بشروني بضناها وياحلوها من بشارة .. ملف تباشير مارس3 وابريـل4 .. 2014

نفسسس الشي صار معاي
وكنت باكتب بس تخيييلي انا كنت باشتريها من الصيدليه
بسسسس قلت بعدين

ولقيتها في بنده ب خمسيييين
نفسسسسها اللي فيها عشر حبات

مدري ليش الصيدليات كذا غاليه !!!

اشتريت مبدئ لما واجربها لو عجبتني
اكمل و لا اخذت لوتسس للايام الجايه ...
بس تينا ثقيل قطنها كويس
بس ااجربها و احككم عليها ...

بنات
طبيعي بعد الكشف ينزل دم احمر او بني
كذا قالت لي الدكتوره ..

جهززززت اغراضي وكل شي
خايفه ينومووني اليوووم
احسس شي مصيرري مو جايني نوم
كلها صعبه عليا
طلق صناعي ولا قيصري !

الله يكون بالعوون ...

انا كنت اخر اسبوع قبل الاجازه ماتبدا ببحث عن شغاله بالايجار الشهري وكنت نازله من حائل خلاص على اساس بجيب للدوام اجازه مرضي الخمسه ايام لانو كانو محددين موعد عمليتي على 24مارس يعني 23/جماد الاول وكانت حتكون في اجازة التسعه ايام المهم يوم السبت كلمت مديرتي تدبرني بس ثلاثه ايام اللي هيا الاحد والاثنين والثلاثاء وباقي اليومين الاربعاء والخميس 18-و19عندي موعد وبيعطوني اجازه من المستشفى وبرسلها لهم والله يجزاها خير ماقصرت معايا الحمد لله
المهم كل يوم يابنات احصل شغاله واتفق معاها عااساس اخذها تاني يوم وتقفل جوالها وادور تاني يوم من جديد اتخيلو معايا السبت والاحد والاثنين كدا مرو عليا خلاااص وقلبي يوجعني ومعايا افرازات وطلق مو منتظم يوم الاثنين العصر اتصلت فيني جارتي القديمه مكان سكني قبل سنتين فجأه تطمن عليا وشكيت لها الحال ودبرتلي شغاله فورا كانت عندهم ولمن وصلت اللي مستقدمينها مشوها والحمد لله كانت من نصيبي واتفقت معاهم عالثلاثاء اخدها وخلاص اجي على بيت اهلي اللي سبق رتبت فيه اغراضي واغراض بزورتي وشنطة المستشفى وجهزت كل اموري يارب لك الحمد يوم الثلاثاء من الصباح صار الطلق منتظم ودخلتي عالحمام زادت
صحيت من النوم ام زوجي الله يرحمها قالتلي اشبك اليوم زايده دخلتك عالحمام قلتلها معايا افرازات وطلق مسكت بطني وقالت لي الله يسهلك يارب وعبينا الغدا وجلسنا نتغدى ووصتني انتبه على حالي واخلي بزورتي مسؤلية خالاتهم وارتااح المهم سلمت عليها ورحت جبت الشغاله ونزلت على بيت اهلي وانا خلاص ميته من التعب ومرهقه من الدوام وبقول الحمد لله برتاح هالخمسه ايام الى غاية بداية الاجازه وكنت قبلها بستخير طول الاسبوع على موعد العمليه ان كان فيه خير تصير وان كان فيه شر يبعدني عنه ويرضيني
واتعشيت على 12صباحا وصمت عشان عندي موعد نهار الاربعاء اجهز اوراق الدخول واسدد بنك الدم ويعملولي تحاليل عشان العمليه وماجاني النوم طول الليل مع الالم لغاية الفجر صار الطلق كل سبعه دقايق يجيني ومرات كل تلاته دقايق وانا اتصبر انه خلاص مابروح الا على موعدي
طبعا انا اراجع في الولاده عند استشاريه جيهان الحازمي رحت قست ضغطي ووزني وحرارتي وانا ساكته ودخلت عند الدكتوره اول ما عملت لي تصوير قلت لها معايا تقلصات سئلتني من متى كذبت عليها هههههههه ماقلتلها من السبت قلتلها من امس واتهزأت قالتلي وساكته على نفسك انتي عندك عمليتين المفروض مايجيكي طلق نهائي قلتلها انا اتصبرت عااساس عندي موعد اليوم وبجي اتطمن المهم ماسمعتلي حولتني عالتخطيط
ورحت عيادة التخطيط ركبولي الجهاز عشان يشوفو في طلق والا لا ويسجل الجهاز انه 30يعني مافي طلق وتقول لي الممرضه ماعندك طلق وانا كلما يجيني الطلق اقلها ها شوفي كم دحين معايا الم تقول لا مافي الجهاز يعطيني 30وانا مستغربه المهم كلمه مني كلمه منها اتعرفت عليا شويا زاد الالم عندي وقلتلها قامت مسكت اللي مركبتو على بطني وضغطت عليه وانفجعت صار الجهاز يسجل 95 قوة الطلقه وبين طلقه وطلقه 5دقايق تقريبا طلعت الاخت مهي مثبته الجهاز على بطني مظبوط وعلى طول قالتلي نامي على جنب ورجعت لصقتو من جديد بلصق زياده وسجل الجهاز اظن خمسه طلقات وفكتو وقالتلي روحي عالاستشاريه طوالي ورجعت للعياده الا الدكتوره زي اللي عارفه ايش يبغا يصير لقيتها مجهزتلي اوراق الدخول واوراق العمليه بس ناقصه توقيعي وعلى طول جهزوها من المستشفى وبالعربيه طلعوني للكشك وقالو يراقبو طلقي ويشوفو اذا زاد فورا يدخلوني للعمليات وبدا الجد طلعت لفوق قريب 12 واستنيت صلاة الظهر قلتلها لاتركبيلي جهاز الطلق الين اصلي وصليت ودعيت ربي ييسرلي احسن خلقه ويسهلها علياا وطلعت عالسرير وركبو الجهاز وشكلو زاد الطلق وانا ماسئلت كم لانو فورا جات اللي تركب لي الكانيول وجهزو القسطره حقت البول واعطتني القابله ابرة حساسيه عشان تعطيني مضاد في الوريد ولبسوني وجهزوني للعمليات وحكتلي القابله انه من حظك اللي ماسكين العمليات اليوم ممتازين دكتور الجبالي ودكتوره عفاف نور والاستشاري حق التخدير ناسيه اسمه واحد خبره وكبير في السن وقالت من حظك انهم جدولهم اليوم الحمد لله وحمدت الله رغم ان مااعرفهم صراحه ولاادري مين الافضل ومين الاسوء المهم دعيت ربي والحمد لله استجاب لي ودخلوني العمليات طبعا طلبت منهم بنج نصفي بس الاستشاري قالي معاكي طلق حامي ومانقدر نستنى مفعول البنج النصفي وياخد وقت ومافي مجال نستنى هادا الكلام قريب واحده الظهر قلت اوكي الله يكتبلي اللي فيه خير واعطوني البنج ومافقت الا وانا استفرغ لاني صايمه فتره طويله وطلع عمر حبيبي بالسلامه واخدوني عالافاقه على الساعه 2ونص الظهر تقريبا وحكالي الدكتور انه كان عندي التصاقات وفكوها ووزن ابني اثنين كيلو وستمائة جرام وهوا كويس يارب لك الحمد وضليت بالافاقه للساعه ست ونص تقريبا وطلعوني لغرفتي وبعدها بشويا جابولي عمر من الحضانه وانبسطت بشوفتو وكلمت ام زوجي الله يرحمها عشان اتطمن عالاولاد لانو كانو عندها وكلمتهم وكلهم مبسوطين واهلي عندي والحمد لله حمدتو انه جا ابني يوم 18 الاربعاء وام زوجي كانت فرحانه بصورتو ومبسوطه في الحفيد الجديد وكانت ناويه تزورني تاني يوم العصر لكن قدر الله انها تتوفى الخميس الصباح الله يرحمها ويغفرلها يارب ويجعل مثواها الجنه وامي وجميع موتانا وموتى المسلمين واكلت الفجعه مظبووط لمن خبروني وبعدها نسبة الصفار زادت عند عمر وخلوه بالحضانه وانا طلعت من المستشفى وصرت اروح كل كم ساعه ارضعو واعبيلو حليب من صدري عشان يشربو وجلس تلاته ايام والحمد لله خفت النسبه وطالعوه عااساس كل يومين نعيد التحليل ومشي الحال يارب لك الحمد وعدت الايام اليوم بنكمل 19يوم تقريبا وباقيلي اطهرو بس ابغا وزنو شوي يزيد ويكبر والصفرا تنتهي ان شاء الله وخير
طووووولت عليكم بحكايتي بس حبيت احكيلكم بالتفاصيل واذا فيه غلط اعزروني بكتب في الظلام وابني في حضني
وعقبال عندكم تحكولنا التفاصيل كدا

قد جربتي بنج نصفي وايش افضل ؟
وو
الحمدلله ربي سهل عليكك ..
اهم شي سلامتك و سلامة النونو ...

الله يرحمها و يغفر لها ...

طموني عن قلبي حنوون ان شاءالله ولدت؟؟