شي اثر فيني كثير

صحيح كلامك لان اغلب المواضيع تشتكي حال هالانسانة تحسيها مقهورة مظلومة احيانا من الزوج

احيانا من اهله احيانا من اخواته احيانا اهلها الظلم الي هي فيه والظلم ظلمات يوم القيامة

الوشاية بين الناس والغيبة والنميمة والكذب ضعف الدين وتسلط الشيطان الله يحفظنا ويعينا ويرينا الحق ونميز الباطل

ويبعد عنا الغيرة والحسد

وفعلا صار الواحد مايقدر يستغنى عن هالقسم وده يساعد

انا مايوجع قلبي الا اللي زوجها يضربها

ومحد يساعدها لا أهلها ولا الجهات المختصه

الحمد لله على كل حال الله ينصر كل مظلومه يارب ويجبر بخاطرها

يعطيكِ العافيه

انا للاسف تأثيره علي سلبي
صرت شكاكه وموسوسه وافتش
وهان علي الطلاق من كثر ما اشوف اغلب العضوات هنا متساهلين فيه

واكتشفت ان طبقه كبيره من النساء ببغاء يكرر ومايدري هالكلام وش معناه !
تجيك عضوه تتكلم وتنتقد وتنافخ واذا جيتي تناقشينها تلقينها ماعندها حجه بس ترديد كلام سبق لها قرائته ومانسته !

نفس الشي حلول الغالب للمشاكل غريبه !
في اي قصه يقولون اغريه
او اجعليه اضافه لحياتك

مو معقول ان كل مشاكل الزوجات حلها بواحد من هالتثنين

نفرض ان الزوج كذا من الله ماحب هالزوجه او فيه شي ينفره منها وهي في نفس الوقت مجتهده ومو مقصره
تغريه ليه ؟؟؟؟؟
وبعدين تجي تشتكي وتقول عطاني ظهره

تجيها النصايح بركان ثائر !؟؟
كرامتك اهم اطلبي الطلاق


يعني مرات اتسلى ،،، مرات استفيد ،،، مرات بعض المواضيع والردود تكون لي عضه وعبره ،،،. مرات اعصب من سطحية بعض العقول ،،، مرات اغار وانقهر واحس بالنقص ،،،، مرات احمد ربي الله عافاني مما ابتلاهم ،،، مرات افرح بأني قادره اساعد وانقذ حياة اسره ،،،،، واشياء كثير صعب حصرها


الشي اللي اتضح لي وتأكدت منه
ان المراءه مهما تضاهرت بالقوه فهي كائن ضعيف جدا وهش وسهل الكسر وسريع الضياع

الله يحفظنا واياكم ويكتب لنا الخير

انا بعد ماصرت أدخل مشاكل حواء عرفت كيف وضع المرأة عندنا من زمان ماكنت ادري وكنت ساذجه أقيس كل العالم بعايلتي وأردد المرأة عندنا ملكة! الحين خلاص صار همي الأول والأخير هو حقوق المرأة وأنها لازم تنتزع حقوقها وتاخذ استقلاليتها وتصير قوية عشان محد يستجري يقهرها ويظلمها ويدوس عليها ولا أحد يحاسبه ولا حتى المجتمع الظالم ينبذه أو يعاقبه بسبب عملته.

الحين كل شغلي على المرأة أكتب وأقرأ وأنشر واحاول يااارب المرأة عندنا تصير قوية وواعيه. قلبي محروق عليها أول كنت لما أقرأ مشاكل حوا والله أجلس أبكي من القهر وأتهاوش مع زوجي أنتقم من زوج الي قريت مشكلتها في زوجي مسكين الين قالي معلاج نفسي أني بكذا بدمر حياتي.

بعدين صرت أفصل وما أتأثر وأحاول أوظف القهر الي يطلع لمصلحة المرأة عندنا بشكل عام

انا عرفت اشكثر المرأه السعوديه حقها مهظوم في المحاكم
الحمدلله بالكويت الوحده اذا تطلقت لها نفقه ثلاث اشهور وبعد الثلاث شهور ينزل الراتب يكفيها وزياده واذا لها اولاد يقصون من راتب ابوهم ويتحول لها مباشر لها حق الحضانه ولها نص البيت اذا ماسكنت فيه يعطيها فلوس نص سعر البيت وتقدر تاخذ قرض اسكاني
بالسعوديه يصبرن عشان عيالهن مايروحون والا وين توديهن لا أهل متسنعين ولا زوج
الله يكون بعون المرأه السعوديه