شيروني اشكي لاهلي والا لا

الله وليه كل هالسنين مااستاجرلك بيت
قوليله يستاجرلك البيت اهم من السفر

يحليله تعود الشيخ على الحريه والفرفره وماعنده تحمل مسئوليه عايش حياته

وزوجته عند اهله وعياله لايحبيبتي روحي انقلي معه في شغله ليش تقعدين عند اهلك

قولي له انت ملزوم بنا قولي حتى عيالي ملو من بيت اهلي يبون يحسون انهم عايشين مثل الناس

وزوجك لوه يستحي من اهلك كان ماخلاك عندهم ثلاث سنين

انا اقول استخيري ربك وعلمي اهلك بس اخاف يكبر قلبه عليك ولاتنحل المشكله
انتي قولي لزوجك ياتكون رجال وتاخذنا معك ياعلمت اهلي عليك

مشكورين كلكم ولو احكيلكم عن وضعي ماتصدقون اني متحمله هالسنين كلها والسبب لامبالاه من الزوج تخيلي انك تربين عيالك لوحدك مهتمه فيهم لوحدك مسئوليتك انتي محد يساعدك فيهم ويجي يومين ف الاسبوع يقول مصدع ابي انا ينام لين المغرب ويوديهم البحر جلسنا شوي وروحنا طبعا يتجهز ويتشيك ويطلع للشباب من بعد صلاه العشاء لين الساعه ٢الفجر لو تكلمت ماعجبه وقال من حقي اسهر
ثانيا المصروف الف ريال بس ايش تسوى هالالف في هالزمن ولو اقوله زود يالله يقوم الدنيا ومايقعدها طلعات للسوق مافيه عندك فلوس مستعد اوديك ماعندك مو لازم تاخذين شي تصدقون ولدي ماشالله كبر وكل ملابسه ضاقت لما اقله يزعل ويعصب وخواتي كل شويه يقولون حرام عليك خذيله ملابس مقاس اكبر وتصدقون يوم الجمعه ودانا البحر والعيال ياعيني فرحو يبون يركبون البحر ويستانسون قله قول لامك تجيب فلوس وانا اوديكم تخيلو ودفعت عشان اونس ولدي وتدرون ان المرسى غالي نص ساعه ب٢٠٠ريال وطلعنا للمول وجلست اشوف ملابس الاطفال وربي انه شال البس من يدى وقال العيال ماراح اخذلهم شي ماعندي تبين ادفعي حزت في نفسي طلعت من المول ابكي وودانا سوق ثاني انا قلت مابي شي خلاص اندست نفسي قال عادي انا ابي وربي جلسنا ساعتين في محل واحد وهو كل شوي ينقي ويقيس لين خلص وانا لو اوفق عن رف خمس دقائق قوم الدنيا وطلنعا لمول ثاني عشان يبي يسسحر يتعشى وطلب عشى والولد يطلبه حتى الاكل ماتهنى فيه يبي يلعب بالالعاب الكهربائيه واشحنها وربي بخمسين ريال ولعبته وروحنا وانا بموت من القهر وهو مبسوط ويسوىنفسه انه طائر من الوناسه وقررت اني مابين له اني مقهورة منه ومن تصرفاته ولو اقله وديني مكان بيوديني بس بفلوسي وحتى البنزين عليه هذا اقل شي يصير في الطلعات
وبالنسبه للاهتمام ماعاد فيه اهتمام عادي يجلس يوم يومين مايكلمني ولا يسال عني قبل لاياذن العشاء دق سلام كيفك وكيف العيال عطيني اكلمهم ويقفل ماعندة كلام رومنسي مايسال عنى مايهتم فيه ولا شي حتى كلمت احبك ماسمعها منه ويويلي اقله احد من العيال مريض يقلب ١٨٠ درجه ويعصب ويتافف كنه انا ممرضاهم وبالرغم انه انا اوديهم المستوصف وانا اسهر عليهم وانا اللي مهتمه فيهم مادري وين دورة متى بنشوفه هذا اقل شي من اللي قلته لكم كل مانطلع مكان لازم نروح زعلانين انا والعيال يعصب ع هذا ويخاصم هذا والسيارة لاتتوسخ ولاتطلعون صوت لايتخاصمون العيال ولا يتضاربون ع شي يبغاهم هادييين ماكانهم ف السيارة هذا كله كوم والنوم كوم وكتبت من فترة انه صارلي سنتين ماقد نمت في غرفه نومي وربي الكعبه صارلي اربع سنين عمري ماقد نمت جنبه في غرفه النوم بعد ماياخذ حقه الشرعي اروح انا مع العيال
وبالنسبه للبيت كان عندي شقه وكنت مبسوطه فيها وفرحانه هذا قبل خمس سنوات لكن المشكله اللي واجهتنا انه اهل البيت ساكنين فوق وتصريف الحمامات ينزل عندى ع الشقه غرفه النوم والحمام والمطبخ ومجلس الحريم وسبق ونزلت هنا موضوع عن هالمشكله وان المويه تنزل ع اللمبات والمروحه وافياش الكهرب ودائم اشم ريحه اسلاك بتحرق لين اشتعل علينا الحمام والحمدلله ربي ستر ومن يومها انا قررت يايجيب شقه يااجلس عند اهلي طبعا هو اختار السهل عليه انه اعيش عند اهلي بحجه الاولاد وانهم لوحدهم ويطفشون وللاسف عرفت السبب متاخر انه عشان المصروف والمسئوليه مرتاح من هالناحيه عايش عزوبي بالرغم ان الشقه لسه موجودة لكن من الخوف ماقدرت اعيش فيها طار النوم من عيني اخاف تحرق الشقه ويموتون اولادي هو تحمل المجاري والكهربا اللي تجي عليها مويه طبعا فاصلها عشان مايخسر في نقل العفش والاجار بالرغم انه مافيه عفش كثير والاجار ١٤٠٠ لكن هو للاسف عرفت انه مايبغانا طب وش اسوى انا الكبير سجلته المدرسه وحاط هذي حجه عشان يرتاح منا
هذا بس القليييل من اللي في قلبي ولو اكتب ماوفتني الصفحات وصراحه قررت انه اقول لاخويه عشان يتخذ القرار انا حاسه انه لوقلت لاخويه راح تنحل المشكله وراح يخف الحمل عليه وخاصه انه يمون عليه وزوجي من النوع اللي يستحي ومايحب يرفض لاحد طلب الا انا مادري ليه صح انه ممكن المشكله تكبر شوي لكن ماراح تطول وابوه من جد عادني وحدة من بناته ولو يدري انه بيسافر وانا رافضه والله راح يجبرة انه ميسافر لكن ناويه اقول لاخويه عشان يتفاهم معاه ويشوف هو ع ايش ناوي لكن انه المشكله توصل للطلاق مستحيل يسويها وماني عارفه اقله بكل شي والا السفر والشقه صراحه انا ناويه انه كل شي اقوله اعذروني ع الاطاله لانه من جد انقهرت منه ومن افعاله

ياختي خلي كلامك مع اخوك عنه اخر الحلول ..يعني اذا تسكرت كل طرق التفاهم معه روحي لاخوك ولاتطلعين كل شي خليك بمشكله السكن وبس والباقي حاولي تحلينه بينك وبينه

زوجك مبسوووووووووط يجي ياخذ حقه منك وياكل ويشرب وعايش حر نفسه وانتي كلما جاء رحبتي واهلتي
وفوق هذا مقصر ولاعنده اسلوب وراميك ورامي عيالك حتى لقمتهم مايدري عنها
مع احترامي لك ولصبرك انتي انسانه ضعيييييفه وهو شافك كذا تمادى
وهو من اشباه الرجال اللي تزوج علشان يشبع رغبته وبس اناااااني وانتي معطيته المجال
بقولك شئ واحد ان الله يحب المؤمن القوي مو المؤمن الضعيف
وانتي وشطارتك