أقسم بجلال الله أني أدعي باستمرار على عيالي بالموت والشلل وأبغى حل لحالتي

نعمة وجالسة ترفسينها وتتمنين زوالها
تبغين أولادك يتغيرون غيري شخصيتك غيري ألفاظك معهم
شجعيهم وحسسيهم بالأمان والحنان مو عذر حركة زائدة
طريقة أكلهم بكرة يكبرون وتصير هذي في نظرك أعذار تافهه
بعد ماتشوفين معاملتك معهم في صغرهم إذا كبرو
دايما هدي نفسك بالأستغفار والقرآن والصلاة وإبعدي المنكرات
عن حياتكم عشان الملائكة تحفكم وسوي جداول لأولادك
أعمال يسوونها بالبيت والمجتهد له هديه وحوافز
يعني إستمتعي بأمومتك في صغرهم ولاتخلين مشاكلك مع
زوجك تأثر على نفسيتك تجاه أولادك حطي ببالك مالهم ذنب
بشيء
إستغفري ربك وعودي لسانك تدعين لهم بالصلاح وإدعي لهم
بصلاتك تخلي لو دعوتك إستجابة وش بيكون موقفك مع نفسك
سامحيني إن قسيت عليك بالكلام
الله يصلح لك أولادك ويرزقك برهم ويحنن قلبك عليهم

حرام عليك بكرا بنتك تتعقد بسببك ! يمكن عندها فرط حركه وتشتت انتباه .. حرام تقولين لها ليتك مو بنتي تخيلي نفسك مكانها !! انتي امها محتاجه منك الحنان والامان .. وتوها طفله لاتعقدينها واذا كبرت تدور الامان برا .. انتو بس تكبسون بهالعيال وتنسون تربيتهم وتنسون حتء انفسكم .. ربي بيسالك عنهم امسكي نغسك واذكري ربك

الله يجزاكم الجنه وانا الحمدلله قدمت ع شغاله فلبينيه بعد ماشاف زوجي الوضع المزري اللي وصلت له بسبب ضغط الشغل والاطفال وكل شي ع راسي وياااااارب يرزقني شغاله بنت حلال وطيبه تعوضني تعب السنييييييييييييين اللي راحو وانا باذن الله بكره اصوم وادعي ربي يبعد عني العصبيه ويخلي لي عيالي تكفوووووون يابنات ادعولي

انتي طبيعيه .. متأكده انك مو مريضه نفسياً !!

مع احترامي لك انتي مابقلبك رحمه
تذكري ضعفهم وهم تحت يدك وانتي تضربينهم وتذكري ايضاً ضعفك عند غضب الله عليك
الاطفال احباب الله كيف تسمحين لنفسك تسوين فيهم كذا
تعقديهم من الضرب ومن الاسلوب الخايس وتقولين شخصياتهم مهزوزه !!

امرك عجيب !! طيب وابوهم وينه عنك ليش مايكسر يدك علشان ماعاد تمدينها عليهم

اعذريني بس قهرتيني قهرتيني قهرتيني
والله اني ارحم عيالك


حرام عليك ترى والله بتلقين حوبتهم في نفسك وبتندمين

بنتك كبيره ماعادت صغيره كلميها بهدوء لاتخوفينها منك ترى البنت قريب مرحله المراهقه تكفين انتبهي لها واحتويها وضميها وحسسيها بحنانك ونسيها قسوتك
اذا مالقت الحنان عندك صدقيني بتروح للغلط وبتندمين

جربي تعاملينها بحنان وعطف ورقه واسلوب حلو يوم واحد بس اذا غلطت ضميها وفهميها ان هذا الشي غلط وان الصح كذا وكذا
امزحي معها سولفي معها وشوفيها تتغير ولا لا

وانتي بردي اعصابك و اذا جيتي بتعصبين اذكري الله

اذا احد سوا غلط قبل ماتعاقبينه عدي من الواحد للعشره وبعدين فكري في رده فعلك


الله يهديك بس

يممممممممه ياربي والله منتي طبيعيه حررررررررام عليك والله والله والله لاتندمين على سواتك في عيالك وبذات بنتك انتي منتي ام مستحيل اام تسوي بعيالها كذا ولا تدعي عليهم بالشلل!!!!!!!!!!!!
ياليتني ماقريت موضوعك وربي حزنت على بنتك حرام عليك اتقي الله فيها