شغالتي الفلبينية

السلام عليكم ورحمة الله وبركاته
سبحان الله وبحمده سبحان الله العظيم

اخباركم
بدون مقدمات انا موظفه بيتي دورين وعندي شغاله فلبينيه لها خمس شهور راتبها الف وخمس مو شويا, طبعا ماتعرف عربي ابدا تعرف انجليزي وانا مااعرف انجليزي الا كلمات قليله جدا علشان كدا مااعرف اتفاهم معاها هي نظيفه ماعليها بس مااحس انها تنظف بعمق احس تنظيفها وشغلها عادي يعني ماتستاهل راتبها تصحى من نومها الساعه قبل ست الصباح بس اطلع من الدوام الساعه وحده القاها لسا قاعده تنظف الدور العلوي يعني تمسح الارضيه وبعض المرات حتى الدور السفلي تكون لسا مامسحت ارضيته علما اني كم مره افتح الترجمه بجوالي واقولها نظفي الارضيه في الصباح بس ماتفهم . وادراج المطبخ بعض المواعين الي مانستخدم عليها غبار يعني ماتنظفها باستمرار والملابس انا اساعدها في غسلها وهي اغلب وقتها فوق في غرفتها مدري كله كوي ملابس او ماادري وش تسوي وانا موظفه ومااقدر اراقبها طول الوقت علما ان اولادي كبار يعني يروحوا المدارس ماعدا واحد خمس سنوات والطبخ تسوي الغدا فقط

الله يجزاكم الفردوس هذي كيف اتفاهم معاها وكيف احط الجدول لها وكيف اراقب شغلها
والله راح ادعيلها الي تفيدني ودمتم ....

8 تعليق 5,833 مشاهدة

شاركي في النقاش

سجلي الدخول لإضافة تعليق.

التعليقات

8
  1. دام لها خمس شهور فلسا تقدرين تتحكمين فيها وتخبزينها مثل ماتبين
    شوفي خلي شغالة فلبينية او اي احد من خواتك يعرف انجليزي يترجم
    انت قولي الصبح تصحين الساعة كذا واللي يترجم يقولها وخليها تكتب بورقة
    وقولي الصبح تسوين كذا وكذا وبعدين الغداء تبدين فيه الساعة كذا
    وعطيها الاساسيات ورؤوس الاقلام والمترجم يقولها وهي تسجل بورقة وقلم
    وقولي انا بشوف شغلك خلال اسبوع وراح احاسبك بعده
    وخلك رسمية معها وبنفس الوقت ودودة لان ولدك عندها الصبح
    وخليها تحس باحترامها وبنفس الوقت تحس انك تراقبينها
    منها تشتغل بدون لف ودوران ومنها ترتاح نفسيتها ان ماحد بيظلمها
    واهم شي قولي اذا صعدتي لغرفتك بالليل نامي واشبعي نوم
    لان بعض الشغالات يطقونها سهرة اما بالجوال او على اغاني وخرابيط واذا جا الصبح مايقدرون يشتغلون ولا يراعون الاطفال اللي عندهم

    موفقه
  2. @almlkh

    صاحبة الموضوع
    قولي امين ياريحة الجنة الله يرزقك الجنه من غير سابق عذاب ويفتحها بوجهك من وين ماوجهتي ويبارك لك النيه والذرية والاعمال الصالحه
    انت الوحيده الي رديتي علي وماسفهتيني مثل البقيه وان شاءالله راح استفيد من كلامك ..
  3. @osh_odak_lh

    انا اخلي الشغاله تنظف البيت وتمسحه قبل ماتنام وغسيل الملابس العصر اذا قامت الصبح تغسل دورات المياه وتكوي الملابس وارتحت كثير
  4. @ord_thblanh_1

    خلي الفلبيني من المكتب يكلمها ويفهمها وش تبين بالضبط
    يمكن مافهمت اللغه
    وخليه يقولها ان اي تقصر يتكرر راح نخصم من الراتب

تابعي تجارب أخرى من هذا القسم.