السلام عليكم ورحمة الله وبركاته
كنا بنات مبسوطين لامسؤليات ولا هم يحزنون
اتزوجنا وبدأت المسؤولية زوج يبغالو اهتمام وبيت يبغالو تنظيف وطبخ
هذا غير السنع لأهل الزوج و غيرو وغيرو
عدت الأيام وأتأخرت الدورة الشهريه حسينا بالغثيان والدوخه وجانا الخبر السعيد ( المدام حامل)
حملنا شقينا ببطوننا اللي الين دحين تعاني من التشققات ؛(
وولدنا وعانينا وبالنفاس تعنينا
خلصنا نفاسنا ولبيوتنا ردينا
حياة جديدة
طفلك بين يدينك
ايش يبغالو ؟
كيف تهتمي فيه ؟
على ايش تربيه ؟
لمن حملنا كل تفكيرنا ايش نسميه
وايش نشتريلو
و مفرش النفااس لازم جاهز.
و كماليات واساسيات من بدايه الولاده الين اخلص النفاس
بس قليييل منا يجهزو انفسهم للأمومة الشاقة والمتعبه
مافي وحدة مننا ماتحب اطفالها كلناااا نحب أطفالنا
بس في مننا ناس تعرف تحب وناس تحب بالقلب بس
نجي للزبده لاتطول الهرجه
قاعدة : تعب دحين راحة لبكرة
وقولي لنفسك على قد ما اهتم فيه حيتهم فيني وعلى قد ما أستثقلو حيستثقلني
ونصيحة من ذهب
احتسبي جهدك لله واستمتعي بكل لحظة تقضيها مع طفلك واتذكري انك بنعمة غيرك محروووم منها
اهم شي و أول شي توكلي على ربنا وأسأليه العون والمساعدة ولاتنسي التسبيح والتحميد والتهليل ثلاثين مرة قبل النوم
ثااني شي اهتمي فيه
كلنا نحسب نفسنا مهتمااات وحريصااات بس لو شوفنا غيرنا احرص مننا نحس بالغبنه ليش ما كنت اعرف اهتم انا كنت اتعب واشقى ودحين اكتشف انو كنت اسوي اشياء غلط وماعرف اشياء كثيره
نجي للسؤال المهم اللي راح اجاوب عليه على قد اللي عندي وابغاكم ازا بتريدو - على قول اخواتنا اللبنانيات- تجاوبو عليه وماتقصرو علينا نبغى نستفيد من بعض
كيف لولا تهتم بطفلها ؟ ��
اول شي مني ام مثاليه ولا عندي خبره انا عندي طفله وحده بس ماكملت السنه بس ابغى افيدكم باللي عندي واستفيد منكم أكييييد اكتركم احسن مني
سجلت بموقع اسمو بيبي سنتر
هذا الموقع كان يتابع حملي كل شهر يرسلو رساله على ايميلي ويقولو الطفل دحين قد ايش صار وكيف شكلو المحتمل بهذا الشهر
وبعد الولاده تابع الموقع ارسال الرسايل كل شهر لتطور الطفل بهذا الشهر وايش الاشياء الجديده اللي محتمل انو حيحبها. يعني تطورو بشكل عام ومازلت استفيد من الرسايل
مثلا
لمن صارت تسع شهور جاتني. رساله انو حيبدأ يدرك البحث عن الاغراض يعني نلعب لعبه اخبي شي والطفل يجيبو فكانت لعبه مسلييييه استمتعت فيها وقضيت وقت حلو
ثاني شي نظافة الطفل
تحذيييييير
انتهبي تجي مويه على سر الطفل قبل لايطيح
لاتروشيه ولاتغسليلو بالمويه بس احرصي انك تمسحيلو جسمو بمنشفه رطبه ولمن تغيريلو الحفاظ مسحيه وبسس لاتغسلي بالمويه الين تطيح السرة وهذي نصيحة ممرضه تشتغل بحضانة المواليد اللي بالمستشفى
غيري حفاظ طفلك لاتنتظري تطلع ريحه او تتعبى المولود يتغيرلو كل اربع ساعات هذا غير العمل الكبيره طبعا هذي ماتحتاج صبر ولابيتك حيصير فواحه هههههههههه
نروش الطفل يومياً
مو تعب بالعكس مرررا ممتع لمن نملي الطشت ونشوفو يلعب بالمويه ومرشرط لو ترويشه سريعه ولو. كان صغير نحطو عالاسفنجه ونعطيها ترويشه سريعه ونلفو بالمنشفه ونطلع من الحمام
ولازم المويه والحمام يكونو دافيين ونشدو للطفل اناشيد ممتعه او اهرجو معاه كانو كبير -ترى ذاكرة الطفل تخزززن و ان شاء لي جزء عن التعامل مع الطفل المولود هذا الموضوع اللي للاسف اهملوه الكثير ونادرا ماتلقي احد يتكلم عنو -
بعد الترويشه الممتعة ندهن جسم الطفل بالكريم المناسب ونلبسو البامبرز بعد مانجفف المنطقه كوووًيس وانا الصراحه بعد ماتركت البودره ارتحت من التهاب الحفاظ اللي كان يجيها
وبعد الاستحمام حيكون جيعان اتذكري نفسك بعد الحمام المغربي كيف تجوعي طفلك يحس بدا الشعور فاعطيه رضعتو والاغلب انو حينام
اما الملابس ارتحت لمن بدأت اغسلها باليد صارت انظف وماتبان مدهوكه زي وقت الغساله كانت الملابس تبان قدييييمه وهيا مالها الا اقل من شهر
وزي ماتعرفو الاطفال يبغالهم تغيير على طول اذا سعبل او سرب من الحفاظ او غيرو
والبفته او المريله دايما يكون الطفل لابسها خاصه الطفل اللي يسعبل كتير عشان لاتجيه حراره وريحه موحلوه برقبتو
ولمن تتملى سعابيل او رياقين غيريها وانتبهي للبس عليه رياقين ولا لا لانو اللبس الرطب خاصة جهه الصدر يخلي الصدر اكثر عرضه للالتهاب
امن يبدأ الطفل يحبي لبسيه سروال تقيل وطويل انا كنت البس بنتي سروال صوف حتى وقت الصيف عشان ركبها لاتجف وتخشن وتسمر من كثر الاحتكاك
جارتي جربت شي ينحط عاللركب زي اللي يلبسوه لاعبين الكوره بس مافادها بس يطيح ويضايق الطفل واهتمي بترطيب سيقانو بالكريم كلما تغيريلو الحفاظ
ولمن يبدأ يمشي لبسوه شراب خاصة اذا كان البيت مبلط - سيراميك مو مفروش- وانتبهي الشراب يكون عليه شي من تحت يمنع الطفل من الانزلاق في بسنتر بوينت شراريب عليها كتابات من المطاط من تحت عشان لا يتزححلق الطفل
اهتمي بنظافة سريرو من الغبار وغيرو
هذا الي يحضرني وننتظر نصايحكم ونفيد ونستفيد من بعض
ولنا لقاء مع أجزاء تانيه في