سلااااااااااااام عليكم بنااااااات شلونكم
نبي كل وحده حامل تقولنا شتاكل يعني وجبتها الغدا شنو و العشا شنو و الريوق شنو تغير ولا لا و شنو تشرب مع وجباتها و جم وجبه تاكل يالله نبي نستفيد من بعض
شاركي في النقاش
سجلي الدخول لإضافة تعليق.
التعليقات
7- شدعوه ولا وحده ردت قلنا بنستفيد من بعض :( :(
- هلا وغلا اخت انوار... ماشاء الله انتي في اشهر متقدمة
اما انا توني بالشهر الثاني واكلي غييير عن الحمل الاولي
كنت ما آكل ولا شي وبس ارجع واتنسى ...
اما هالحمل فانا اقوم الصبح اشرب حليب او عصير برتقال
بالغداء سلطة ودجاج ومكرونه وبالعشا رز اللحم او صمون بانواع من الحشوات
بصراحة شهييييتي مفتووووحة لكل الاكل... الصحي طبعا - واللة انا في الشهر السادس ومااشتهي شي الفطور احيان كاس حليب فقط واحيان مافية فطور بس اتغدا والعشاء فواكة ار زبادي مع توست وماكل وجبة خفيفة ووزني زي ماهو مازاد اللة يستر لاكون اضر جنيني بس ما اشتهي
- مرحبا اخت انوار.......... والله انا مثل الاخت حبيبة اكلي زي الزفت ان تغديت ما تعشيت وان افطرت ماتغديت يعني طول اليوم على وجبتين وخفيفة والزفر يقعد على معدتي خمس وست ساعات ماينهضم وحرقان المعدة حدث ولا حرج والوحم قعد عندي خمس شهور وانا اللحين في الشهر الاخير وكل شي ماهو صحي آكله ايسكريم ببسي شكولاته .........الله يستر مادري وش بيطلع هالبزر
- والله آنا كثر ما أقدر آكل أكل صحي بس المخرب على أكلي شرب البيبسي بكثرة وللأسف الشديد
بس الصبح أسوي صمونة من التوست الأسمر وكل يوم أنوع مره زبدة فول السوداني مع مربى ومرة لبنة مع زعنر وخيار ومرة جبن كرافت القلاص بروحه ولازم أشرب معاه عصير برتقال طازج
أما الغدا لاااااااازم يحتوي على سلطة بس عاد على حسب الوجبة اللي يسوونها كل شي آكل بس أحاول اني ما أكثر من العيش (الرز) آكل الإدام أكثر مع التمر واللبن
والعشا أسميها وجبة السمنة لأني احتار شنو آكل فأضطر الى الوجبات السريعه
وطبعا طبعا طبعا بين الوجبات الكااااكاااااااو والشيبس بس بعض المرات أحاول اني آكل أشياء مفيده مثل كورن فليكس أو سلة فواكه أو اشرب حليب طازج أو عصير تفاح بس شهيتي مفتوحه عالآخر وأحس اني آكل بلا حدود وأدري ان وزني راح يزيد بشكل مو طبيعي بس شسوي ماني قادره اعمل كنترول على نفسي
مواضيع مشابهة
تابعي تجارب أخرى من هذا القسم.