كيف اتصرف واعاقبها??

السلام عليكم ،،كيفكم ياحوائيات ،،اناعندي مشكله وماني عارفه كيف اتصرف ،،اللي هي بنتي تدرس بالصف الثالث راحت بالايبود حقهاالمدرسه وكشفتهاالمشرفه وقالت لهاجيبي ماما بكره والمشكله ماقالت لي وخبت علي واسالها فين أيبودك تقولي مااعرف ضاع ،،ليه تكذب علي ،،اختهاالصغيره علمتني هي معاهابنفس المدرسه قالت ياماما الايبود مع الابله اخذته عليها واناأنصدمت الصراحه وطالعت فيها صحيح الكلام وخافت وجلست تبكي وتحكي لي وانا هزاتهاليه ماعلمتيني السالفه لها اسبوعين ليه ماقلتي لي عشان اجي واكلم المشرفه ،،الحين انازعلانه منها ومااكلم لهامعاقبتها وهي عادي ماهمها مع العلم انهاشاطره ومتفوقه الحمدلله عشان كذا مابي المدرسات ياخذون فكره عنها ولساتهابأول المشوار ،،والله حدي مضايقه ،،ماتعلمون كيف شريته بعت ذهبي عشان اشتريه لها كانت تتمناه ويوم نجحت شريته لها900ريال والحين اكيد بيكون ضاع أو رموه المعلمات ،،،ماهمني الجهاز كثر ماهمني ليه كذبت علي وليه تروح به المدرسه مع اني دايما اقولهاالمدرسه بس للكتب والدفاتر ،،لكن ماأدري اش اسوي كيف اعاقبها عشان ماتعيدها لازم تاخذ درس عشان تتعلم ،،،،ابيكم تساعدوني ولو بنصيحه من اخت لاختها ،،،

15 تعليق 1,898 مشاهدة

شاركي في النقاش

سجلي الدخول لإضافة تعليق.

التعليقات

15
  1. @tyf_hagsy

    تكلمي معاها ليش ماقالت لك مو أنا مامتك وحبيبتك اللي يحب يقول اذا شفتي مافي تجاوب أمنعيها من اﻷشياء اللي تحبها وقولي لها اللي ماتقول لماما كل شي يصير له ماله شي عندي والكذاب عندي ماله دلع ولاشي
  2. @somym

    المفروض م تسوي كذا
    هي ليه كذبت عليك؟خايفة من ردة فعلك
    وانصحك نصيحة راقبي عيالك بجوالاتهم
  3. @balastghfar_nsaad

    الله يعينك
    اتوقع لو تكلمينها باسلوب حلو تقولين لها
    (( ليش تسوين كذا ياماما الحين خلاص بياخذو فكرة مي كويسة عنك
    وانا طيحتي وجهي وفشلتيني قدام المدرسات يرضيك كذا تفشلين ماما وطيحين وجهها
    ))
    وعلميها ان الي تودي الايباد المدرسة شيئ غلط وبيقولو البنت اكيد معها شيء غلط
  4. @akht_alkmr_33

    مستحيل ينرمي ..بنتك بأي صف
    أنا اعرف النظام 
    تلاقيه محغوظ بالادارة مع المديرة او المرشده 
    بعد الاجازة روحي واستلميه 
    ممكن يخلونك توقعين على تعهد واوراق تخص القضية 
    الله يعينك
    وبس 
  5. لاتكبري الامور هي خافت تعلمك وهي تفكيرها طفله،،، راجعي المدرسة واخذي الجهاز منهم وعاقبيها انك تحرمينها من الجهاز وان الجهاز وقته بس بآجازة الاسبوع افضل لك،،، لان تعلقهم الاطفال بالجهاز يخليه يسيطر على وقتهم ويدخلوا مرحلة الادمان تلقينه معاهم بكل وقت وهذا غلط،،،وقت ايام الدراسه ابعدي الاجهزة عنهم ،، انا ولدي خليته له بس في العطل وسبب انه تأثر في نفسيته دايم الوقت بيده والحمد لله الحين هو اقتنع انتبهي لبنتك من الاجهزه،،، الله يحفظها لك

تابعي تجارب أخرى من هذا القسم.