انا الدلوعه وهذا جديدي مع اخوان زوجي

لاتخسرينه علشان اخوانه وش ذنبه مسكين صادق ماله غنى عنهم ومع الوقت بيروحون من انفسهم انتي تعرفين الرجال دائم برى البيت ماهم ملازمينكم

اختي بسئلك يعني اخوان زوجك يبون يسكنون معاكم في المجلس او الملقط ؟؟ بحيث يكونون منفصلين عنك ببابا او جدار ؟
او بيعيشون معاك وانتي تغسلين ملابسهم وتخدمينهم وتأكلينهم؟
اذا الاول مامعك حق ابدا ونص الشباب عايشين مع اخوانهم المتزوجين بشكل منفصل ومؤقت بحيث مالهم اختلاط بالزوجه ولاتسويلهم شي لاطيخ ولاخدمه نهائي
اما لو الثاني فمعاك حق وعين العقل ولاتتراجعين

هو ليش متلزم في اخوانه كذا المشكله إنهم رجال لو حريم نقول فعلا خواته عاره مالهم إلا هو لكن ذولا رجال والمشكله واحد منهم مطلق والله انا اخوي ساكن معي بنفس المدينه ومو متزوج ومافكرت اقوله يجي يسكن عندنا وكلمني زوجي اكلمه ورفضت قلت ابغى اخذ راحتي  وماسمع كلامي زوجي وراح من وراي يطلبه بالسكن عندنا لكن اخوي طلع فاهم وضع المتزوجين وقال دام إني اقدر استأجر باعزب ولا اجي ابلشكم بحياتكم وترتبطون بي وانا متى ما افضى امر عليكم واخوي الثاني متزوج ومعانا بنفس المدينه وكلمه من باب الاحترام بالسكن عنده لكن اخوي رفض بتاتا والحمدلله ماضاع ولا صار له شي وبنزوجه قريب 
قولي له اخوانك رجال كبار ويقدروا يسكنوا لحالهم وإذا بيزورونك حياهم بأي وقت وباقوم بضيافتهم  ولا باقصر بشي وإذا بيجلسوا عندنا يومين اسبوع وإنت موجود بالبيت برضوا مابقصر بضيافتهم حياهم اما إنهم يسكنوا معي بنفس البيت اعذرني ماقدر 
وقولي لابوكي يقوله نفس الكلام بعدين دام ان امهم عايشه ليش مايقعدوا عندها

الله يفرج همك اتوووقع والله اعلم اهله ضاغطين عليه يخلي اخوانه عنده

الله يكتب لك الخير ومافيه ويبعد عنك الشر 
وسبحان الله ربي أراد لك الخير ولاحظي حبيبتي ان امر الله كله خير 
ان إصابته ضراء وصبر كان خيرا له وان إصابته سراء شكر فكان خيرا له 
احيي وقتك بالاستغفار واكثري منه استغفر الله العلي العظيم وأتوب اليه 
والله يعوضك خير