اقدم منطقه بعيده والا لا شوركم يا نشميات

وأنا نفسك 11سنه متخرجه،،،ومتردده لأكن أستخيري والله يختار الصالح

اختي ام زوزو العسل الله يكرمك ويكرم كل خريجه التعيين... انا مثلك لي 11 سنه متخرجه.. كنا نحط الشروط على الوظيفه لين ما قعدنا وقشرنا بصل وندبنا حالنا ... الحين هم حطوا شروطهم وان كان شرط واحد وهو قياس لكنه يعتبر في نظرنا البعبع اللي يطاردنا في الاحلام واليقظه... الحمدلله والف الحمدلله اننا اجتزناه وبعدها ماراح اتشرط بمكان الوظيفه في اي مكان انا عن نفسي راح باذن الله باذن الله راح اوافق... بعد الاستخاره اكيد وان منعني شيء فمن ربي وراح اكون راضيه وانا متاكده بعوض ربي لي....
نصيحتي لك بعد الاستخاره توكلي على الله وان ماناسبك دوامي اسبوع وخذي اجازه استثنائي الى ان يسرها ربي من عنده... ومحد عارف العقبات اللي تمنعك اليوم تذلل في المستقبل....
هذا رايء والله يكتب الخير لي ولكم....

الله يسعدكم حبيباتي والله انا افكر كثير حتى البيت اللي شريناه مو قادرين نرممه حاله ياربي اكتب لنا ولكم الخير

وليش ترمين نفسك الرميه هذي والله ثم والله ثم والله ان الجلسة بدون شغل ارحم مليون مره من انك تطلعين قبل الفجر مع سواق ممكن يكون مواصل و تعبان و يجيب كوارث عيالك و صحتك اهم من الوظيفة
و اعرف بنات اخذوا مناطق بعيدة وتوهقت ما جاها نقل ولا زوجها معها الزوج بديره و هي بديره و خذي عاد زن امه و اهله و لفهم لراسه ما علينا

انا اقول لو انا مكانك احط المكان اللي انا فيه ما تدرين لعل الله يكتب و يكون فيه احتياج قوي
تفائلي تفائلي و لا تقولين الماديه ما تساعد و كذا كلنا وربي ما يعلم بحالنا غير الله لكن ثقي ان رزقك جاي جاي بإذن الله

الله يوفقك يارب و نصيحه لا تجازفين ترى الطرق هم في هم في هم

ايلانوووو 
مين قالك تداوم اسبوع وتاخذ اجازه استثنائيه؟؟؟؟؟؟؟؟؟؟؟ كان ياسلام لو النظام كذا 
حبيبتي اول سنه ممنوع اي اجازه استثنائيه معاك اجازه وحده فقط مسموح فيها اجازه مولود فقططط 
انا لمن تعينت وقعت ع اوراق مااطالب اجازه الا اجازه مولود فقط 
يعني الوحده تستخير قبل تتوهق