مصروف البيت وزوجي البخيل

السلام عليكم يابنات ياجميلات 


انا مشكلتي تتكرر كل اسبوع وكل شهر 

كل ماقلت لزوجي ناقص شي للبيت 
يصير نار وشرار
واسمع منه اشكال والوان : 
انا توني جايب من اسبوعين 
وين تروح الاغراض 
وانتي ترمين بالزباله


.

وطبعن هو مايجيب الشي اول مايخلص ..لا 
ينتظر الين تصير الثلاجه خاويه على عروشها والدواليب فاضيه 
هذيك الساعه يقتنع انه لازم نجيب طلبات للبيت 
واذا رحنا قضينا وطلع حسابنا 800 
ينجن ويقلب وجهه ويجلس يخاصم 
ليه 800 .هذي كلها اشياء مو ضروريه 
ويدعي علي الله يجعلك بالسم في بطنك انتي وعيالك 

المشكله انه عندي 4 اطفال كلهم محتاجين حليب باستمرار وكورن فليكس وبيض وعصيرات 

وهو مو مقتنع 
طبعن انا اشتكيته لأمه قلت لها انا ماطلبت من ولدك شي ماطلبت لاسفرات ولا اثاث ولا بيت ولا ساعات ولا عطور ولا ملابس مع اني بأشد الحاجه 
ماطلبته الا توفير اكل لي وللبنات  وهو مستكثر 
وجلس يدعي علي وعلى عياله  ويذلنا على اللقمه
والمشكله انه ياكل معنا 

واخذ فراشه وطلع للمجلس 

للعلم حالته الماديه جيده وهو يشتغل يورد بلاط 
للأبراج الكبيره في طريق الملك فهد والتخصصي 

انا الحين ما اكلمه من امس والصراحه انا ما ابي استمر كذا طول عمري 
كل شهر لازم استلف من امي 300 ريال اجيب لي بجايم او اغراض ابناتي 
والحين صار يقولي مابين الام وبنتها شي 
يعني يبي امي تعطيني ومايبيني اخذ منه وارجعلها 

وابد ابد ماسبق وحط بيدي مصرووووف 

ابي نصيحتكم الله يسعدكم