم قصدك وحب يقولك ملتقدري تجيبيني بهذا الاسلوب واحيانا احنا بنسويها لمن نكون زععلانين وبيراضونا بهذي الطريقه هذا الشي يقهرنا لانهم لان الطرف الثاني يبغى يحل الخلاف بدون التحدث فيه انا هذا تحليلي لتصرفه ويمكن يكون خطأ
مواضيع مشابهة
تابعي تجارب أخرى من هذا القسم.