ساعدوني بمشكلتي وفرجوا لي همي الله يفرجلكم :(

حبيبتي لو بيتكم يم بيتنا جان علمتج شلون انتي تجربين فيني وانا اجرب فيج:22:
المهم عزيزتي اذا تبين يصير دمج الالوان حلو ومرتب نصيحتي لج انج تحطين الشدو بصبعج مو بالفرشاة انا دوم استعمل صبعي ويطلع الدمج روووعة
اما الشدوات استعملي شدوات ماك وكريم وبودرة الاساس طبعا كانيبو يسوي الويه فرررش:)

شوفي حبيبي كل شي يجي بالتعلم

وسعي صدرك وهونيها وبتهون اذا انتي حابه تتعلمين صدقيني فتره بسيطه

وانتي بتصيرين محترفه

بس اهم شي تكون عارفه الي يناسبك والي مايناسبك

الاساس على حسب بشرتك بس انا اشوف السايل يناسب كل البشرات وبماانك مبتدئه خليك عليه

واشتري معاه بودره مضغوطه

ماك الاساس السايل حقهم مره حلوو وبعد جيرلان ,, والبودره المضغوطه شوفي كانيبو البنات يمدحونها

وشوفي ماك وجيرلان..

الكحل السايل ميك اب فور ايفر مره مره رووعه وسهل ممسك فرشته

والكحل القلم فيه ماركات كثييير شوفي الي ترتاحين عليه عندك ميك اب فور ايفير وجيفنشي

وريفلون وايست لودر شوفي الي يناسبك ,,

الماسكرا لانكوم ونيفيا حلوووه ترى وفيه حقة اتش ار

الشدوهات انا نصيحتي لك تشترين العلبه الكبيره الي فيها 24 لون وتكون رخيصه

تعلمي فيها عندك ماركة نيبو الوانها بجد حلووه ورخيصه يعني تتعلمين فيها واذا بديتي تتقنين جيبي

الغاليات وحطي منها ,, ونيبو هذي ترى بالمثبت حلووه من جد

عندك بعد بدي شوب في الشدوهات رووعه خذي لك العلبه الي فيها اربع الوان

الوان تكون دايم تستخدمينها عشان تتعودين عليها

الفرض شوفي عندك بودي شوب ومكياجي بس لاتحوسين نفسك بالفرش

خذي فرشتين للشدو فرشى تحطين فيها اللون وفرشة تدمجين فيها بما انك مبتدئه :)

البلشرات عندك بورجوا رووعه وبدي شوب مره حلوه

الارواج فيه ماركه لازم لازم تكون عندم ريميل في كل مكان تحصلينها الوانها مرره حلوه

وللاستخدام اليومي راايقه وفيه بعد ميك اب فور ايفير علبه فيها خمسه الوان مره حلوه واقتصاديه

كونسيلر حق الهالات السودا فيه ماك وميك اب فور ايفير شوفي الي يناسبك منها
مثبت الشدو بتحصلينه عند مكياجي قولي ابي مثبت شدو وبيعطيك اياه :)
=======================

تقريبا لازم تكون هالاغراض عندك

الكونسيلر (مخفي العيوب)+الاساس+البودره+مثبت الشدو+الشدو+البلشر+الروج

تقريبا هذي هي الاساسيات الي لازم تكون عندك

نجي لطريقة استخدامها انا بقولك بدون تفصيل لانو فيه مواضيع هنا كثييير بتفيدك وفيها شرح واااافي

بعد ماتنظفين وجهك وتحطين الكريم المرطب ترى كريم ترطيب العين غير ترطيب الوجه انتبهي

العين مره حساسه والهالات اي شي يضرها

جيبي الكونسيلر وحطيه على جفونك من تحت ومن فوق مو تكثرين ولاتقللين حاولي انك تفتحين

المنطقه وتخفين السواد ولاتشدين خليك على طريقة التربيت

بعدين جيبي مثبت الشدو وحطيه على كل جفنك لين الحاجب

وبعدين استني شوي وجيبي اللون الي تبينه وحاولي تدمجين بس انا انصحك بطريقة الاقواس

الي هي لون وبعده لون ثاني لاتطلعين عن حدود العين وبين اللونين جيبي اصبعك الصغير وحطي

فيه اللون الفاتح وحركيه بشكل دائري عند التقاء الونين الي على جفنك

وبس خلصنا كذا جيبي ياذهبي يافضي اي لون فااااااااااتح وبلمعه حطيه تحت حاجبك

وبعدين كحلي عينك بالسايل والقلم شوفي الي يناسب :)

الحين خلصتي عيونك تحسينها تمام؟

حلو ارسمي حواجبك بقلم الحواجب من كازنوفا او بودرة الحواجب من بدي شوب مره حلوه

خلاص كذا مابقى شي في عيونك باقي الماسكرا حطي الماسكرا بحيث انك

تشدين من فوق حاجبك وتناظرين تحت وتحركين الماسكرا على رموشك

<<= هذا شرح مو بالتفصيل احس اني اسهبت لووووول

وبعدها يجي دور الاساس تكونين حاطة كريم الترطيب على كل وجهك طبعاً

جيبي الكونسيلر الي يكون درجته افتح من بشرتك بدرجه او درجتين

وغطي باصبعك الاثار او الاماكن الي تشوفينها اغمق من وجهك

اضربي عليها بخفه باصبعك استني ثواني ووزعي الاساس على وجهك بشكل نقاط

من عطمة الانف نزولا لجوانب الانف بعدين عالوجنات والخدود وانزلي عاالحنوك والرقبه

والجبهه وزعي على فوق في النص وبعدين عالجوانب لين الصدغ حاولي توصلين لكل زاويه بوجهك

وانتبهي للمنابت ووللآذن والرقبه عشان مايكون فرق

بعدين يجي دور البودره المضغوطه وبعدها حطي البلاشر واسهل طريقه انك تبتسمين وتحطين على

مكان البروز في خدك ودقنك وعلى جبهتك اذا كانت كبيره من الجوانب

وبعدين اذا معك بودره حره وزعيها على وجهك

بعدها جيبي الروم وحطي على شفايفك

شيكي على حواجبك ونظفيها من اثار البودره

وبس بكذا تكونين خلصتي

كل مناسبه لها مكياجها طبعا

:)
ترى مدري وش كتبت اكتب لك ونصي نووووم وتركيزي مره صفر

يعني لاتلوميني اذا شفتي لخبطه او حوسه

وترى البنات ماقصروا كفو ووفوا ماشالله وكلنا خوات

اذا فيه اي سؤال او استفسار عندك الخاص لا يردك الا الكيبورد

انا حاااضره في اي شي واعذريني لطول الرد

لك احلى تحيه