يا ناس كيف اتصرف وحده تتصل على زوجي تسبني

بسم الله الرحمن الرحيم


بدخل سيده في الموضوع قبل شهر تقريبا الساعه 1 في الليل كنت جالسه وزوجي في الحمام الله يكرمكم

جت رساله على جواله وعادي ما اهتميت للموضوع بس استغربت الوقت خصوصا ان ماعنده واتس ونادرا تجيه رسائل
طبعا نغزني قلبي وقلت يمكن الانات او بنك او او او المهم حطيت احتمالات كثير المهم طلع واخذ جواله وقال بنزل اتاكد انا قفلت السياره او لا
وعادي زي كل مره ما جاء ف بالي شئ المهم هنا الشيطان بداء يلعب فيني وتخيلووا ما جلس الا يمكن دقيقه وطلع
المهم قال بنام وراي دوام وقمت نمت وربي يبنات شعور ما يوصف قمت ارجف وفيني فضول اشوف جواله ولا ارتحت حتى سمعته يشخر ونطيت يمكن الساعه 3 واخذت جواله وطلعت من الغرفه وجوالي معي ولقيت رساله كول مي وبعدها رقم مخزنه باسم محمد المهم ما ارتحت واخذت الرقم ودخلته في النمبر بوك وطلع باسم بنت واتصلت ع الرقم يمكن الساعه 3 ونص الا هي وحده وقلت انتي فلانه نفس الاسم اللي طلع لي قالت ايه معك مين انتي قلت اوك اكلمك بعدين وقفلت وقمت ابكي وربي كاني بزر ما تحملت الخيانه ودخلت الغرفه واناظره وهو نايم ودي اذبحه المهم اخذت جواله واتصلت على نفس الرقم وردت وقالت هلا والله يا فلان اسم زوجي هنا الطامه الكبرى

قفلت الخط وقمت ابكي وابكي يمكن الساعه 4 وعليها المهم صحي هوه وشافني ابكي نط من مكانه وقال اش فيك وكان مفجوع في باله ان احد صار له
المهم هنا انفجرت ياخاين يا حيوان يا يا يا يا يا وهو مايدري وش السالفه وانا ما اعطيته مجال يتكلم وقلت ما ابيك يلا ودني لاهلي لا افضحك بالله وخلقه
المهم قام يهديني ويسال وعرف يوم ان جواله معي اني عرفت كل شئ
قال ايوه انا من اسبوع وهذا الرقم يجيني وغيره وغيره ارقام بس نفس البنت ومعها مجموعه بنات وشباب ويعرفونك زين
ويعرفون اهلك واسمك واهلي واسمي وانا ابي اجيبهم وعشان كذا انا اكلمها وحلف على اولادي ان كل المكالمه سب
هيه واللي معها يسبوني وهو يدافع عني ويسبهم
المهم انا فهاللحظه قلت اوك الحين تتصل قدامي قال طيب بس بعلمك بشئ تراهم بنات كثير مو وحده والا ثنتين وترا كلامهم يغث وترا كل المكالمه ضحك واستهتار فانتي لا تتنرفزين او تتكلمين لا تخربين اللي سويته

قلت اوك
وفعلا نفس اللي قاله صار وبعدها بيومين نفس الرقم اتصل لى جوالي ويسمعوني اغاني ويضحكون
والحين صار لنا شهر لى ذا الحال وهو وانا ما نرد ابد
بس تخيلوو انهم يتصلوون في اليوم 40 او 50 اتصال بذات على جوال زوجي ومن غير الكول مي

ومن غير الرسائل السب اللي تجيه وارقام كثير لهم

وقفل جواله جلس اسبوع مقفل لان عنده جوال ثاني والله ان اول ما فتح الجهاز ما جلس 5 دقايق الا الاتصال والرسائل

انا تعبت ولا ابي اخسر زوجي عشان بنات حثاله بس الشك ما ريحيني تكفوووون وش اسوي

حسبي الله ونعم الوكيل

الله لا يوفقهم واشوف فيهم يوم يارب

اسفه ع الاطاله بس من اللي في قلبي




:(

43 تعليق 7,666 مشاهدة

شاركي في النقاش

سجلي الدخول لإضافة تعليق.

التعليقات

43
  1. @lora110

    ياقلبي الله يسترك بستره ولاتاخفي ربي يفضحهم هم واشكالهم
    ومادام زوجك عارف قولليله ياخدالرسايل والجوال لاتمسحو شي وخليه يشتكي عليهم
    يقدم بلاغ معادفيه ارقام بدون اسماء بدات زين ومبايلي وربي لايجيبونهم لكم
    الله ياخد هادي العينه الغبيه
  2. @lyal_alfgr_1

    ياختي ترى مو صعب تغيرون ارقامكم وتشتكونهم, توني كاتبه لواحدة من البنات غيرت رقمي كذا مرة هالسنة
  3. @tok_alyasmyn_18

    يمكن تكون وخدة حاقدة عليك وتبي تخرب بيتك مافي الاانكم تشتكون علىيهم وراح يجيبونهم من تحت الارض حتى لوكانت الارقام موباسم واستودعي الله نفسك وبيتك واستغفري الله واذكريه والله معك
  4. @taht_khtaoyna_5

    بصراحه احس زوجك مظلوم وللاسف في كثير من هالحثاله وهدفهم
    خراب ولاتزعلي نفسك ولاتخلي هالاشكال تهز ثقتك بزوجك

تابعي تجارب أخرى من هذا القسم.