انا الدلوعه وهذا جديدي مع اخوان زوجي

أؤيد اهات رحلة بشدة
كانها تكتب عني
ياعزيزتي الدلوعة
راجعي حساباتك بينك وبين نفسك بدون ماتفكري فيه
فكري بس في نفسك وقولي ايش تشوفي؟
وأضنك فكرتي لين تعبتي من التفكير
انتي اخدتي قرار سليم ورفضك بمحله مو حلم اتحقق لك ولا حاجة اتمنيتيها بشدة ورفضتيها بطرانة
لأ
ولا رفضتي الزواج بدون سبب
ولا رفضتي العريس نفسه
انما رفضتي شي مخالف لقوانينك الشخصية واحتياجاتك وهي ( حيااااتك )
فلا تلومي نفسك ابدا ولا تخلي حد يلومك
ومين ماكان لامك قولي انا حرة نفسي اختار هدا وارفض هداك
انا اللي بتزوج مو شغلكم
وخلي قرايبك يحكو لين تنقطع السنتهم
قولي يارب اخرسهم واكفني شرهم
جواكي رافضة بسبب كل اللي شايفاه وعارفاه فماحد يلومك حتى اللي هنا معناتها مش فاهمتك
ولا حاسة فيكي وجاهلة للأسف
معقول للأن وحدة تكتب لا تفرطي في العريس وانتي مافرطتي فيه اصلا
ووحدة كاتبة هي مجرد سنتين معقول ماحتتحملي
اقولهم ترى في هالسنتين هي عروس
ولما تنتهي تعتبر زوجة وربة منزل < حتى كلمة عروس مارح تنقال عنها وممكن تكون وقتها حملت وجابت اول طفل
فمتى تعيش لحظات العرس وشهر العسل وسنة اولى حب؟
كلنا كنا نحلم بهالسنتين الجميلة و عشناها جات عليها هي مستكترين فيها سنتين؟
انتي طلبتي حق لك يبغوكي تتنازلي عن اهم حقوقك وهي ( الإستقلالية )
يبغوكي تتنازلي عن حياتك ومو شايفين انه هو كمان ماتنازل
مو كل التنازلات على الحرمة ولو اني ضدها من الأساس لأنها ابدا مش من طاعة الزوج
كل من نصحت قالت لابد تتنازلي الزواج مو تنازلات وبس
ادا بنتنازل عن هدا وهدا وهدا وداك
كدا راحت كل أسس الحياة الزوجية السليمة مابقى الا اسم منها
الزواج شراكة بين اتنين
ادا كترو الأطراف كترت المشاكل
ومو كل البيوت زي بعض ولا كل الحالات وحدة
اللي قالت عاشت زيك وكانت راضية < قوليلها انتي راضية انا لأ
واللي قالت عشت نفس وضعك وقالت تعبت والحمدلله افتكيت اخيرا < لأنها ماكانت راضية كانت تعبانة ومتضايقة لين ربي فرجها
وانتي ماتبغي تنتظري كل ايام السنتين لين يخرجو
تبغي في هالزواج تترمي على سريرك وانتي مرتاحة وتغطي في نومك وانتي مو شايلة هم واحد يبغى عشا والتاني يبغى شاي
والأخير عنده ملابس للعمل مانكوت
خصوصا انك لسة ماعندك طفل تبغي تتمتعي وهدا حقك
لأنك زوجة غالية يندفع فيها الغالي فكيف تغلى عليكي مجرد شقة صغيرة تسرحي وتمرحي فيها؟
من اول وانتي تكتبي الشقة صغيرة وهم عندهم بيتهم ويتغاضو عن الكلمة علشان في الموضوع ( رجال)
قيمتي حياتك وكتبتي كل التفاصيل وبرضو يبغو حياتك تنتهي في غرفة مغلقة من اربع جدران
علشان ( مجرد زوج ) مايربطك فيه أي رابط سابق
لاتعتقدي انه ممكن بسهولة يطلق ولا انه راح يتمسك للأخر
لكنه رجال والرجل يفكر بعقله راح يوزنها ويفكر مزبوط أكتر منك
لين يتخد قراره
بس مو عارف كيف يكسبك ويكسب عيشة طيبة
هو كمان يحسب ان بعد الزواج حيكون مرتاح بوجودهم مايدري انك ممكن تزعلي وتغضبي وتتمشكلي معاه
رغم انه شايف رفضك واصرارك
وممكن تصير بينكم فجوة لإنشغاله باخوانه ولإنشغالك بالكرف
فكيف تعيشو اول سنة تتعرفو على بعض اكتر
كيف تكون بينكم لحضات خاصة
انا اشوف انه صعب جدا جدا وجود شخص من اهله طالما الضروف المادية مبسطة ولله الحمد
وبإذن الله بكرة تبشرينا بموافقته على شرطك
استخيري الله وقولي يارب نور بصيرتي واصرف اخوان زوجي من بيتي ومملكتي
عجبتني كلمتك ( مملكتي ) < استغرب بعض الردود تقولك هدول اخوانه
وكأنك أي وحدة من برا دخيلة ماكأنك زوجته
انتي بكرة وقت تصيرو في بيت واحد راح تكوني نصه التاني والأهم
واكتر من نفسه
مسألة وقت وعشرة بينكم
فلا تتعجلي ولا نتعجل عليكي
بس مهما كانت ضروفه اصري على رأيك لأن بعد الزواج اكبر مما انتي فيه حاليا
وراح تندمي على دموعك وحزنك وقهرك وحتشوفي ان فترة الملكة هي اللي حددت مصيرك معاه بقراراتك الصحيحة
اسأل الله ان يعطيكي الخير ويكتب لك اللي تتمنيه
ويصرف عنك كل شر.

يااقلبي سنتين بتعدي بسرررعه من غير ان ممكن ثلاث ارباعها بتقضيها عند اهلك كلنا كذا فترة تغيب ازواجنا سفر عمل شوية زعل شوية تعب عند اهلنا ووحاام وولاده وماقبل الولاده ومابعدها وتكون عدددت اذا كان رجال ومافيه عيووب اتوكلي على الله وذوقيه العسل غر هو يقولهم اشوفكم فبيت امي خخخخخخ


كبري عقلك ولا تخلي اخوانه حجرة تعثر بطريقك وكمان يمكن يكون ربي دافع عنك بلاء اعظم لو تنفصلي تطبي بواحد مع امه وخواته جد بتندمين الرجال مشاكلهم اقل من الحريم

والله زوجك غريب شقه صغيره وبيحشر اخوانه معكم!! ورافض شقه كبيره!! خلاص اجل يسكنون جنب شقتكم بالضبببطً اذا مره خايف عليهم الا اذا انه حاط بباله انك تصيري خدامه لهم

اكثر شيء مضحك ومستفز للعقل فهالموضوع اللي تفسر وتستبق الاحداث بخيالها الواسع ترى لو صار كذا بيصير كذا ابغى اعرف هل هذا تنجيم ولا حاسة سادسة

مرحبا اختي ليه تخربين بيتك يا قلبي 
اذ كان يحبك افديه بدنيا  والله السنيين هاذي صعبه تلقين واحد يحبك ببأخلاص و شارييك ما فيها شي اذ اخوانه قعدو عندك منتي مخدمتهم انا عندي اخوان زوجي لهم احين 8سنين والله والله ما عمري اتأذيت منهم بلعلكس مونسيني بس ما امسك لهم شي مرا ولا يقعدو اصلا  دايما برى وملابسهم هم يودوها الغسال  بس ينامو عندنا عشان اهلهم مو نفس منتطقتنا والحين واحد فيهم كتب كتابه والله فرحت وحزنت انو بيروح عنا حتى ولدي متعلق فيه  انتي اتعوذي من الشيطان واتحملي ترى اازواج مسؤليه مو حلم انتي ترسميه وتبغيه يتحقق مستحيل الحياة شقى وهم وكل مين عنده همه ولا حطي بالك انو مراح يكون فيه احد كامل لازم فيه نقص وانا اشوف مدام يحبك وشاريك وانتي شايفته انسان يتفاهم و هادي لاتخسريه ترى في الايام هاي  قليل قليل قليل الطيب والعاقل شوفي المشاكل الي بلمتدى خيانه تعدد طناش وكره الله يعينا يا الحريم  ما لنا الا الصبر ............