التجمع الثاني ((( للنفساء )))

موسلينا انا نفسسسك بالظبط والد من عشرين يوم ومختفي الالم من عشر ايام واحس كان مافي شي انقلقت مثلك اول مررة يصير لي كذا؟؟خايفة ان في شي مب طبيعي ولافي خيوط ولاشي مدري وين راحت ماقد شفتهن 

انا انا نفسكم يابنات انقطع الدم يمكن من 13 يوم وبرضو اخذ قشر قهوة يانسون بس مافي الا افرازاات بيج والم الخيوط ماعاد احس فيها الا اول عشر ايام بس مدري بكريه ومدري لازم احس بالم والا كذا يعني الخياطه مو زينه انا لي 22 يوم نفاس

مرحبا 
بنات انا بكريه بس بجاوب عليكم 
الخياطه اذا التئمت ماتحسين بوجع 
خصوصا الي لهم عشرين يوم اكيد راح وجعها 
والمفروض فيه مراجعه للطبيبه بعد الولادة باسبوعين 
هل رحتوا او لا ؟؟
والي ماعطوها موعد مفروض تروح لاقرب طبيبه 
وتشوف اذا الجرح التئم او لا 
اذا التئم خلاص ننتظرها تطيح او تذوب حسب نوعها

وانا نفسس شي انقطع الدم احيان افرازات صفراء قليله الله يكرمكم
ولا احس بالم الخياطه يمكن طبيييعي هالشي

من بنات مارس لي ١٩ يوم

مشكووره عرووس طمنتينا

بنات جرح الخياطه زي اي جرح في جسمك

في اعتقاد عند اغلب البنات

اذا يوجع معناه ان امورك تمام و اذا راح الالم معناه ان في شي غلط

هذا تفكير خطأ اسمحو لي .. مدري مين اللي حطت براس البنات

لو خياطتك مشدودة و توجع معناه وضعك تمام و العكس !!

بالعكس بعد 10 او 15 او حتى 20 يوم طبيعي يروح الالم

معناه الجرح نظيف ما فيه التهاب و بدأ يلتئم ..

بالعكس لو فيه حرقان و الم غير محتمل لابد تراجعي طبيبه

ربما يكون فيه التهاب او الخياطه انفكت و لسى الجرح ما التئم

و بالنسبة للدم .. (( مو شرط النفاس تصب دم 40 يوم متواصله ))

النفاس زي الدورة بالضبط غزااارة اول الايام

ثم يخف الدم و بعدها صفرة او كدرة ثم الطهر ( قصة بيضاء

او جفاف )

مثلا دورتك اسبوع طبيعي الايام 3 الاولى ينزل دم بكثرة

كذلك النفاس اهم شي تنتبهي لاكلك و شربك

و ان شاء الله تخرجو جميعا بالسلامه ..