السلام عليكم
محتاجتكم تعلموني طريقة البرياني خطوه خطوه لأني فاشله فيه جدا وفي الأكل الهندي بشهادة زوجي
والله إني اتعقدت منه والمشكله انا وزوجي وأولادي نحب الأكل الهندي بس كل ماجبت طريقه للبرياني ولا إدام هندي دايما زوجي يفشلني ويسمعني كلام يتعبني
الله يسعدكم الي بارعه في البرياني والأكل الهندي نفسها طويل تساعدني وتعلمني خطوه خطوه وتتحمل اسألتي مهما كانت تافهه بالنسبالها لأني متعقده ونفسي اعرف فين الخطأ الي بسويه ويخلي كل الطرق الي انفذها تفشل
ساعدوني الله يسعدكم وينور طريقكم
شاركي في النقاش
سجلي الدخول لإضافة تعليق.
التعليقات
5- فديتك حبيبتي لا تزعلين.. ان شاء الله أنا الحين بقولك عن طريقة البرياني الأصيل يلي اخذ مني سنين عشان أضبطه و بشرح لك بالتفصيل و بطريقة سههههلة جدا يارب
الخطوة الأولى: قطي بصلتين كبار جوانح و حمريهم على النار بكمية زيت شوي زيادة لحد ما يصير لونهم ذهبي مايل للبني.. اهم شي لا تحرقينهم.. بعدين صفيهم من الزيت و حطيهم في صحن على جنب.. للحين تمام؟!
الخطوة الثانية: في قدر على النار, حطي دجاجة مقطعة قطع بعظمها مع شوي زيت + 4-5 فصوص ثوم مهروسة + قرنين فلفل + معجون طماطم + حبتين طماطم كبار مقطعين قطع صغار + شوي كزبرة + ملح + فلفل + بهار مشكل + كمون + كركم + غطاء من ماي الكادي... اخلطيهم على النار و غطي القدر و خليه على نار متوسطة لين ما ينطبخ الدجاج و الصلصة تتسبك (الزيت يفصل من المرق).. اخلطيه كل ربع ساعة عشان لا يحترق من تحت
الخطوة الأخيرة: أغسلي الرز تمام, و انقعيه في الماي لمدة ربع ساعة.. بعدين فوري ماي في قدر مع ملح + عود قرفة + حبوب هيل صحيحة.. اول ما يفور الماي نزلي الرز فيه, و أغلي الرز ياااااادوب نص طبخة, لا تخليه ينضج كامل,, و على طول اسكبي الرز في المصفاة
التطبيق: في قدر نظيف, أسكبي نصف كمية الرز اولا, فوقهم مرقة الدجاج (المرقة لازم تكون كثيفة او ثقيلة نوعا ما لان ما اضفنا لها ماي), بعدين وزعي نصف البصل المقلي, بعدين اسكبي النص الباقي من الرز, و اخيرا وزعي باقي البصل المقلي فوق.. سكري القدر و خليه على نار هادية لمدة ثلث ساعة, بعدين طفي النار و خليه يرتاح كمان ربع ساعة,, و قدميه مع سلطة حارة و سلطة خضرا و بالعافية حبيبتي
اتمنى يكون شرحي مفهوم - الخطوه الاولى. زيت كميه مناسبه وبصل مقطع لين يسير ذهبي. وزنجبيل طازج او مجفف كميه صغيره
وحطي الدجاج المقطع اوصال وحركيهم زين. وفي الاخير حطي طماطم مقطعه عليهم وملعقه صلصه وسبكيهم زين
الخطوه الثانيه واهم شي هذه الخطوه. حطي علي الدجاج والبصل لمن يتسبكون. ملعقه مليانه كركم. وملعقه مليانه بهار الكري مدراس ماركه السفينه هي الاساس في البرياني وطعمه يسير زي المطاعم. اذا ماتعرفين شكله شوفي صورته في النت. مدارس الكاري ماركه السفينه في علبه حديد
الخطوه الثالثه في الخلاط علبه اوعلبتين زبادي كل ماكثر عددكم زادت الكميه انا احط من علبه لعلبتين
كزبره. . نعناع.. شبت. وهو اهم شي فيهم كلهم قبضه يدك من كل شي.
اخلطيهم زين زين وصبيهم على الدجاج ولاتخافين راح يكون الشكل ملون اخضر ومع التحريك يندمج مع البهارات ويسير اللون مصفر وحركيهم ولاتزيدين مويه لان الزبادي يكفي لين يستوي الدجاج وتكون الخلطه مويتها نشفت تقريبا
الخطوه الاخيره رز مسلوق بزيت . بعود قرفه وهيل وورق غار. لين الاستوا. ونكبه علي الدجاج ونخليهم يتسبكون وياخذ الريحه. ونرش على وجه الرز بودره الزعفران المعطر بالورد او اذا عندك. زعفران حطيه مع ملعقه مويه ورد ومويه كادي. ورشيهم على الوجه. وحركيهم. واخر شي اقلبي قدر الدجاج مع الرز في صحن راح تكون الخلطه فوق والرز ملون. وبالعافيه عليكم. - فادوك خواتي الي قبل ماقصرو
لكن تبين الزياده ادخلي قسم الطبخ مو بس بتلقين برياني
بتلقين كل مالذ وطاب من الاكل والحل هنا في المنتدى
العاب بنات-لعبة البيرة-لعبة جاتا-لعبة من سيربح المليون-العاب بنات ستايل-العاب وظائف
لعبة الفراخ-العاب تلبيس بنات-لعبة المارد السحري-العاب تطعيس-العاب تطعيس جيب
لعبة ماريو-لعبة سلاحف النينجا-لعبة سبونج بوب-العاب وظائف بنات-لعبة المزرعة السعيدة
لعبة طبيب الاسنان-العاب تنظيف البشرة-العاب تلبيس بنات-لعبة تنظيف البشرة - بالهناء والعافيه ماشاء الله
- صاحبة الموضوع #84142726الله يسعدكم وييسر أمركم يارب ويباركلكم في صحتكم وذريتكم وأهلكم
مواضيع مشابهة
تابعي تجارب أخرى من هذا القسم.