انتي عندك اخوان واخوات ؟؟ ماتحبيهم وتفرحي بتواجدك معهم ؟
لو امك قالت لاخلاص جربت الولادة مره وتوبه ما اعيدها ,, ماكنتي شفتي اخوانك حواليك .. او قدرتي تروحي تزوري بنات خالاتك وعماتك وماعندكم اجتماعات كبيرة تفرحو بتواجدكم فيها وبجمعتكم .
اللي اقصده ان الحمل والولادة فطرة طبيعية موجوده بكل المخلوقات ..لو الخوف هو اللي يغلب كان انقرضنا من زمان .
وكلي امرك لربك وهو ماكتب هالشي لنا الا لأننا الحمدلله اقوى بكثير من ما تتخيلي .. ماراح تعرفي قوتك وصبرك الا بوقت الشدة .
ومسألة الخراب ومدري ايش كلها كلام انترنت وتهويل زائد من بعض الحريم الله يهديهم .. اننا مخلوقين من جلد وعضل مصير اللي تمدد يرجع لطبيعته .. بمساعدات طبيه او تجميليه او طبيعيه .
مثلا تروشتي ولبستي صيفي بعز الشتاء تقولي ماراح يجيني زكام عادي ولاراح امرض .. هل هذا منطقي ؟؟ نفس الشي للحمل والولادة اللي تهمل وماتساعد جسمها على التخلص من بقايا الحمل بشكل سليم وتقول ليش صار لي كذا وتشكي الحال وهو من اهمالها .
طبعا الحمل والولادة لها متاعبها وآلامها ماراح اجاملك ,, لكن صدقيني كلها تنسيها تماما لما تشوفي طفلك بيدك بعد انتظار هالشهور تعدي على خير .
وراح تضحكي بإذن الله على تفكيرك وتقولي ليش كنت شايله هالهم كله بدون داعي .
موفقه يارب
الخوف من الحمل
متابعة النقاش، صفحة 2