راح اسكن بقرب أم زوجي
متابعة النقاش، صفحة 6
شاركي في النقاش
سجلي الدخول لإضافة تعليق.
التعليقات
37- حسبي الله على هالعجايز تبين ولدك لاتزوجينه والله من الحسد والحقد بقلوبهن لو بناتهن ماقالن شي بس بنات الناس حرام يستانسون
- اختي انا معك مو حقها تاخذ مفتاح بيتك بس انتي عاد اذا بتكسبين زوجك فوتي عادي خليها تاخذه لو منك انا اروح اعطيها هو يمكن هي تدور شي طفشك او انها تعتبره بيت ولدها ولها حق يكون معاه مفتاح عادي اصلن بتاخذه واذ شافت منك عدم اهتمام بتطفش ويمكن تدور على شي ثاني ويمكن ترضخ وتشوفك ماتنافسيها وتهداء عن الحركات الي تسويها الله اعلم مافي قلبها لانتي ولانحن نقدر نجزم هي ليه تعمل تسذا يمكن شايفه انك اخذتي ولدها ويمكن ويمكن فالافضل تصبرين وتدعين ربك وتذكرين لابد من منغصات لحتى يصبر الواحد اذا جلستي على حرب معاها لانتي بترتحين ولا هي ولا حياتك بتستقرولا بتكسبين شي لاكن بصبرك عليها يمكن ربي يصلح احولك مع زوجك وكثير قصص
كذا في البدايه بعدين تصبح ام الزوج مثل العسل من صبر كنتها
وربي يفرجها عليك - ليش اهي عايشة لحالها في بيتها؟
اذا جذيه الافضل تسكن بنفس العمارة بس بدور مختلف ولاتجيج بعد جم شهر وتعيش عندكم بحجة انه ماعندها احد بالبيت - الله يعينك عليها يعني هن عاشين حياتهن زمان ومجربات الوضع ليَِـَِـωHγีََِـش يحبين ينكدين ع زوجة ولدهن عمات غريبات حالات نفسيه فيهن أقـِْ♡̷̴̬̩̃̊ـِْۈۋۈل خلاص الولد تزوج يبغي يستقل هو وزوجته الله يفرج عليك يـْآلغـِْ♡̷̴̬̩̃̊ـِْلا
كثري مِـFROMـن صلاة ﺂلليـْل
وادعي - شوفي نادر تحصلين متزوجه متفقه مع أم زوجها
لابد تحصل بعض التدخلات والغيره والأحقاد و و و و
بس عودي نفسك كيف تتكيفين معها
إبعدي عن المواجهات والشغلات إلي تستفزها
بيتك لحد ياخذ مفتاح له وفهمي زوجك إنه هالشي من أبسط حقوقك
إذا هي من النوع إلي تبي كل شي متوفر عندك بكيفهاااااا هي و ولدها يصطفلون
لاتدخلين نهائي مهما جاب لها وعطاها خليك خارج الموضوع
ولا تتشكين منها عنده الشي إلي يتفوت فوتيه والشي إلي بيكون له تأثير على خصوصيتك
ناقشي زوجك فيه و أوصلو لحل
وحنا عارفين زين شعور الأم تجاه ولدها بس لما تبالغ الأم بمحاصرة ولدها وحياته
وتتعمد التنكيد فهذا شي صعب
بعد هالأم أخذت زوجها من أمه وعايشه فبيت لحالها ومحد تدخل بها
مثل ماهي عاشت تخلي غيرها يعيش أما بنجلس نقدم تنازلات تغثنا على أساس
إنها أم وشعورها طبيعي غلط !!
أنا ضد إنه الزوجه تقدم تنازلات قوووويه تضر فيها وبراحتها عشان رضى أحد !
ممكن آتعاطف مع غيرة الأم البسيطه وأقدر غيرتها بس لما يتطور الموضوع للنكد
لا لإنه حنا بالنهايه بشر ولنا قدرة تحمل وصبر محدوده و لازم ما نتنازل عن حقوقنا
عشان خاطر أحد . إلي يخلي بعض الأمهات الله يهديهن يتمادن بالعناد والتنكيد
هو تقديم الولااااء الفضيع والمبالغ من الولد و زوجته يقدمون تضحيات بإسم البر
على حساب أنفسهم ! لكن لو الأم حصلت من يوجها توجيه سليم ويفهمها
إنه بعض التصرفات غير مقبوله بكذا راح تعرف حدودها وتحط حد لتجاوزاتها إلي
إن تحملوها الأن ماراح يتحملوها بعدين !
العقوق واضح معناه العقوق هو مقاطعة الأم والتهجم عليها والتقصير معها
وما شوف بوجهة نظري أي عقوق لما الولد يفهم أمه إنه يصدر منها تجاوزات تضر بحياته
مواضيع مشابهة
تابعي تجارب أخرى من هذا القسم.