طفلي الرضيع شعره شيب ابيض يارب سترك

السلام عليكم
الله يوفقكم خواتي قبل كم يوم شفت في راس ولدي الله يشفيه كم شعره شيب ابيض
واليوم سبحته ولقيت الشعر الابيض زاد بشكل مخيف الشعره على طولها قالبة بيضا
مو خصلة لا .. متوزع شعر ابيض كل مقدمة راسه
قلت لكم من قبل ان معاه حالة من عمره 5 شهور يصحى من نص نومه مرعوب ويصيح يصيح لين يطرش خايف
والمشكلة مايفتح عيونه والى الحين توه بيكمل سنة وهو على هالحال كل ليلة يصحى مرتين ثلاث خايف ويصيح لين يكح ويستفرغ
نقرا عليه وارقيه دايما وكل المشايخ من هو صغير يقولون لنا عين الله يشفيه ويرد عين من صابته عليه وعلى اغلى ماعنده حسبنا الله ونعم الوكيل
والتطريش يختنق في تطريشه يوميا مع خشمه وحلقه يطلع مثل النافورة ويصيح ويخترع ويتمسك فيني لانه مايقدر يتنفس ياخوات هل الشيب تعتقدون طالع فيه من خوفه وهو نايم والا من التطريش وصياحنا عليه اذا طرش والا من وين طالع فيه الشيب يارب تستر عليه ياالله انه في حفظك وحماك
تكفوووون الله يوفقكم من تعرف اطفال طلع فيهم شيب هل هو عادي والا لاسمح الله في شي
جاراتي ومعارفي يقولون هذا خايف عشان كذا قلب شعره ابيض وانا مادري وين اروح فيه
وخايفة لايزود لاسمح الله تكفون انصحوني وعلموني وش اسوي الله يوفق كل وحدة ترد يارب

164 تعليق 61,161 مشاهدة

شاركي في النقاش

سجلي الدخول لإضافة تعليق.

التعليقات

161
  1. @kmr_allyal_1

    الله يشفيه ويخليه لك ان شالله
    خلي صورة البقره تشتغل في البيت دائما ولما ينام ولدك على طول خلي القران يشتغل عنده
    والشيب والله مااعرف
    الله يريح بالك ويشفي ولدك يارب ياكريم
  2. @am_gkory

    صاحبة الموضوع
    الله يجزاكم خير ويوفقكم على دعواتكم عساه فيني وبصحتي ولافيه نور عيني
    من كم اسبوع لاحظت عليه بسم الله عليه يحبي لين يبعد عني ويطالع قدام ويصيح ويتنهت ويجيني خايف يحبي بسرعه
    ويجلس في حضني الحين سوا الحركة قدامي وتذكرتها مدري وش يشوف والا يتخيل الله يشفيه
    بعدين ملاحظة يكون جالس وتجيه رعشة قوية تبدا في راسه وتنزل على كتوفه تهتز وبعدين تنزل لين رجوله يرتعش ينتفض ويهز راسه وبعدين تروح مدري وش تفسيره يابنات

    وغرفة النوم مايدخلها وهو صاحي نكون شايلينه انا والا ابوه لاشافنا قربنا للباب والا دخلناه قام يصيح لين نطلعه منها
    هو مايحتك في اطفال ولايشوفهم الا اذا طلعناه لمول والا منتزه من بعيد يشوفهم مدري شنو اللي مخوفه استغفر الله بس يارب تستر عليه

تابعي تجارب أخرى من هذا القسم.