زوجي وامه وطفلي

السلام عليكم أخواتي ...
انا بستشيركم بشغله ان شاء الله القى عندكم الحل لمشكلتي .. انا جبت ولد ولما صار عمره ٩ اشهر حملت وتعبت مع الوحام وزوجي صار ياخذه ينام عند جدته يوم ويجيبه من بكره وينام عندي وبعد بكره يوديه لامه يعني يوم عندي ويوم عند جدته .. وكان يقول اني حامل وانه يبي اهله يمسكونه عني المهم استمر الموضوع كذا طول حملي وانا فعلا لاصار عندي مااقدر عليه الله يصلح قلبه حرك مايجلس بس ركض وانا وراه .. المهم انا ولدت وخلصت النفاس ولازال الامر كذا بس اخف يعني يومين عندي ويوم عند جدته 😢.. انا باليوم اللي يكون عند جدته بس افكر فيه واتمنى احضنه 😭😭 قلبي يوجعني ببعده .. وزوجي كل مااناقشه اقوله لو وديته جيبه بالليل ينام عندي يهزأني ويقول مالك شغل .. زوجي عنيد وعصبي وماابي اعانده ابي خطه منكم تساعدني اخلي ولدي ينام عندي

🌹🌹🌹🌹🌹

35 تعليق 6,131 مشاهدة

شاركي في النقاش

سجلي الدخول لإضافة تعليق.

التعليقات

35
  1. @taab_klby_31

    الله يكون بعونك والله ماادري انت خذيه بالتدريج قوليله يومين بالاسبوع يكفي وبعدين خليه يوم وكل فتره قللي الايام
    بالنسبه لزوج قوليله كنت حامل وولدت اهلك ليش احملهم فوق طاقتهم حرام امك ربتكم وكبرتكم وذحين نشيلها هم عيالنا وبعدين ابغى الولد يربى مع اخوه ابغى يكون بينهم الفه ومحبه وحطي انك شايله هم امه وانها بتجلس تحمم وتاكل وتغير وهي ست كبيره وكثر الدق يفك اللحام


    موووووفقه خير
  2. @tala2011_1

    الاخت الرابعه
    الله يكون بعونك
    يا اختي فكري بجدة ولدك بعد هي ساعدتك مساعدة كبيرة و مسكت ولدك اللي ما اعترضتي أنه يجلس عند جدته وقت حاجتك... و اللجين يوم خلصتي حاجتك صرتي تشوفينها مشكلة أنه ينام عند جدته..
    الموضوع بالهداوه راح ينحل.. ناقشي زوجك أن نوم ولدك عند جدته يصير مرتين بالإسبوع.. و شوي شوي راح يمل طفلك و يبغى يكون مع اخوه أو أخته..
  3. @asiatic_lily

    ღˆ¨°ღ♥الهنوفღˆ¨°ღ♥
    انا مع كلام تالا
    الله يكون بعونك ..
    يمكن هي الجده الي تبيه ينام عندهاا انتي اتصلي عليها واشكريها وجيبي لها هديه عشان وقفتها معك وقولي لها ماقصرتي ياعمه اتعبتك معي .. قولي لها ثقلت عليك ..ومن هالكلام ..
    وبعدين اتفاهمي مع زوجك على وضعك الجديد بعد الولاده وانه انتي امه وتبين تربينهم الاثنين مع بعض .. وعشان يتعود على اخوة الصغير وكذاا




    والله يهديه ويتفاهم معك.. ان شاء الله

تابعي تجارب أخرى من هذا القسم.