محتاره أترك الجامعة او أكمل

مساء الخيرات ..

بنات عندي موضوع و ودي استشيركم فيه
انا خلصت دراسه الثانويه بنسبه بالـ٩٠ وبعدها جلست بالبيت سنه ماكملت لان عندي قصر نظر شديد يتعبني في المذاكره

المهم بعد السنه طفشت في البييت وندمت اني ماكملت دراسه
وبعدها سجلت في الجامعه والحمدلله قبلوني أنتساب
كنت فرحانه مرررره ومتحمسه
ذاكرت بذمه وضمير وتعبت نفسي كثير والحمدلله نجحت في الترم الاول

الحين الترم الثاني بديت اشوف صعوبه بعض المواد إلي استحاله انجح فيها ، وخايفه استمر في الكرف يتعب نظري واندم بعدين لان الدكتور محذرني
وبنفس الوقت ندمانه اني دفعت ست الاف لـ هذي السنه وبالاخير انسحب واترك الدراسه

وأكثر شي قاهرني ومخليني أصر اني اكمل ان إلي توقف دراستها عند الثانوي يسمونها بنت ثانويه حتى لو كبرت وأنخطبت تضل عقليتها بنظرهم عقل ثانوي

انتو أيش رايكم انسحب او أكمل أيش الافضل لوضعي

31 تعليق 8,458 مشاهدة

شاركي في النقاش

سجلي الدخول لإضافة تعليق.

التعليقات

29
  1. @beautiful_girls

    الله يهديك
    مافي شي سهل بالدنيا العلم والدراسه مهمه ومهمه جدا
    ماينفعك بعد الله الا شهادتك
    اذا من البدايه بتوقفين عشان كم ماده ماراح تنجحين حتى بحياتك
    اذا تركتيها والله بكره بتعضين اصابعك ندم
    الناس الحين اول تسأله وش مؤهلك وش شهادتك واذا قدمتي على وظيفه اول سؤال عن شهادتك
    الحين حريم ورجال في الاربعين وفوق بدو يكملون دراستهم لانهم عارفين انها شي مهم في حياتهم و وظايفهم
    ولا قالو اعمارنا كبيره نستحي وانتي عشان كم ماده صعبه بتوقفين
    الصعب يسهل بالمذاكره والجد مافي شي اسمه استحاله اجل كيف نجحتي في الثانوي وكيف مشيتي الين تخرجتي من المدرسه كلنا درسنا وخذنا اصعب من موادك ومشينا فيها وتخرجنا توكلي على الله وكملي
  2. صاحبة الموضوع
    أمممم يعطيكي العافيه خيتو
    بس أنـتي مرا غضيتي النضر عن وضعي الصحي
    وش تنفعني الشهاده لو راح نظري من المجهود الدراسي
  3. @am_sfyano

    asma2323
    أمممم يعطيكي العافيه خيتو بس أنـتي مرا غضيتي النضر عن وضعي الصحي وش تنفعني الشهاده لو راح نظري من المجهود الدراسي
    اذا الدكتور محذرك انو هالشي رح يأثرك على نظرك استخيري وتوقفي عن الجامعة
    ولا يهموكي الناس لأن مارح ينفعوكي اذا بصرك راح لاقدر الله
    ويا مافي ناس ما معن جامعة ومثقفين وبيفهمو اكتر من صاحبي الشهادات
  4. @beautiful_girls

    انتي مااسهبتي في سر مشكلتك الصحيه ولاحطيتها سبب
    لانك ذكرتي ان المواد صعبه واستحاله النجاح فيها لصعوبه فهمها وهذا مو بسبب قصر النظر طبعا
    لانه فعلا مو سبب يخلي الوحده ماتكمل دراستها درست معي فيها المرض الخبيث الله يكفينا الشر متخيله
    وكان التعب واضح جدا عليها ومع هذا كملت وتخرجت ماقالت انا يمكن ايامي معدوده وش تفيدني الدراسه فيه كنت اشوفها واتعجب من اصرارها عندها تفائل وحسن ظن بالله
    وانتي عذرك يعتبر بسيط تفائلي انك بتخلصين كل المواد وتتخرجين ولاتحطين اي حاجز يمنعك من العلم
    خصوصا دراسه الانتساب سهله ومتعاونين جدا ولو تشرحين لهم مشكلتك بيزيد تعاونهم عكس الانتظام اختبارات وبحوث وواجبات يوميه تقدرين تخصصين ايام معينه في الاسبوع تدرسين فيها واستعني في بنات يعطونك المخلص وجيبي استاذه تساعدك ع الحفظ او استعيني بمسجل صوت خلي احد يسجل فيه وانتي احفظي الحلول كثيره وبيسهل عليك المذاكره هل ماتجلسين على الاجهزه والجوالات ؟ ولا تشوفين تلفزيون ؟ هذي الي بتزيد مشكلتك الصحيه مو المذاكره
    مجرد نصيحه من اخت :)
  5. اسمع عن برامج قاري صوتي يعني تحطين فيه كتاب وهو يقراه لك بالصوت مايحتاج تقرينه بس ماجربتها ابعطيك رابط لواحد وجربي يمكن يفيدك وتستغني عن القراءه

    http://download.******.com/ar/4069-natural-voice-text-to-speech-reader.html

تابعي تجارب أخرى من هذا القسم.