أحتاج نصيحتكن وخذوا العبرة من تجربتي

يعني انت مو متقبلته ولاتحبينه واهملتيه ومااعطيتيه حقوقه واهمها الاشباع العاطفي كان يطلب منك امور معينه وماتقومين فيها يعني بالعربي كنت لاعبه دور الفقاصه لااكثر ولااقل بالله هاذي حياه عمرك راح وانت ماتهنيت مع زوجك ولااشبعتيه عاطفيا اقسم بربي انه صبر عليك صبر الويل ويوم فكر يعيش حياته ولقي بنت تكون له زوجه وحبيبه وعشيقه انثى بمعنى الكلمه تحركت عندك الغيره لا وبعد تظلمينها نفسي احلل الشخصيات هاذي وحده ماتحب زوجها ولامهتمه فيه ويوم يتزوج يعني انها صحيت من الكابوس وينك كل السنين الي مضت وينك يوم انكم بعز شبابكم ماتهنيت مع زوجك وعيشتيه احلى جو واحلى رومنسيه
بكل صراحه وامانه قصتك ترفع الضغط وتدل على غباااااااااااااااااااااااء شديد وقله التصرف الحكيم واحمدي ربك ان زوجك ماخانك بالحرام لجاء للحلال
نصيحه اهتمي بنفسك وباولادك واتركي زوجك يتهنى مع زوجته

ممكن أقول شي و لا تزعلين مني؟ لو أنا مكانك أبقول عاقبني ربي لأني سويت أشياء غلط:

١- و أولها روحتك لها و لأمها بالزواج و التميلح عليهم و إنك سامحة لزوجك يتزوجها.

٢- غيبتك لها عند زوجك بعد ما رجعتي من الزواج و محاولتك غبن زوجك و يوم ما انغبن حاولتي تشوهين سمعتها بأنها تزوجت شهرين و طلقها زوجها لأنه ما ينصبر عليها. يا ويلك من الله وشلون طاوعك قلبك تغتابينها و تكذبين بعد!

٣- روحتك لها كل شهر و التنكيد عليها في إن زوجك ما أخذها إلا يبي عيال و تشوفين دمعتها و ترجعين مبسوطة!!


٤- محاولتك تكريه زوجك في بنت ضرتك!!!



و الآن اللي المفروض توقفين مع نفسك و تراجعين نفسك ، لااا بعد تبين طريقة تخلي زوجك يطلقها!!!! بدل ما تقولين ممكن إنك تكونين غلطانة، تبين تسوي غلطة خامسة! و صدقيني ربي حليم عليك و تراه يمهلك و إذا عاقبك بيعاقبك عقوبة عزيز مقتدر .... ربي مع زوجة رجلك الثانية و يسنع أمرها و سبحان الله صدقت المقولة "يا غافلين لكم الله" لها الله سنع أمرها و حملت و حبها زوجك و حن عليها.



المثل العربي يقول "يداكا أوكتا و فوك نفخ" لو إنك قاضبة أرضك من البداية و ما سويت الغلط رقم واحد كان أنتي الآن عايشة مع زوجك بدون زوجة ثانية ....



أعرف حرارة الضرة، لكن دامها جت و طبت على راسك و لا ضرتك ترى حرام عليك تخربين بينها و بين زوجك ... و هي متلتهه و سبق و تطلقت قبل و لولا الحاجة و الا وش تبي برجلك الشايب. أكبري و ربي عيالك ترى الله قادر على إنه يحرق قلبك على بنتك إذا تزوجت و يسلط عليها من لا يخاف و لا يرحم.. أكبر عيالك عمره ٢٧ و الدنيا ما تسوى جناح بعوضة ... خليك طيب تطيب لك الحياة، و ابطني الخير لغيرك يغدق عليك ربي من رضوانه و رحمته ...




إن سمعتي كلامي فتراه ما قلته إلا من قلب ناصح لك .. و إن عاندتي فتي فتراه سبحانه يمهل و لا يهمل

عيالي كانوا ينامون عندي قبل 20سنة هو كان راضي بس فجأة تطور وصار مايبهم ينامون عندنا يعني بذالك الوقت كان كثير عيالهم ينامون عندهم وانا تكلمت بكل صراحة لاني صادقة مع نفسي واعتبركن خواتي ابي نصيحتي ابي ارجع أفكر بعيالي زي اول احاول أكون مثل اول ماهتم فيه بس أعجز اول تصدقون خميس وجمعه ماشوفه اول ماياخذ اجازة يسافر يطلع بر الحين ابد مايروح الا مع العائلة مو بس معها حتى معنا يمكن بعد كم اسبوع يمر ربعه بتقهوي او بتعشي معهم لكن صار يحب البيت والعائلة يمكن هذي الحسنة الوحيدة من زواجه وبعد يقهرنا أهله أنا طول عمري رسمية معهم وبسبب معاملتهم لي بالبداية الحين هم وإياه طايحة الميانة بينهم وزيارات وطلعات سوا قلت ليش تخليها تختلط فيهم قال انا ماجبرتك تروحين لهم وهي ماني جابرها تقطع علاقتهم فيها صارت اذا سمعت ان فيه زيارة او طلعة اطلع معهم واعزمهم وانا كرهتهم بس مابيهم يتفقون علي تعبت احس كل الناس ضدي 

تدرين وش حبيت فيك؟؟
صراحتك بطرح مشكلتك وكتبت كل عيوبك وبينت طيب اصل زوجك

انت معدنك طيب وواضح طيب قلبك وهالشيء يظهر بطرح مشكلتك
احسك على نياتك رغم انه عمرك اخر ال40
يعني كثير اخطاء ارتكبتيها وانت ماكتتي تعرفي عواقبها مع ان الشيء وااضح جدا

بالنسبة انها تزور اهله وانت رسمية معهم
للاسف شكلها كسبتهم وانت مكانك سر

ارجوك تحركي واكسبيهم لصفك وصفي نيتك لا عاد تفكرين ان زوجك يطلق حرمته الثانية
خلاص انسي الموضوع وفكري بس كيف تكسبيه لصفك وتصلحي اخطائك

الله يصلح حالك وينزع الغيرة الغبية اللي صابتك علي كبر من قلبك ،،

اللي صار صار وأنت عشت حياتك كلها لعيالك كملي حياتك لهم هم الحين محتاجينك أكثر ،،

بناتك متزوجات محتاجينك يفضفضون لك ويستشيرونك في حياتهم وتربية عيالهم ،،

عيالك الباقي شباب واللي في سن مراهقة ومحتاجين أمهم تهتم فيهم زي أول وتراقبين تصرفاتهم ( أيش يشوفون ؟ مع من يمشون ؟ أش في جوالتهم ) لا تضيعنهم بأهمالك لهم في أهم مرحلة من حياتهم سواء شباب أو بنات .

تتوقعين لو حملتي الحين بترجع كرامتك ؟ ليش ؟ عشان الناس تقول والله باقي يجيها ....؟؟؟
تري الناس ماراح تحمل بدالك ولا تتعب بدالك ولا تربي بدالك فيك حيل لهذا كله ؟

طيب وبناتك وازواجهم ما تستحين منهم وأنت بكرشك قدامهم ؟؟

طيب تضمنين تجيبين طفل سليم ؟

عندك خبر أكثر الاطفال اللي أمهاتهم كبيرات بالسن يجون ( منغولين )؟؟

بنت الناس بيض الله وجهها ماتعدت ع حقوقك فأكرميها بأخلاقك وخليك أفضل منها ولا تتعدين ع حقوقها !!

تري الناس تشوف وتسمع ولها عقل تحكم ويوم يشوفنك كبيرة بعقلك وثقلك وشخصيتك بتكبرين ف عيونهم

وإذا شافوك مستخفة بالزوج بعد زواج زوجك بيقولون ( طقتها الغيرة وأحرقت قلبها ) !!

وزوجك ونعم والله فيه رجال وااافي وكريم ويقدرك ويحترمك والا كان علوووم !!!

خليك كبيييييييرة بكل شي


بالعقل



بالثقل


بالحكمة


بالكرم


بالجود


بالتعامل الراقي مع عيالك وزوجك وضرتك وبنتها وأهلك وأزواج بناتك ،،

الله يصلح حالك ،،