زوجي بعد ولادتي وزوجته الثانيه

السلام عليكم
اختي اول شي مبروك ماجبتي وجعله الله من مواليد السعاده
قبل ماأرد على موضوعك
حابه اقول للاخوات (اتقن الله بردودكن،كرهتوا المرأه بعمرها وشككتوها بنفسها،،)
اختي الفاضله قرأت مشكلتك كذا مره زوجك عنده مشكله الله اعلم ايش هي حاولي تبحثي في هذا الموضوع،،وماقلتي لنا كم عمره وطبيعه عمله،،ووضعه الصحي ووضعه المادي لان هاذي تأثر على الرجل بدرجه كبيره ،،وبالنسبه للتجميلي لاتستعجلى الا لما تعرفي ايش المشكله  اخاف تسوينها ويستمر زوجك على نفس الوضع ثم تنقهري زياده ،،ضرتك فيه احتمال تكون نفس الوضع ونفس المشكله الله اعلم لان لو مو نفس الوضع كان جاملك زوجك وانا مع المصارحه بكل الاحوال قوليله انا لي رغبات لاتحرمني انت مسؤل عن هالشي،،اذا انت مااعطيتني حقي مين بيعطيني ،،ووجهيله سؤال مباشر قولي انت تعطي زوجتك الثانيه حقها الشرعي او لا ،،لاتصيري مثاليه زياده وقوليله اذا انت تعطيها وتحرمني ماراح اسامحك لادنيا ولا اخره طبعاً الكلمتين هاذي قوليها بهدوء واتركيه واخر نصيحه اقرأي سوره البقره يمكن صايدتكم عين انتي وزوجك الثنتين ولدتن سوا ☺️

هلا اخيتي انا هذه اول مشاركه لي في منتداكم الحلو كنت دوم اقرا وما اشارك بس مشكلتلج رفعت لي ضغط وما قدرت اتحمل حبيتي ريلج غلطان بس هم بعد انتي غلطانه اول غلطه ليش تسالينه انه ضرتج مسويه تجميلي ما مفروض تفتحين عينه علي هالسوالف ثاني شي انتي ليش تعطيه راتبج كله هذا اكبر غلط شو يضمنج باجر يوم يخلص البيت انه ما يجيب ضرتج ويسكنها وياج حزتها شو بتسوين الحين ما علينا انا احس ريلج شايف انج حيل طبيه وقاعد يدوس عليج اللي تقول يمكن ضرتج تعاني من نفس مشكله ارد عليها الريايل ما يصبرون عن هذاك شي اذا مب وياج اكيد ويا ضرتج وانتي طاف اول شي قوي علاقتج برب العالمين التزمي اذكار و قيام ليل وتمي ادعي سهام ليل لا تخطي ثاني شي ياا قلبي كلميه بكل صراحه اللي في قلبج قوليه من دون اي خوف عطيه انذار قوليه يا تتعدل يا انته اللي بتخسرنا بس مره وحده وخليه يشوف ويه ثاني منج بعدها طنشيه ولا كانه موجود اهتمي بجمالج سوي رجيم و رياضه لا تعبريه ابدا خير شر ولا كانه موجود وكل ما يي البيت خليج دوم كاشخه وكلمي ربيعاتج عداله واضحكي روايه انج مستانسه وانه هو اخر اهتمامتج واذا تقولين هو ما يطلعني ما يمشيني نحن حريم كلنا انطيح في هاغلطه يوم نربط وناستنا بالزوج انتي سوي سوالف اللي تحبينه من دونه مب لازم هو وموضوع جماع اول ما يي
انتي رقدي يهال كلهم من وقت والبسي ملابس مغريه واقعدي طالعي تلفزيون او اقراي كتاب ولاكانه موجود شوفي كيف هو اللي بي يطلب منج انا نصحتج من قلبي كوني قويه وحبي نفسج شوفي كيف هو بيرجع لج وابعدي عن ضرابات لا تخلي بيتج كله نكد ان شاءالله الله بيرد لج ريلج

اختج من الامارات بعيدة المنال

بيت بدون صك ايش يضمن حقوقك فيه خذي صرافتك منه وتحطون فلوسكم ببيت شعبي الارض اذا اشتريتوها اكيد باسم احد واذ بوضع اليد الله يعينكم يعني تبنون البيت بالليل وبالخوف من البلديه
كل واحد عقله براسه يعرف خلاصه
الله يهنيك بحياتك ويسعدك وماتشوفين الغدر ان شاء الله ابدا