السلام عليكم حبايبي حابه افضفض لكم عن الي احسه بداخلي واشوف احد مثلي ولا بس انا كذا
احس حياتي متوتره بسبت حسسيتي الزايده فانا حساسه لابعد حد ومااخذ الامور ببساطه نار الشك واضنون السيئه ترودني اغلب الاوقات انا متزوجه وعندي اطفال والحمدالله حياتي ماشيه وزوجي ماهو شين لكن شكلي ابطفشه مني ونا السبب من كثر النق وعدم التغاضي من فتره طلع بحياتي احد اقاربه ونشب لنا هو رجال متوسط بالعمر وعنده بنات كثير وبسن زواج ولا ان كتب لهم نصيب وصرت حاطتهم براسي ولا احب اتواصل معهن ولا اعطيهن وجه على اني ماشفت منهم شي لكن صار تواصل ابوهم مع زوجي يوترني لابعد حد بسبت الغيره والشكوك صارت هالمسئله اخذه من تفكيري كثير وانا كارها هالتوتر والقلق الي اخذ من صحتي ونفسيتي الكثير وماقول الا يارب لاتجعل الدنيا اكبر همنا:confused:
شاركي في النقاش
سجلي الدخول لإضافة تعليق.
التعليقات
8- حبيبتي لاتشيلي هم ولا شي
ولا تصيري حساسه فوق اللزوم وعيشي حياتك طول بعرض
واهتمي بنفسك وزوجك وعيالك ...
والله كنت مثلك حساسه وازعل من كل شي ومشاكل انا وزوجي وشك
بس والله بعد مادخلت عالم حوا تعلمت أشياء كثيره
اوووول شي نفسك اهتمي فيها عشان ثقتك بنفسك تزيد وبدورها تحل مشاكل كثير
زوجك .... شبعيه ..!!! انتي عارفه
والله الرجال اهم شي عندهم هذاك الشي اذا كنتي مقصره صدقيني بيتزوج
أما اذا كنتي مشبعته جنسيا وعاطفيا ومدلعته ومنتي مقصره معاه صدقيني ..... لو يجيه ميه رجال يقول تزوج من عندي غير يقول لا والله زوجتي مو مقصره معي بشي ...
صدقيني بتكسبيه وبتكسبي نفسك وبيتك وعيالك - حبيبتي هالموضوع حله بيدك
لازم تكون عندك إراده للتغير قبل فوات الأوان
الرجل يصبر كثير ويتحمل كثير بعدها لا طقت كبده ما جاب خبرك
وتذكري هالنقطه وبتساعدين نفسك ع التغير شوي شوي
عودي نفسك تكونين ريلاكس وعودي نفسك ع التفائل
هالرجل إلي أنتي متوتره بسببه لو إنك مريحه زوجك ومخليه جوكم كله سعاده
وراحة بال صدقيني ماراح يفكر بغيرك
لكن توترك و أفتعالك للمشاكل وحساسيتك الزايده بتخلي الرجل يطق و يزهق
غيرتك إحكميها لا تخلينها تحكمك الغيره لازادت عن الحد الطبيعي تإذي صاحبها
ولي حوله ! - مشكوره على النصيحه والله يصلح لنا النيه والذريه
- صادقه هالغيره اذيه لي ولي حوالي ابتليت بنار الشك والغيره عساها متبقى يارب
- كرستاله... اهم شيء تحطينه براسك ان حركاتك مو بس مغثة لك, لكنها مغثة لزوجك.. الرجاجيل مو محتاجين نعطيهم المبررات للزواج من ثانية... فانتبهي لتصرفاتك واستعيذي بالله من الشيطان كل مرة توسوسين
ولا تجيبين طاري الرجال عنده ولا تحطين فكرة ان عنده بنات ويمكن يبيك تخطب منهم والا اي شيء من هالحكي... ولا تبينين له شيء بهالخصوص... خلك حكيمة و واعية لتصرفاتك
بعدين حصني نفسك بسورة البقرة دائما وانت في البيت تطبخي والا تنظفي استمعي لها, بتساعدك تتخلصي من الوساوس
مواضيع مشابهة
تابعي تجارب أخرى من هذا القسم.