بناتي على حافة الانهيار

السلام عليكم 


يابنات انا الاسبوع الي راح كتبت مشكلتي 



http://m.forum.hawaaworld.com/showthread.php?t=4128487



الي صار اني دخلت اخوي عشان يكلم زوجي 
واخوي قال تعالي عندي بالبيت بشيلك وبشيل عيالك 

قلت له انا ما ابي احسس البنات بشي عشان دراستهم 
وتكلم مع زوجي  طبعن زوجي تاسف له وقاله انا كنت معصب 
المهم صار الي صار 

لنا اسبوع الحين هو جالس بمجلس الرجال اذا بغى شي من المطبخ او ملابس يفتح الباب شوي على قد راسه 
وينادي البنات 
وحده يقولها سوي نسكافه والثانيه يقولها جيبيلي ملابس 
وعلى هالحال لنا اسبوع 
طبعن انا مقهوره على بناتي يبكون ليه بابا ماياكل معانا 
ليه بابا مايدخل الصاله 
وياعمري وحده ينقالها بتواسيني تقول ماما انا خلاص ماصرت اشجع النصر ...يعني مثل ابوها 
اليوم دخلت على بناتي الغرفه لقيتهم يبكون انصدمت قلت وشفيكم ..قالت زعلانين من بابا عشانه زعلك 

وربي كانه خنجر وطعني بين عيوني كسروا خاطري 

وحتى ولدي الصغير لما يشوفه من عند الباب يبكي يبيه مايرجع له يروح ويخليه يبكي 


لين متى زوجي مايفهم انهم كبروا وصاروا يفهمون 
لين متى يحسيهم بادق التفاصيل 
تعبت وانا افهمه الخلاف يصير بيننا العيال لايتأثرون 
بس جدار لايفهم ولا يحس 
طبعن هو منتظرني انا ابادر لان ولا مره تخاصمنا وخليت يطول الخصام دايم انا احتوي المشكله وابادر بالصلح 

بس هالمررره لا لا والف لا 
ابي اربييييه ابيه بينه وبين نفسه يحلف مايعيد هالحركه 
ابيه يتأسف لي 



صدق بناتي كاسرين ظهري بس هالمره لا 

19 تعليق 5,294 مشاهدة

شاركي في النقاش

سجلي الدخول لإضافة تعليق.

التعليقات

17
  1. @ahla_mn_alhla_thath

    ياحياتي انا مااعرف مشكلتك بس تعالي احسن منه علشان عيالك وقوليله علشان العيال وفهميه والله يهدي سركم كسروا خاطري عيالك
  2. @amy_yaghla_aldnya

    مع احترامي لك بس لو انك تفكرين فيهم من اول ماكان سويتي اللي سويتيه
    كان قبل ماتخطين خطوه تفكرين فيهم
    صحيح ينرفز بس المفروض ماتفكرين بنفسك وكرامتك دام عندك عيال
    يا كثر اللي ينطقون و ينهانون من ازواجهم ومايخطون خطوه برا البيت عشان عيالهم
    الله يعينك على حالك واتمنى يكون هالشي درس لكم انتوا الاثنين قبل لا يضيعوا العيال بينكم
  3. @miss_nana1

    هو صحيح غلط بالبدايه لما اتهمك بكسر الايباد بس انتي غلطك اكبر لما عاندتي وطلعتي من البيت 
    الرجال ما ينفع معهم العناد
    كان مشيتي الموضوع ولا طلعتي وادبتيه على حركته بطريقتك بس مو بالعناد
    عموماً اللي حصل حصل والاهم الحين هو نفسية اطفالك المساكين الله يجبر بخاطرهم
    حاولي تتفاهمين معه لو بالرسايل ان هالشي اثر على نفسية الاطفال وخل المشاكل بيني وبينك بعيد عنهم
    قولي اطفالي يبكون ولو تعقدت نفسياتهم ترا ذنبهم برقبتك ولا تنتظر برهم اذا كبروا
    حاولي تتصالحون لو ع الاقل قدام الاطفال
  4. @ghdy_ghad

    ماقريت مشكلتك بس كنت بأقولك روحي لعنده صالحيه تأسفي منه
    للأسف أنتي معنده ماتبدئين بالسلام
    إذا زوجك عنيد ورأسه يابس نصيحتي من تجربتي تنازلي وأبدئي بالصلح
    منها ترضين ربك ومنها ترضين بناتك مادام صارو يحسون
    بزعلكم وزوجك أعتذر من أخوك وأعترف بغلطته هذا الشيء
    إلي قاهره ودورك ألحين تصلحين الوظع بحسن تبعلك وتحاولين
    تجنب المشاكل من جميع جهاتها
    الله يصلح حالكم ويرد لك زوجك رداً جميلاً
  5. يااختي انا قبل ماارد قريت موضوعك السابق

    وفعلا حسيت باللي فيك

    من رايي تمسكين البنات خصوصا انهم يفهمون , وتقولين لهم عادي الزعل يصير بين الكل مثلا انت واختك ماتزعلون ؟ وبعدين تتصالحون نفس الشئ ياماما عادي واضحكي وخلي الوضع عادي

    وبالنسبة لي لو تروحين بيت اهلك تقعدون كم يوم تغيرون جو وزوجك يفقدكم صح لان ماحد بيقضي حوايجه

    وبناتك وولدك بيطلعون من الجو المتكهرب

    استخيري وشوفي

تابعي تجارب أخرى من هذا القسم.