المتأخرات في الحمل والسبب من زوجها تدخل فقط

لا يا اختي انا ما أنصحك تقولين العيب منه البيوت اسرار

لكن قولي لهن الحمدلله مافيني شي لكن الله للحين ماكتب وحنا راضين

أنا مع الأخت في قلبي دوم 👍

يكفي أمه وأبوه يعرفون هم من بيقلق عليه إذا ماعرفوا وبقلقون عيشتك
..أما الناس تفادي الإحراج معاهم
قوليلهم بكل ثقة رحنا المستشفى إثنينا سليمين بس ربي ماكتب
...منها تتفائلي ومنها محد يزيد ويعيد
وإذا شافوك واثقة ورايحة جاية بيملون من الكلام وينطمون

هذا هو إلا مسكتني خاصه مجتمعنا انا وزوجي يكبرون المواضيع ممكن ينقولها لازواجهم ويصيرون يدقون زوجي بكلام أو يعطونه هي صريحه.
وزوجي طيب ما يهون على اجرحه

كلام سليم نفس اللي ابغى اقوله


صاحبة الموضوع
وضعي نفس وضعك...لكن مستحيل اتكلم
اولا الناس مالهم دخل فيني ولا في زوجي ولاني مجبورة اعلمهم بتفاصيل وضعي
انا جلست 14 سنة بدون خلفه
ولما كانوا الناس يسئلوني او يعطوني وصفات
اقول كلنا سليمين واقفل ع الموضوع ولا اعطيهم مجال يسترسلون بالكلام
يا اتظاهر بالإنشغال ولا انسحب ما اعطي وجه
وهم حسوا على انفسهم ولا عاد زد احشروا انوفهم


اما اهله
الشاهد الله انه ماحد قد ضايقني منهم سوى امه الله يصلحها
ليل ونهار ماعندها سالفه إلا الحمل
كانت تسئلني...وانا ماكنت اعطيها اجابات تشفي فضولها...وكنت انسحب ع طوووول
فصارت ماتسأل...لكن تجيب قصص فلانه احملت ومدري ايش وتعالجت كذا وكذا ...وفلانه اشربت اعشاب...وفلانه اعرس عليها زوجها وصارت تحمل....الخ
الين تعبت نفسيتي بحكم إنها ساكنه عندي من السنوات الاخيره..
فقلت لزوجي انا ماعاد استحمل
نفسيتي تعبت في شي مالي دخل فيه
انا ماعاد اجلس ولا اسولف مع امك وكله منعزله في غرفتي وهاده البيت كله للاسباب ذيك...انا بشر نفسيتي تدمرت

فقال خلاص انا بتصرف
وعلم امه ان المشكله فيه...ومن يومها ماعاد تجيب طاري...وارتحت جدا
لكن احيانا ترد لسالفة الحمل لكن بوتيرة اقل
لين اكرمني الله وحملت جبت بنوته ربي يحفظها
ومن شهرين وزياده جبت لها اخت ربي يحفظهم ويرزقني بأخوان لهم...


يعني بإختصار...علمي زوجك بالمضايقات اللي تجيك من اهله وانك تتضايقين وتتألمين من هالشي وتتعبين نفسيا
وخليه هو اللي يتصرف
ابدا لاتتكلمين معه بطريقة المعايرة او التنقيص منه راح يحس انك تتشمتين
وربي يوفقك ويرزقكم