السلام عليكم
بنات انا لي سنتين وشهرين متزوجه بس زوجي ايام الدورة مرررة مايقرب مني ولايتوددلي ولاشي ولاحضن حتا
مرة طفشت دايما كذا لما تجيني الدورة
وكلمته يقول تعب دوام وضغط ومدري ايش
صرت مااقوله جاتني الدورة اول ماقوله يسوي الحركات دي ولايقرب مني
مع اني محافظه ع نظافتي واتعطررر مهتمه مررة والبس بجايم حلووة بس مدري ايش السبب اتنكد مرة
ابغا اعرف كيف اتصرف وهما كل الرجال كذا ولالا
ماعرف اسال مين ماعندي خوات كبار
مرة ماعنده رومانسيه وحتى هدايا ماعمره حاب ولافي الاعياد انا اجيبلو وهو مايجيب
ماعمره قال تروشي معايا حتى بالعلاقه مافي مقدمات واذا في اي كلام اهم شي اطبخي حطي غسيل اكوي ثوب ابغا اروح الكازينو
احس كانو ليا عشرين سنه متزوجه مو توي سنتين
تعبت وانا اهرج مافي فايده ويقول انتي حساسه ومدري ايش
رجاء لاحد يرد رد جارح يابنات ابغاكم تساعدوني وتعطوني تجربتكم
شاركي في النقاش
سجلي الدخول لإضافة تعليق.
التعليقات
55- عاادي جدا اغلب الرجال كذا
ماادري وش السبب
بس عادي طنشي اول كنت مثلك اهتم وازعل واعاتب بس تبين راحتك طنشششششي احسن لك ولصحتك - هههههههه شكلـــــو فاهم الدوره غلــط ان شاء الله البنات يفيدوك
لا اله الا انت سبحانك اني كنت من الظالمين ****
اللهـم لـك الحمــد كمــا ينبـغي لجـلال وجهــك وعظمــة سلطــانـك **** - كلهم كذا وقت يبون شي يرفعك لسماء وإذ ما يبي يسحب ع أمك أمك ولا كنه يعرفك ههههههه
- ي قلبي اغلب الرجال كذا أنتي علميه خصوصا في العلاقة اطلبي منه قولي له ع الأشياء الي تحبيه
وانتي كمان بادري وسوي له الأشياء الي تثير الرجال واطلبي مباشرة ترى الرجال مايفهمو بالتلميح
ووقت الدوره عادي أنتي تودد له واحضنيه وبيني له انك متضايقه من تصرفه - عريب طفشت مافي فايده دايما اكلمه واقوله ايش ابغا وايش احب بس احسه يطفش يبغا يخلص بسرعه
ومرة كان نفسي اتحمم معاه قالي لا ماحب احد معايا
وهوا جدي مررررة ماعنده مزح ويحب يستهزء
مواضيع مشابهة
تابعي تجارب أخرى من هذا القسم.