زوجي واختي والجنون اللي اصابني

بنات انا حزينة من حركات زوجي واخاف يصيبني الجنون
تكفون فهموني اش ممكن يكون في قلب زوجي لاختي
اعجاب او حب ما ادري بالظبط
زوجي اشوفه دايم يسأل عن اختي وطبعا متزوجة وعندها عيال
وماهي احلى مني تقريبا جمالنا في مستوى بعض
يغار من زوجها حد الجنون و يكرهه مرا
ودايم يقارني بها انها تسمع كلام زوجها وان كنت انا واياها في مكان وخرجت قبلي يقعد يهاوشني ليش ماطلعت انا بدري قصده مافكرت فيه وفي انتظاره برا وانها هي تخاف ع زعل زوجها ماتبيه ينتظرها ويزعل
اشوفه كمان اذا طلعنا سوا متمشين او في سوق يجلس يطالع لها على باله ماني قاعده اشوفه وهو يطالع فيها وفي جسمها
تصدقون يمووت قهر اذا عرف انها حامل ويجلس يهاوشني
يقول شوفي اللي تحب زوجها هذي الودود الولود
وانا ربي رزقني بثلاثة بس بينهم مسافات بس مو مقتنع فيهم مع العلم هو مو من النوع الحنون اللي يحب العيال وكمان قد خبرتكم عنه في موضوع سابق ان راتبه قليل جدا وانا اللي جالسة اصرف على البيت تقريبا
تخيلوا كشفته مرره مخزن رقم جوالها في جهازه علشان يتابع توبيكاتها في الواتس ومتى تكون متصلة او لا
لاتقولون انه عادي يخزن رقم جوال اخت زوجته
احنا عندنا مو عاادي وعيب
ومرة حطت توبيك عن زوجها وصورته
جا يهاوشني قال لي انت ليش ما تحطين توبيك عني او صورتي في الواتس
كل الحريم يسوون ذا الاشياء مع العلم دايم احط عنه اشياء تعبيرية بس ما ملت عينه

ويكون في علمكم عندي اخوات غير اختي هذي ولا هو مهتم الا فيها
بالله يا اخواتي ابغى منكم تفسير وحل لهذا الشئ تكفوون حبيبااتي
لاني من جد حزينة ومجروووحة مرررا

97 تعليق 40,435 مشاهدة

شاركي في النقاش

سجلي الدخول لإضافة تعليق.

التعليقات

90
  1. @am_kady_7

    لاتشكين باختك بس زوجك يغار من زوجها لااكثر ولا اقل وانتي حاولي تغطين عليه لايلقي عليك شي وشوفي اللي يحبه وسويه مثلا تطلعين قبل اختك وكذا
    الله يهديه ويعينك
  2. @am_bnaty_4

    تصدقين حتى انا زيك عندي اخت اصغر مني متزوجه وعندها اطفال والاحظ زوجي يحب يسمع اخبارها ويسأل عنها وزي كذا وكم مره يوسوسلي الشيطان بس اتعوذ من الشيطان وانسى ودايما يقول تحزني مدري ليه مع ان اختي ماشاء الله سعيده مع زوجها الحمدلله وانا امووووت في اختي الله يحفضها من كل شر بس استغرب من اسألته عنها والله شي يقهر بصراحه المفروض مايسألون وش دخلهم😬😬
  3. @am_hazmm

    ابعدي زوجك عن اختك ﻻيسمع اخبارها ابدا كنت مثلك طيبة واقوله هذا اختيار فﻻنة وكان دايم يقارني بها وحسيت انه اعجب فيها علطووووول غيرت النبرة معاه وبلعربي قلت له هيه ايش اختك احسن منك انت ماتعرفها فﻻ تحكم من راسك ومالك شغل فيها ﻻتحتكين بأختتك قدامه وﻻتجيبين طاريها ابد خليك كذا فتررررة معينة طبعا بعد مايجيب طاريها وقوميها هوشة ايش لك شغل بأختي وانت ايش دراك كيف اهي عايشة مع زوجها وامسحي رقم اختك من جواله وخذي من اثره ﻻختك ﻻيحسد زوجها دخيلك ويفرقهم الله يعينك المهم ﻻيدري عن حسنات اختك
  4. @um_lateen

    حاولي ماتطلعين معها وتتحاشين السوالف عنها
    وانتي سوي الشي اللي يرضيه اطلعي بدري
    ولاتقولين لاختك شي عنه ولاكان فيه شئ الله يكون بعونك

تابعي تجارب أخرى من هذا القسم.